All Posts
雖然間舖叫「潮州人」
但賣嘅唔係潮州菜
個名只係想秉承潮州人刻苦耐勞嘅精神啫…
樣樣醉小食都好吸引咁
取捨完就叫呢幾款
師父醉雞翼
响佢同甘香醉鮮蝦之間揀真係有啲糾結
不過都係敵唔過懶得剝蝦殼呢關
加上隻雞翼係搬埋師父出嚟
都要試試阿師父嘅真功夫
花雕味OK濃味道滲到入肉
皮夠爽唔多油都幾好味
溏心醉蛋
話之你有雞先定有蛋先
有醉蛋就一定會嗌先
真係堅溏心嗰隻，咁高質嘅嘢冇嗌錯嘅
古法醉鮮鮑魚
因為CP值幾高咁就叫夠佢兩隻
浸得夠時間連鮑魚入面都夠酒味
而鮑魚本身嘅鮮味都仲响度，好正！
啲菜上得好快
呢頭影完小食啲主食都到齊
蠔皇花膠撈米
一～ 大～ 塊～ 炆花膠就撻咗响撈米粉上面
入一入境港駅隔離嘅交流館
みなとさかい交流館
裡面有境港市観光案内所、手信舖、桑拿浴場等
當然最最最吸引係呢幅妖怪巨大壁画啦
賣手信嘅地方 鬼太郎売店
仲有まんが王国とっとり
用呢個pass玩咗好多度原來有個館㗎喎…
大量漫畫場景合成嘅welcome畫
GO!
有齊鬼太郎、柯南等鳥取沙丘嚟影相
漫天嘅漫畫！漫畫！漫畫！
米子嘅大蔥，然後有呢個大蔥俠ネギマン哈哈哈
先係介紹ゲゲゲの鬼太郎
鬼太郎父子
鬼太郎漫畫corner
然後係柯南area
當然有柯南
and the 柯南漫畫sss
仲有遥かな町へ
呢個就無大大舊主角figure
不過就有場景微縮模型（心）
鳥取漫畫map
刺身丼呢家嘢，我當然係可以成碗隊晒啦～
晏晝最抵食當然係自選魚生丼
材料新鮮求其配都唔會差得去邊
五式厚切藍鰭呑拿魚丼
不過我喎，嚟到鉄火堂無理由鉄火丼嘅
（鉄火丼や鉄火巻の「鉄火」は、赤く燃えた鉄という意味でした。
実は熱した鉄は、マグロの赤身を醤油に浸した「づけ」の色に似ています。）
一碗有齊大拖羅、中拖羅、赤身、火炙吞拿魚同碎蔥吞拿魚
入口滿滿嘅幸福感
點會唔五體滿足呢呵呵！
平日習慣咗台式甜甜口味嘅腐乳
差啲唔記得港式腐乳鹹鹹嘅味道…
金譽手藝腐乳（辣）
而一貫港式食物集各家之大成
加拿大黃豆、澳洲海鹽、香港米酒
再用天然菌種發酵
味道鹹香帶酒味
送粥配飯炒餸都完全OK
硬係要挑剔嘅話應該係罌嘢明明話辣
然而唔點食得辣嘅我都食唔出辣味咁囉（遠望）
簡直係將藝術品食落肚…
包包唔係擺靚靚，不過夠脆又夠熱
仲有片切到好似芝士咁嘅牛油都幾香啊！
無花果沙律 | 軟芝士 | 士多啤梨 | 風乾火腿
靚到吖～
不過當然唔會唔摧殘佢囉
一句講晒：好睇又好食
門神 江西咸柑桔IPA
淡淡柑桔味嘅啤
入口微鹹帶果清香
after taste係苦味IPA基本盤
幾好幾好！
門神 龍王福建柚子啤 清香唔甜嘅碌柚味
酒精度低當汽水飲記實都唔錯
山椒鴨胸 | 櫻桃 | 伯爵茶蜜瓜
細個都有食開甄沾記嘅椰子糖
硬嘅軟嘅對我嚟講都冇咩大分別
少爺啤 x 甄沾記 - 椰汁花生黑啤、椰汁班蘭啤
所以見到隻藍色啤酒已經好着迷
加上係黑啤點諗都唔會伏嘅
入口就有濃濃椰汁味
然後係黑啤嘅香氣加慢慢滲出嚟嘅花生味
甜甜嘅味道都幾討好飲落都有種歡悅嘅感覺
唔似得得個班蘭味重但係唔知飲緊咩嗰罐紅色嘅咁
pale ale但係真係好唔pale ale
