[臺東瘋食遊] Day4：明奎早餐店
今朝餐早餐係問返嚟嘅
先响路口間時裝舖問店員有咩早餐好食
個妹妹仔就話明奎啦，D早餐好食
然後去到間嘢坐低
又問吓對面位個上班族呢度食咩好
佢就話西多同蘿蔔糕都好食好多韌叫
（其實時裝舖個妹妹都有推介過呢兩樣）
好啦，(我深信係)臺東人都咁講
無理由唔試吓啫
奶茶 ｜ 法式土司 ｜ 龍眼干茶
同平日响茶餐廳食到嘅西多唔同
裡面無花生醬餡外面都唔係倒糖漿
佢都係有french toast嘅神髓
浸雞蛋牛奶半煎炸麵包
而沾醬就係用煉奶
可以叫佢做奶油西咁囉
佢OK好味嘅，係甜咗dd
Mmm… 反而呀對面位份總匯三明治（右上角）仲吸引
果然係隔離飯香！
杯奶茶望落都似幾滑
不過杯嘢唔係我而且無飲過唔評論
我咁鬼補身梗係會飲龍眼干茶啦
呢杯同我平日自己焗嘅都係差唔多濃
係稍微有少少甜咗D
加上件西士又係甜
好sweet囉呢set加埋
等咗好耐份蘿蔔糕終於到喇
哇哇哇！無論邊一面都煎到鬼咁脆啱晒我
呢仲唔係平時茶樓嗰D好多料嘅家鄉蘿蔔糕
反而係無乜多餘料
最簡單嘅蘿蔔粉漿煎到香嗰隻
粉漿同蘿蔔比例好好
件糕唔會實的的都唔會鬆散
加上外層焦脆，好好食！
好！食飽又行吓消化吓先～
-———————————————-
延伸閱讀：臺東瘋食遊（8D7N）