All Posts

groksiiformaggio

Groksì! lo Snack di Vero Formaggio

意式小食時間進行中 細細粒圓餅形芝士粒 輕飄飄咁一粒呀幾粒呀一次啪入口 純乾燥芝士，食得多就梗係鹹㗎喇 配紅酒就啱啱好，啤酒都OK呀 唔同顏色唔同比例嘅芝士mix 仲有隻藍色不過佢只係加香草 唔係純芝士咁就唔買嚟試喇 味道唔錯唔錯，值得推薦～

2017 年 9 月 26 日
leafdessert

[糖水] 玉葉甜品 - 海帶綠豆沙

好一碗滋潤身體又滋潤埋心靈嘅糖水 一上枱，心裡面個os： 「哇！啲海帶使唔使咁大塊呀？」 差啲想問人拎刀叉 實行優雅地食呢塊海帶囉 响香港呢個淘汰比任何嘢都嚟得突然嘅情況下 呢個檔仔過咗成百年居然仲屹立不倒 （第五代喇都未溏心風暴） 價錢唔貴（仲要講緊喺中環食嘢） 味道樸實用料充足 綠豆沙經長時間熬煮 軟綿至於起足沙 糖水唔會超甜 大大塊嘅海帶軟滑但唔會煲爛 真係就算响屋企好用心都未必煲得出咁靚 雖然擁有住虛寒嘅體質 不過天氣咁熱加上又唔係成日食 偶爾先嚟一碗之嘛無所謂啦

2017 年 9 月 25 日
nanoheatpad

nanoheat PAD

無論係春夏秋冬 响office要飲就一定係飲熱嘢 有咗佢，就算杯嘢放低幾耐 都仲會一直好熱好熱咁 強化嘅玻璃配以簡約得嚟型格嘅造型 放响office… 咪就係靚囉！ 同事送嘅，好好用多謝晒。 （仲好㩒用，話說已經用咗幾年…）

2017 年 9 月 25 日
hairdevils

[hair] 石澤研究所 - Devil's Trick Quis Quis (Turquoise Blue Ash)

有時都想染吓其他色 不過都係得個諗字 好似近年咪好興韓國嗰啲一星期染髮嘅？ 日本好多好多年前已經有啦come on 好可惜，對於我呢啲黑漆漆油亮又強韌嘅髮質 係唔會上到色㗎死心啦 （「染」完個頭我就同包裝個女仔一樣側側頭好疑惑咁：吓上完色㗎喇咩色都無轉過嘅？！） 但係頭髮就因為佢啲離子 搞到成半個月有多都係柔柔順順貼貼服服咁 相比起當佢一時三刻染髮劑 佢做護髮產品其實唔錯，啦啦啦～

2017 年 9 月 24 日
hopeless003

「絕望都市」#003

如果唔係甩咗個地板，究竟點先可以離開只得一個床位嘅私人空間？

2017 年 9 月 23 日
saketoko

小嶋総本店 - 東光 吟醸梅酒

平時穩穩陣陣會飲「吹呀唔走」 有時又會飲吓求其揀總之係南高梅嘅就得 而呢枝，嘅唔係上面兩種 卻非常驚艷… 超！好！飲！ 集香濃甜於一身 不愧有住「天下御免」嘅稱號 仲拎過好多梅酒嘅獎 真係好好味，見到一定要買嚟飲啊（握拳）

2017 年 9 月 22 日
cebu

Blue Blue Cebú（4D3N）

我在Cebú天氣晴 個天blue blue blue 個海blue blue blue 啲魚都大叫blue blue blue 心情又點會blue呢？ day 1 由機場再坐專車到resort 呢幾日就匿晌度渡過，yeah～ resort裡面包嘢食（this is lunch） 嘢食就普普通通唔係驚艷嗰隻 不過就同平日啲中餐無分別 所以乜都食得入口，會飽嘅無餓親 然後留响resort裡面做好耐冇做過嘅嘢：打乒乓波！ 哈哈哈真係好耐冇打喇 自從初中之後好冇再打過 除咗乒乓波仲玩咗陣枱波嘅

2017 年 9 月 22 日
osaka4

[大阪，美味しいね～] Day4：アメリカ村、難波、関西空港

又係執嘢走人嘅時候喇 TT 執執整整前要食生果（今朝係大大個もも） 搞掂就行出去食鋪勁嘅 @Eggs n’ Things （パンケーキ ストロベリー ホイップクリームとマカダミアナッツ） 好高好大但啲cream一啲都唔heavy 但係話食唔飽就呃你嘅 然後又兜兜吓～（唔駛跑嘅慢慢行都得） 臨上車前响難波食多轉居酒屋先 @鶏家 六角鶏 串串串鶏鶏鶏酒酒酒啦啦啦 南海電鉄：難波 → 関西空港 搭車期間食啲番茄仔先 又香又甜又juicy，正！ 早少少去関西空港睇吓有咩買 點知都係冇咩啱買 （最後買咗一件同事式手信咁大把，响市區揀極都揀唔落手）

