Ḧ | Ḧ

All Posts

[臺東瘋食遊] Day7：天巴洛

今晚唔知食乜好，求其搵間咋… 天巴洛原住民音樂風味餐廳又唱晒歌跳晒舞咁仲有一車車D中國旅行團咁食個樣食裝修呱… 金針排骨湯臺東D金針靚呀爽口又夠香，可惜個湯底好油呀真係團餐feel嗰種油水湯咁囉不過D金針同排骨本身唔錯就係啦阿拜即係稯，有餡嘅糯米稯個味道幾好，係普通D囉得個名特別dd 咁話晒都係用原住民嘅稱呼唔知點解嚟咗碟無叫嘅炒豆腐店家堅持唔收返又唔收錢幾夠鑊氣味道都幾好係加埋呢碟嘢變成成餐飯太多嘢食唔晒囉白飯係用臺東米呀，勁！好！食！山豬肉從個樣到食落口都同泰式豬頸肉好似個味都OK，但係真係好似平時D豬頸肉食唔出有咩分別（汗）蔥爆鹿肉

2016 年 2 月 26 日

[臺東瘋食遊] Day7：小饞無糖優格

睇完瀑布落返山梗係返附近酒店浸返個靚溫泉飲吓茶食吓煎餅唞返陣經過好甜嘅麥茶一役今日個tea都係要零糖嘅好少少酸重奶味嘅yogurt就啱晒喇呢隻稀D，就咁飲就OK幾方便不過都係鍾意「食」乳酪多D :) -———————————————- 延伸閱讀：臺東瘋食遊（8D7N）

2016 年 2 月 26 日

[臺東瘋食遊] Day7：白玉瀑布

食飽又返到住嘅地方不過唔係返去浸吓瞓吓覺咁係又～向山上行行上D上D先又瀑布睇响酒店附近，好方便都幾澎湃吖係咪？（唔係咩都要比較嘅：壺口瀑布）先行完一條人車共享嘅山路然後就沿住呢條樓梯路一直上就到係呀係又樓梯呀一路行都見到隔離一直有流水行一陣就到㗎喇好易行！但係要影張好D嘅相就一D都唔容易見唔見到左下角個位？呢個位就影到下向上最有氣勢嘅瀑布而左下角呢位仁兄呢就好毒咁坐响度好Q耐等・咗・幾・個・字・都・仲・係・玩・電・話連・影・相・都・唔・係・嗰・種・得・响・度而排我之前仲有人等緊打坐啦又有情侶等影相啦攪度忍唔住影咗呢張《瀑布與毒男》嘅相 -_-||| 好有意境係咪？我明白呢度又涼又舒服

2016 年 2 月 25 日

[臺東瘋食遊] Day7：7-11 經典茶飲麥茶

隊完碗麵，湯底唔覺得有味精唔覺口乾但係有D辣味仲响個口度加上又有路要行，買嘢飲係絕對有必要諗住安安分分飲枝麥茶啦仲要寫到咁經典就唔記得買任何嘢飲嘢食都要反轉後面睇食物標籤原來有糖，飲落仲覺得應該加咗唔少好L甜！甜到飲唔出麥茶味 TT 好似我咁鍾意飲清茶嘅千祈唔好試伏中之伏！！！呢獲真夠經典喇！（媽呀我錯喇以後唔敢唔睇標籤喇…） -———————————————- 延伸閱讀：臺東瘋食遊（8D7N）

2016 年 2 月 25 日

[臺東瘋食遊] Day7：湘琪牛肉麵

如果嚟知本食羊要去黑松食牛呢就一定要嚟湘琪喇唔食必定後悔！！！作為一個文明旅客可以嘅話係唔會十個人只嗌一碟嘢然後再坐佢幾粒鐘咁樣嘅原本我同3B數得晒一行兩個人咁食牛肉麵呢家嘢一人一碗好基本啦係咪點知嗌兩碗居然俾老闆娘截停要我哋兩條友分一碗就夠吖～其實我哋兩個係矮D啫但係食喺上嚟都可以好恐怖㗎嘛任憑我哋話我哋其實好大食老闆娘堅持話要一碗先讓步喇，就話真係唔夠先再加D或者叫多碗好啦我都唔想攪大件事一碗兩份分就分啦真・係・一・碗・就・夠碗麵仲大過我塊面牛肉大大舊，每舊都差唔多半個拳頭咁大不過大還大D肉腍過鬼腍還腍，有筋位又好有𡁻頭牛肉味重又唔臊，好明顯係好新鮮

2016 年 2 月 24 日

[臺東瘋食遊] Day7：知本・早晨

擒晚响房舒舒服服浸溫泉雖然之後唔算好早瞓不過一早就已經精神奕奕尤其睇吓，個天咁鬼靚真係早起D望多兩眼都好吖（左邊舊雲好似隻馬！）酒店有包自助早餐（筍lover！）食少少晾吓個肚（無聊到呢D嘢都影…）因為又要出發去食個brunch，哈～ -———————————————- 延伸閱讀：臺東瘋食遊（8D7N）

