All Posts

taitung4d

[臺東瘋食遊] Day4：臺東糖廠

入嚟糖廠當然唔係嚟高呼「工廠妹萬歲」啦 停廠咗好耐㗎喇，活化咗做藝術空間 有嘢食、有街行、有位hea，玩足一日無難度 搭UNIQLO架免費車，門口落。 色彩繽紛嘅管 :) 廠庫門仲留住「台糖」標誌 用嚟運嘢嘅路軌 對面倉呢，就成條都係玻璃外牆 叫做「庫空間」，裡面有好多手作商品賣 造船中。。。 萬富廠庫裡頭間萬富商號 賣藝術手作仔，未開門 有D熱，去坐低唞吓搵嘢食吓先… … -———————————————- 延伸閱讀：臺東瘋食遊（8D7N）

2016 年 1 月 21 日
taitung4c

[臺東瘋食遊] Day4：UNIQLO台東市區免費接駁巴士

唔駛錢遊臺東 多謝UNIQLO！！！ 唔係要先買嘢去換搭車飛嗰種 係真係一仙都唔駛出有位就上的㗎！ GO GO GO 臺東糖廠～～～ -———————————————- 延伸閱讀：臺東瘋食遊（8D7N）

2016 年 1 月 20 日
taitung4b

[臺東瘋食遊] Day4：蕃薯伯(楊記地瓜酥) 地瓜蜜

等免費車嘅站，順便買嘢食（同借洗手間） 感覺似十萬層糖漿包住濕潤綿彈嘅糖漬番薯 味道係香嘅其實幾好食嘅 不過每次食一舊就好夠 因為真係真係好鬼甜！！！ ：：：凍食仲好食D會無咁甜，不過都仲係好甜：：： -———————————————- 延伸閱讀：臺東瘋食遊（8D7N）

2016 年 1 月 19 日
taitung4a

[臺東瘋食遊] Day4：明奎早餐店

今朝餐早餐係問返嚟嘅 先响路口間時裝舖問店員有咩早餐好食 個妹妹仔就話明奎啦，D早餐好食 然後去到間嘢坐低 又問吓對面位個上班族呢度食咩好 佢就話西多同蘿蔔糕都好食好多韌叫 （其實時裝舖個妹妹都有推介過呢兩樣） 好啦，(我深信係)臺東人都咁講 無理由唔試吓啫 奶茶 ｜ 法式土司 ｜ 龍眼干茶 同平日响茶餐廳食到嘅西多唔同 裡面無花生醬餡外面都唔係倒糖漿 佢都係有french toast嘅神髓 浸雞蛋牛奶半煎炸麵包 而沾醬就係用煉奶 可以叫佢做奶油西咁囉 佢OK好味嘅，係甜咗dd Mmm… 反而呀對面位份總匯三明治（右上角）仲吸引 果然係隔離飯香！

2016 年 1 月 19 日
taitung3l

[臺東瘋食遊] Day3：臺東觀光夜市

臺東有條小小嘅夜市街 佢同其他夜市一樣 都係有攤檔有燈 但係又同好多夜市唔同 佢只係得好短，一條街口仔 （無喇，影晒喇真係得咁多㗎咋） 無咩好吸引到我 都係落返去家樂福嘆冷氣慢慢行算喇 -———————————————- 延伸閱讀：臺東瘋食遊（8D7N）

2016 年 1 月 18 日
taitung3k

[臺東瘋食遊] Day3：寶桑湯圓

又到咗一晚一宵夜時間 今晚食湯圓 一冷一熱，兩種都係綜合 就係要一舖過大包圍試晒佢 講熱先：糖水似(紅)豆沙base 味道唔算太甜，湯圓軟糯 花生同豆都煮得好腍 脆圓外微軟內脆 而盤綜合冰呢… D料係收埋响堆冰裡面 花生同豆同熱嘅一樣啦 無咩好挑剔湯圓無似熱食咁軟 而係更韌好好咬嗰種好好咬嗰種 脆圓就變得非常脆 咬落有聲好過癮 糖漿就係好古早味 落冰啱啱好嗰隻黑糖水 唔錯吖～ 又夠消暑…（嘻） -———————————————- 延伸閱讀：臺東瘋食遊（8D7N）