2017 年 9 月 21 日
osaka3

[大阪，美味しいね～] Day3：新世界、梅田

為咗隻牛買咗個遊客版1-day pass 既然買咗pass咪去多個地方囉 地下鉄：日本橋 → 動物園前 先去新世界，食串カツ (串炸) 嚟得呢邊梗係唔係食串カツだるま啦 一來佢周街都有二來要食間再好食啲嘅 @八重勝 啱啱好時間去到就開門 隊都唔使排就入到去有位坐得食 樣樣都好吸引 即叫即整熱辣辣 個炸漿薄薄脆脆咁 裡面啲料新鮮（啱啱開舖就去好難唔鮮嘅） 除咗食串カツ 梗係唔會漏咗叫どて焼き！ （通天閣） 哎呀呀落雨呀 就算上去都無景好睇㗎啦 返轉頭走啦去飲杯ミックスジュース 當然係元祖店嘅千成屋珈琲 買外賣唔响裡面用玻璃杯飲喇

2017 年 9 月 20 日
osaka2

[大阪，美味しいね～] Day2：黒門市場、千日前、道頓堀、アメリカ村

除咗食，都係食。 住黒門市場最方便就係 想幾時落樓食都得 早少少落樓就唔駛同人迫 不過呢度唔係好似築地 要凌晨五點就要覓食 九點幾左右先陸續開啲開啲 但係早啦就唔代表冇嘢食 仲要係比一般人食得更新鮮呢 …同埋做即劏吞拿魚嘅第一個顧客 個師傅未開鋪仲劏緊嗰陣 應該見我兜咗响舖頭好多次 終於有得食，佢仲送多兩塊とろ（感動） 啲魚仲係暖㗎陰功，新鮮到暈低喇～ 丼嚟㗎，不過魚多過飯好多好多之嘛… 食飽海鮮都仲係好早 就算去道頓堀呀心斎橋嗰啲都未開舖啦 飯氣攻心，返上apartment瞓陣先 瞓醒又落樓，有啲口渴飲返杯豆漿 濃到爆，飽多過解渴 XDDD 諗住行去難波方向 點知行到千日前附近 りくろーおじさんの店個叮叮叮截停咗 啱啱出爐嘅cheese cake

2017 年 9 月 19 日
osaka1

[大阪，美味しいね～] Day1：黒門市場、道頓堀、心斎橋

一早就離開奈良喇… 移動中嘅早餐 (又)係柿の葉すし 唔係平宗而另一間叫たなか嘅舖頭 試吓新嘢嘛唔好只係食定一間嘛 南海電鉄：奈良 → （大阪）難波 响難波南海電鉄落車就拖喼去apartment 正呀今次，住响黒門市場上蓋 冇咩嘅係超～ 方～ 便～ 囉～～～ 放低完行李就即刻出發去食嘢（出發） ふぐ！ふぐ！ふぐ！ うに！うに！うに！ 遠征：黒門市場 → 道頓堀 → 心斎橋 晚餐時間：蟹コース@葉隠 抵食嘅，不過只可以話係抵食 一分錢一分貨啦

2017 年 9 月 18 日
nara4

[ララ奈良] Day4：吉城園 | 天極堂 | 東大寺 | 麺闘庵 | 江戸川 | あけび

奈良公園真係好好行 所以今朝又嚟晨運吓先 被一片綠同一條水包圍嘅吉城園 真係骨魔寧呢 早餐就去創業逾百四年嘅吉野本葛舖頭 天極堂（since1870） 噶噶噶噶噶 然後就飽住咁參觀世界遺產之一 有成千二年歷史嘅東大寺 好～ 大～～～ 好多地方行好多嘢睇呀 再响二月堂北茶所飲吓綠茶 食吓大仏生あん葛 跟住食晏 @麺闘庵 （巾着きつねうどん） 好得意嘅大大塊豆皮包住烏冬 味道係好好嘅（拇指） 但講真佢除咗個樣過癮啲之外就冇咩特別（掩面笑） 晚飯呢就响食鰻魚嘅連鎖店嘅江戸川 特登响奈良町食，當然係因為間町屋啦 不過啲嘢食係絕對冇被比下去 国産鰻 x 大和牛

2017 年 9 月 15 日