2016 年 2 月 24 日

[臺東瘋食遊] Day6：黑松羊肉爐

嚟知本唔可以唔食黑松羊肉爐！（自動x3啦，好重要！要講3次blah blah blah）真係好Q好食！羊肉嫩到爆，本身炆得腍夠新鮮一D都唔臊我呢兜主要配料有帶骨羊肉啦must have索汁嘅豆腐啦同埋菜咁另外追加咗羊肉片同洋腸羊腸好夠飽，超滿足就係頂啦～羊肉好味嘅又一原因：特・調・醬冷盤呢就要咗碟凍羊肚好爽！一咬就斷！微辣帶羊味，唔錯唔錯再叫咗碟筍嘅小炒切得細粒咗D，無乜咬口一般般啦又好飽喇～（嗝。） -———————————————- 延伸閱讀：臺東瘋食遊（8D7N）

2016 年 2 月 23 日

[臺東瘋食遊] Day6：知本國家森林遊樂區

响臺東無行吓山做吓yama girl 嚟到知本就行吓啦～人哋認真保育咁俾吓路費都OK （唔似某D國家咁求其封個山封條路就話要收費但又唔執吓囉） GOGOGO～好山好水唔太曬，perfect！就算唔係行山，行吓呢D闊平地都好爽同埋唔怕行得辛苦嬉遊林間區高空棧道呢度叫得森林遊樂區當然有嘢玩响呢堆木道跑跑吓大人細路都可以玩得開心呀～繩網吊索橋呀仲要無人玩，可以喪跑喪un喇！哈哈哈～（乖孩子唔好學呀！）好喇，玩完就終於開始真・行山呢度行山路徑有：－頭先已經經過嘅景觀步道－總長1.8公里嘅森林浴步道－長2.

2016 年 2 月 22 日

[臺東瘋食遊] Day6：穗科盛岡手燒煎餅 x 魚腥草茶

嘆溫泉係必需嘅！所以由臺東「老遠」嚟到知本折騰完一輪當然又要唞陣hea吓穗科盛岡手燒煎餅前幾日响穗科買離開臺東市就即拆嘅手信香港都返唔到就被解決 XDDD 硬脆嘅感覺，有D似臺南包連得堂煎餅係再精緻D同多口味嘅版本咁（黑芝麻、白芝麻、合桃、葵花子、南瓜子同杏仁）因為呢呀小不點好怕魚腥草所以我其實對見到呢隻茶既好奇又帶D驚驚不過飲落都OK吖，唔腥呀仲拎多兩包俾小不點做手信（係呀我係咁cheap拎呢D做手信㗎喇）間房咁舒服，嘆多杯茶留多陣先出去都幾好吖～ -———————————————- 延伸閱讀：臺東瘋食遊（8D7N）

2016 年 2 月 19 日

[臺東瘋食遊] Day6：國立臺東大學

去唔到臺東最靚小學响巴士到遠遠望到少少影都影唔切就byebye你條尾好彩皇天不負有心的懶人巴士會停响大學個站襯呢分鐘，影返幅三角朱古力相就當參觀咗… 實行一秒扮文青，得咗！然後，繼續趕～～～路。 -———————————————- 延伸閱讀：臺東瘋食遊（8D7N）

2016 年 2 月 19 日

[臺東瘋食遊] Day6：Cold Stone - 只愛咖啡

一來好好食二來响車站隔離三來天氣真係熱嘛… 食！多！次！後面杯就是愛找茶兒係3B嘅我今日食・咖・啡（無計啦我又擒晚開始已經好想飲咖啡）咖啡雪糕再加埋health bar、杏仁同焦糖醬炒埋一杯咖啡味濃加咗焦糖醬就唔苦杏仁硬、朱古力bar脆，吖～都好好味不過就無茶雪糕咁有特色囉有coupon真好！買4送2嘅mister donut 兩條友真係食唔晒，放棄啦唯有 -———————————————- 延伸閱讀：臺東瘋食遊（8D7N）

2016 年 2 月 18 日

[臺東瘋食遊] Day6：藍色日出

以「健康」為前題應該唔太會吸引到我不過呢份早餐，點睇都係好「健康」（… 同好新鮮）本身唔太鍾意食一pat嘢嘅燕麥但係兜嘢又紅豆又薏米仲有D榖呀芝麻咁呀又幾好味喎衰鬼係呀，味道係偏淡呀所以就靠返各自嘅味道帶返出嚟 D菜好爽脆，生果好新鮮kiwi有D酸再加兩塊餅仔，都OK夠飽發芽黃豆漿每粒都都發完芽，健唔健康D就唔知喇飲落香dd咁嘅（覺得）好濃就一定喇！因為呢間嘢係唔・隔・豆・渣嘅飲落沙沙嘅感覺，有D似未磨滑嘅芝麻糊咁我OK㗎，3B就無咁鍾意口味呢家嘢人人唔同如果唔鍾意呢仲入口嘅感覺飲咖啡或茶啦會比較順口 :) D書可以慢慢睇，又可以hea一輪 also有寄賣書，新舊都有，鍾意咪買走囉～ -———————————————- 延伸閱讀：臺東瘋食遊（8D7N）

2016 年 2 月 17 日