似飲緊汽水咁，感覺怪怪的…
面對當下嘅事，除咗每日會磅重同探熱（咪L再同我講量體溫呀頂你）
仲真係要同朕check吓個血壓
Terraillon Tensio
因為血壓係可以反映到唔同身體嘅狀況
呢部機仔細細就算袋落袋都好方便
字面夠大操作都好簡單
仲有memories可以睇返自己嘅變化
好在心臟仲夠強大，頂得住
堅持住咬緊牙關繼續去鬥長命啊（共勉）
只係距離境港駅前一百米
已經一路行一路停又一路影
境港logo，有鬼太郎吞拿魚同松葉蟹
河童の三平、タヌキ、カッパ像
好大舊立方看板
鬼太郎音頭
水木しげる顕彰碑
紀念水木先生嘅公園
係世界妖怪会議嘅夜燈
世界妖怪会議
鬼太郎發言中喔！
咁唔好阻住佢喇…
世界の妖怪
不過都可以睇吓今次有咩妖怪開會嘅
進化成大海獣嘅過程
NO亂抛垃圾
地圖隔離都有畫
妖怪トーテムポール
一碌鬼太郎角色彩雕嘅柱…
-----------------------------------------------
延伸閱讀：ドキドキ鳥取（8D7N） Day1：米子鬼太郎空港 → 米子
Day2：米子 ↔ 境港
咁啱REVOL呢度唔使等位
當然要入去食返個早餐
爆餡牛角包 + 咖啡嘅組合好難唔good morning喎
牛油果蟹肉牛角包
好啦唔可以否認一見到個menu就一眼認定咗佢
兩樣都係stand out味道但係又好夾嘅combo
而牛油果本身嘅油加埋較light嘅牛角包又唔會好漏
加上包包個調味係辣粉
將全部嘢提香之餘更令油膩度再減低
完成度超高嘅包包，真心推薦呢～
煙肉蛋沙律三文治
唔係人人鍾意食凍嘢
較熱嘅三文治都好好味啊！
唔係美式煙肉所以個味道更香
蛋沙律係蛋黃勁多嗰種
食落簡直係有種幸福嘅感覺
加咗大片新鮮菜响裡面咁成件包都唔會太heavy，正！
Long Black
嚟呢度當然係為咗佢杯咖啡
就咁跟餐就有，有諗過飲特色啲
晨早除咗飲吓咖啡
當然唔少得嘆返杯茶
TaKaRa 宝焼酎の濃いお茶割り
即係上次响横浜飲嘅濃茶版 零糖加上靜岡產濃香綠茶
濃郁而純粹，加上又有焼酎令味道更提香
又香又爽，心情好好再出發～
將沙嗲牛肉推到極致嘅口味！
珍寶沙嗲牛肉包
先嚟隻嗲牛狗
滿滿嘅沙嗲牛肉呢
平時（其實都好少去茶仔）食嗲牛麵要走湯
呢個直頭係肉滿汁包香軟
不過啦，就咁啪又真係鹹咗少少
OK嘅OK嘅…
要食好嘢就要慢慢等
飲住杯鴦走先…
到喇到喇～
過程繁複嘅嘢係要等等嘅
沙嗲牛肉西多士
面頭係牛油同煉奶而唔係糖漿啊！
裡面唔係花生醬
係沙嗲牛肉喔
同齋鹹嘅熱狗唔同
呢舊嘢畀牛油同煉奶中和咗啲鹹味
所以更更更好食
炸好嘅麵包微微脆口
裡面啲嗲牛勁juicy
整體完成度極高超級邪惡
但係人嘛，有時就係要食埋啲超級唔健康嘅嘢
哈哈哈哈哈～
乍暖還微微寒嘅日子
就唔飲濃郁苦味嘅寒冬啤喇
Clear Asahi クリアアサヒ 冬の旨口
味道少少濃但係又唔似本身asahi嘅獨特苦
入口帶華麗麥汁嘅香甜
因為係原酒入罐先帶到出嚟嘅感覺
發酵度唔高汽量足飲落好清爽
最「冬天」係用嚟配暖暖鍋物就perfect
不過就咁齋飲然後同人傾偈吹水都唔錯啊！