2016 年 1 月 18 日
taitung3j

[臺東瘋食遊] Day3：穗科手打烏龍麵

朝早兜錯路嗰陣見到呢間日式得嚟又好新淨嘅建築物 响玻璃房望過去𥄫到個師傅搓緊麵 而個師傅仲要係後後生生偏瘦幾高樣貌中上（無圖） 一來間舖未開而來個肚仲飽飽哋 所有就一致決定今晚個晚餐係佢喇走唔甩！ 主菜前當然要先食前菜 紅酒漬鮮茄 紅噹噹炩擸擸成粒大寶石咁 番茄係牛茄，即係厚肉又多汁嘅品種 用紅酒醬醃過夜 上菜前再淋和風醬汁 清新嘅番茄混合甜同微酸味道中 散發住淡淡紅酒香氣 仲每啖都爆醬咁 真係好好食好鬼好食好鬼死好食！ 白玉腐皮湯卷 有濃味亦有清淡D嘅味道 用黃牙白（白菜）包住腐皮（豆皮） 再用微鹹帶鮮嘅上湯浸飽佢 偏家常嘅味道加上少少七味粉吊起個味 所有嘢就係啱啱好 個菜煮到又腍又滑完全中和腐皮原本嘅油膩 而腐皮本身有豆香之餘吸飽微鹹湯汁 呀～ 簡單而好味！

2016 年 1 月 15 日
taitung3i

[臺東瘋食遊] Day3：bonsoir 鐵花村

朝早嘅鐵花村色彩繽紛加上綠草如茵 而夜晚D迷你熱氣球開晒燈 … 好靚喎 :o 周圍都係，好長好大條 咁樣close up好似D燈係浮起咁 有D詭異tim… （哈～） -———————————————- 延伸閱讀：臺東瘋食遊（8D7N）

2016 年 1 月 14 日
taitung3h

[臺東瘋食遊] Day3：卑南豬血湯

「相煎何太急。」 我一路食個腦就諗起呢句死人嘢！ 咩啫？！ 豬血湯之嘛 豬紅囉咪就係豬紅囉 喂！呢間嘢專注放血六十年 邊夠你玩呀？食啦～ 味道鮮嫩，一D血腥味呀豬臭味都無！ 好食喎！！！ 剩係食碗嘢好似有D唔夠喉 叫多份肝連 唔… 不過麻麻地啫，乾得滯。 -———————————————- 延伸閱讀：臺東瘋食遊（8D7N）

2016 年 1 月 14 日
taitung3g

[臺東瘋食遊] Day3：七里香水煎包

朝早唔開㗎，好啦唯有下午茶時間先食佢啦 即叫即煎，熱辣辣大大舊（好Q熱呀，但為咗影呢幅相嘛…） 真係好很大舊，大過我隻肥拳頭囉！ （咬～～～） 個包煎得外脆兼厚實 裡面餡料就係塞滿菜啦肉啦 味道香濃而唔會得個鹹字 配埋個又甜又有微微辣嘅醬汁真係啱啱好 最緊要係熱辣辣 煎起即食嘅感覺真係太美好 好正！真係正到爆！ 飽到爆肚都唔可以唔食囉，OK？ -———————————————- 延伸閱讀：臺東瘋食遊（8D7N）

2016 年 1 月 13 日
taitung3f

[臺東瘋食遊] Day3：津芳冰城 鹹冰棒

行到有D熱，食雪條就最好 40年+嘅老字號雪條店 試試個招牌雪條鹹冰棒先 （vintage到爆嘅包裝） 微甜雪條base裡面有粒粒鹹蛋同杏仁 D粒粒好煙韌，好好咬 味道係甜中帶微鹹 一D都唔覺得怪味喎 仲好鬼好食，會食上癮嘅味道囉 （唔係仲要食其他嘢我肯肯定會隊多條囉！） 真係好L好食，唔試一定會後悔，就咁。 -———————————————- 延伸閱讀：臺東瘋食遊（8D7N）

2016 年 1 月 13 日
taitung3e

[臺東瘋食遊] Day3：臺東市中央市場

唔… 舊建築物一棟（1963年，幾十年咁啦） 有一刻衝動想入去睇吓 不過我都唔鍾意街市嘅走入去做咩喎 日光日白裡面都鬼死咁暗 又無嘢想喺裡面買 走先喇，bye～ -———————————————- 延伸閱讀：臺東瘋食遊（8D7N）

2016 年 1 月 12 日