All Posts
打完邊罏，今晚實在食唔落宵夜
好啦好啦飲杯嘢都好啦～
特調茶
話說一入去已經聞到好死香嘅咖啡味
可惜如果咁夜飲肯肯定唔駛旨意有得瞓
（媽呀～ 我真係好想試吓D咖啡 TT）
不過有呢壺茶都好吖
唔係茶葉茶，而係新鮮後花園摘嘅草
再加埋新鮮檸檬片，好fresh喎
雖然無乾燥過無發酵過
但個味一D都唔覺得淡
唔錯喔！好似飲緊個花園咁，都幾特別
嗱～ 個後花園呀
如果唔熱其實坐出面都幾梳肝
夜晚太黑睇唔清楚？有・日・景
我住斜對面之嘛
等咗幾日都唔開呀
好彩都等到開嘅日子（笑）
裡面個裝修都幾型仔
又有書睇，想幾hea就幾hea
而且成間舖都彌漫住好幾種咖啡味…
＃！＄＃@％＃＄⋯⋯
「刪咗對門；仲會開返隻窗。」
就係呢個時候！
無得試山地菜係有dd可惜
不過如果唔試吓呢煲薑母鴨又絕對值得遺憾
除咗薑 x 鴨湯底之外
呢煲嘢D料就同平時打邊罏一樣自己叫嘅
好唯我獨尊咁叫晒鍾意食嘅嘢
有鴨肉啦鶉蛋啦金菇同埋最愛嘅凍豆腐
D料新鮮到爆！
鴨味香濃唔臊又唔韌，超好食
個薑湯好鬼薑，食到㷫熻熻（熱！）
凍豆腐索晒D湯，但係食落又唔會覺得油膩
鶉蛋份量多咗D食唔晒呀～
咁熱，唔係唔隊啤呀化？
淡淡地之餘有D麥味
夠凍又夠汽，爽呀！！！
-———————————————-
延伸閱讀：臺東瘋食遊（8D7N）
明明諗住食㗎嘛
差個路口就到㗎喇！
執枱・收凳・拖地……
無啦！無得食啦！（淚）
真係無得食呀，留响呢個市最後一晚喇頂！！！
（宜家只係八點三咋 TT）
-———————————————-
延伸閱讀：臺東瘋食遊（8D7N）
就咁食杯雪糕點可能滿足到我？
美・食・節～ 一堆攤檔花多眼亂咁就最好！
時間嘛… 都好「時令」（哈）
殺入去喇！
嗱～ 燒嘢嘅香味幾時都係咁吸引
芭洋Amis美饌－烤肉串+哈哈
好香！唔會燒到好燶亦唔會好鹹，肉嫩嫩咁好juicy
但哈哈係咩呢？哈哈哈
繼續搜索
山谷裡的一家人
啱啱整好嘅糕，好韌好好咬～～～
紅茶・食堂－黑糖薑片
夠甜夠辣仲要係脆嘅
好俾心機炒先有呢個效果
當然料靚都係非常重要
好L好食！少少貴但係絕對物有所值！！！
有機蜜薑汁
我自備杯仔，所以可以自由斟
甜辣俱備，唔錯唔錯
行過個攤，呢粒橘子啱啱切開
檔主叫試吓，咪試囉
甜中帶酸都ju ju地icy OK吖～
因為呢，上網訂火車飛然後去七仔拎
七仔係會手你幾蚊雞手續費
不過個飛套係有幾張coupon仔可以用
臺東嘛就算十二月都仲係好L熱
所以呢個cold stone嘅買一送一就最啱喇（嘻）
（左）愛戀巧克力、（右）就是愛找茶兒
杯朱古力3B嘅
同朱古力雪糕、brownie、朱古力醬同黑朱古力碎炒埋一堆
聽堆材料睇埋個樣都知杯嘢有幾朱啦係咪？
而我杯就是愛找茶兒
好明顯個名同我一樣咁愛找碴 XDDD
然後呢杯嘢係用鐵觀音雪糕、桂花釀、南瓜子同提子乾炒嘅
除咗雖然好大粒都幾吸引嘅提子乾唔係我杯茶之外
（俾晒3B食，無浪費㗎）
我真係覺得呢杯嘢好好食好完美
茶勁香濃甜得嚟帶微微甘苦
甜度由桂花釀帶起，清香香甜
南瓜籽脆脆又香又好咬…
簡直係食一口凍茶嘅極致版！
正爆～！！！
-———————————————-
延伸閱讀：臺東瘋食遊（8D7N）
食飽飽，繼續慢慢逛臺東…
寶町藝文中心
寶町係以前日治時期呢樹嘅地名
昭和11年(1936)起呢六間木屋為職務宿舍
其中一棟仲係日治時代臺東街役長嘅官邸
臺東市政資料館
裡面有講D歷史嘢同收藏品
而活化得造文藝中心
當然會有文化同藝術嘢展覽吓
幾鬼寫意～～～
-———————————————-
延伸閱讀：臺東瘋食遊（8D7N）
炎熱嘅天氣；一碗凍綠豆沙…
綠豆味濃，唔太甜
凍但係又唔算係冰凍
消暑得嚟仲有微微飽肚感
呢D咪就係幸福囉～
-———————————————-
延伸閱讀：臺東瘋食遊（8D7N）
Barocco@臺東，呢座嘢叫中華會館。
1927年起好㗎喇
名義為華僑聚會所
實質係用嚟做抗日聯絡中心
個面就插住日本旗扮友好
幾奸喎，但係有用吖！哈～
-———————————————-
延伸閱讀：臺東瘋食遊（8D7N）
雖然對住一個個咁可愛嘅屁股
但係我都係唔會唔捨得食嘅！！！
係呀，阿老細包到D餃成個屁股咁
咪俾人叫佢做屁股蒸餃囉 XD
個樣係屁股D，不過放心啦舊嘢無屁味嘅
菜肉餃啦，睇得出包到D餡有幾多啦
濕蒸餃嘅皮滑滑，菜肉各半香爽軟齊備
唔算係好驚豔，OK啦都食得出係好用心同足料做
行遠海濱公園兜一兜過嚟食籠餃一D都唔過分吖～～～
-———————————————-
延伸閱讀：臺東瘋食遊（8D7N）
行完海濱公園，就走去森林公園
做一陣yama girl
要入公園要先經呢條綠水橋
穿過之後，冇相喇
借洗手間之嘛（嘻嘻嘻）
真係行呢個森林，唔一日都大半日啦
所以呢刻就由yama girl變成yamade girl喇… XDDD
-———————————————-
延伸閱讀：臺東瘋食遊（8D7N）
過完個沙灘垃圾大畫框之後
沿住路一直行，就見到個大波波
穿過跳「時光隧道」，哈～
到喇到喇到喇，真係好鬼大舊！
除咗結構之外都係用樹枝砌
所以呢，就吸引好多雀仔…
.
.
.
.
.
.
.
.
.
.
.
.
.
.
.
.
同埋好多"Jessie”！！！！！！！！！！（速逃 Oooooooo）
-———————————————-
有D似有人求其掉低個畫框咁…
但真係有好多人特登去影！
究竟有咩咁特別呢？
完全睇唔透…
藝術呢家嘢，私たち識条鐵め。
-———————————————-
延伸閱讀：臺東瘋食遊（8D7N）
