[點心] 大圍小館
咪問我有幾懶
總之擘大眼就有早餐食就得啦…
大圍小館
賣相一般但係好好味凌晨三點都有得食嘅話就可以揀616客香邨
想食精緻嘅粵式點心就揀呢間
（自備外賣盒，一格格啲汁唔會撈埋一堆）
水晶蝦餃
晶瑩剔透嘅飽飽滿蝦餃
蝦肉爽口皮夠煙韌
外賣蒸氣啱啱走晒即食就just right
鵪鶉蛋燒賣
燒賣肉唔會肥漏漏
隻鵪鶉蛋仔彈彈牙咁好味呢～
黃沙豬膶腸
唔會有臊味苦味嘅黃沙膶
包住嘅蒸腸粉唔會過薄無米味
蒜蓉蒸鮮魷
鮮味嘅，不過細兜咗少少唔係好試得出太徹底
煎櫻花蝦蘿蔔糕
有絲絲蘿蔔唔會死實實得舊粉
用櫻花蝦提香就唔使擺晒油油膩臘味落去
煎釀青尖椒
隻椒新鮮爽脆帶甜微辣
（好彩今次抽到隻唔太辣，佢有啲係勁辣嘅！）
魚肉香滑又彈牙，唔錯唔錯
松子仁脆皮叉燒包
平日係唔食叉燒包嘅
平日都係唔叉燒餐包嘅
無啦啦食佢，吖～ 又幾好食嘅
裡面啲叉燒唔會紅噹噹一pat嘢咁
包面亦唔會好甜都OK啊！
煎糯米雞
誘人嘅金黃色澤…
係隻本身就已經足料到爆嘅糯米雞
（哇隻蛋黃靚到吖）
煎香咗嘅糯米飯外出內韌
但係出奇地唔覺得油膩
太！好！食！喇！！！
（飽飽～）