All Posts
一早就去奈良公園行晨運
地點係奈良公園嘅浮見堂
遠觀近望同樣清靜美麗
早餐就食柿の葉ずし @平宗
呢樣嘢嚟奈良必食㗎啦
仲去咗籮神買炸雞同奈良別注麒麟啤
個啤一般般啦反而個chu-hi好驚喜
冇糖㗎，果汁同汽泡酒嘅組合
清爽嘅早晨呢～
啲鹿想點呀匿埋一邊虎視眈眈咁嘅樣哈哈哈
仲順便去埋奈良国立博物館
裡面好多啲彫刻呀絵画呀工芸嗰啲
都係同大仏大仏大仏有關
到咗食晏嘅時候喇
又嚟奈良獨有嘅嘢食：茶粥 @茶房暖暖
除咗奈良，其實和歌山同三重都有
咁點解會話獨有呢？
因為呢樹係用奈良茶囉
香嘅，味道OK啦
（本身唔喜歡爛飯粥）
可以一試嘅在地食物咁啦
話晒呢種嘢都有成千二年以上嘅歷史嘛…
加上呢間茶房本身都好有歷史
去旅行唔一定要匆匆忙忙
尤其嚟輕鬆安靜嘅奈良
梗係要瞓到自然醒
再大啖大啖索啲寧靜又新鮮嘅氣息
（鹿屎味飄飄飄～～～）
慢慢漫步去春日大社
紅噹噹嘅神社
同擒日嘅五重塔一樣係世界遺產
建於和銅二年（710年）
起响春日山嘅原始林即係奈良公園
奈良，梗係與鹿啦～
睇落好有靈氣
不過佢個os應該係：
冇買鹿せんべい就過主啦（哼）
今朝就食中谷堂嘅餅同飲牛奶
個餅同擒日食嘅一樣都係咁好食㗎（心）
去食奔廚喇 @玄
原本full晒㗎，但店家話啱啱有人cancel咗
執死雞get！（撒花）
唔好睇少呢兜そば
呢間嘢係入選Michelin Nara㗎
慕名去都係咁話，鬼叫佢好食到喊呀？
將純粹嘅蕎麥味道發揮到極致
搭red-eye flight嘅好處就係要玩到盡！
由関西空港清晨落機
再搭近鉄從空港去難波到奈良
點解唔直接由機場直奔奈良？
一來車密好多；二來車費平；三來到站方便
加上兩種搭法嘅車程差唔多啫
去吓去吓，到咗咪掉低行李
（奈良七種釜めし）
然後係時候食個奔廚喇 @志津香
開店前十五分鐘排隊
排第九呀～ 所以出菜都係第九位
因為即叫即整，差唔多半個鐘個釜めし就送到
個飯勁香勁濃味真係等幾耐都值得！
好喇食飽飯梗係要去感受吓呢個古都
大和嘅發源地，比京都嗰啲早好多
興福寺個寺有成1300年歷史（瞪大眼）
不過個主殿中金堂整備中
有得睇嘅仲有代表住古都奈良嘅國寶五重塔
宏偉而不華麗，好奈良啊～
再兜到每日必經嘅猿沢池
行吓行吓口乾乾
去飲吓奈良の地酒先 @なら泉勇斎
要走喇要走喇
預早少少去機場
臨check out前食返pack生果先
又香又甜又好味，啦啦啦～
然後搭的士去機場
早啲去機場就係特登嚟機場個food court食嘢
唔係遊客食肆嗰層喎
買飛仔好多員工食嗰間先係
啲嘢好抵食仲要好好食
簡直係「機場都有好嘢食」嘅代表！
食完嘢响機場啲鋪行吓
check in後入閘過關又再行吓
行吓行吓會攰架嘛…
梗係揼揼骨鬆鬆筋啦
Express Spa當然係比市區嘅貴啲
但價錢都係响合理嘅水平
爽呀～
上機返屋企喇 TT
@高空三萬五千呎，隻非洲啤TUSKER都OK喎！
-----------------------------------------------
hea住去旅行就梗係瞓到自然醒㗎啦
點知自然醒再落街搵食
都只係人哋嘅返工通勤時間
無計啦，唯有同佢哋一齊排隊食豬肉串啦
使咁啲散銀同真係好香好好食
啲人買十條八條
但係我得少少銀所以買少少攝牙罅
（味道純粹嘅137 degrees）
然後行吓附近個超市仔啦
買啲嘢飲呀零食呀…
再返酒店唞again
落樓嘅時候又已經係差唔多lunchtime喇
行到嚟เดอะพาลาเดียม เวิลด์ ช้อปปิ้ง (The Palladium World)
做緊Palladium Food Festival
係喎仲未食ข้าวขาหมู (滷豬腳飯)
見到仲唔拿拿臨食咩
瞓飽先醒有啲餓
唯有出門前啪返幾粒新鮮車厘茄
然後就出發，去食嘢～
BTS：พญาไท (Phaya Thai) → อนุสาวรีย์ชัยสมรภูมิ (Victory Monument)
出咗BTS一直响天橋圍住嚟行
直至見到條河先好落橋
千祈千祈唔好patpat痕一早落呀！
ร้านสุดยอดก๋วยเตี๋ยวเรือป๋ายักษ์ (The Bestof Noodle Boat)
（↑ 個英文照牌匾抄㗎啫）
早咗少少得兩三枱食緊
係就係唔駛迫
不過最大鑊係未夠多人
就唔開放裡面有冷氣嘅房 TT
咁鬼熱，搵個就算唔係只係買嘢都可以留一日嘅商場先～
酒店有免費篤篤車去BTS站
連幾分鐘腳骨力都慳番
BTS：พญาไท (Phaya Thai) → อโศก (Asok)
เทอร์มินอล 21 อโศก (Terminal 21)
以機場做主題
唔同樓層就唔同城市
個裝飾係幾靚嘅
夠闊落幾好行
唔似香港啲商場咁只係得名店同連鎖店
有好多細鋪仔所以多啲款可以睇
行還行，梗係要食嘢啦
原先係plan咗响呢個商場行一陣然後出去食
因為อโศก (Asok) 呢頭有好多好嘢食
星期日，一早起身梗係去翟道翟啦～
出發前都食少少嘢先
响上BTS之前個站頭嘅車仔檔買嘅豬肉丸串
OK啦都算有豬肉味
介乎扎肉嘅彈牙度
加埋泰式甜辣醬，好味
响超市買埋枝皇室牛奶飲
嗱～ 咪以為泰國皇室只係出牛奶片同蜂蜜先得㗎
人哋出好多嘢㗎其實
好似呢隻牛奶咁
巴氏殺菌嘅低溫鮮奶
本身有分淡鮮奶、加氟鮮奶同三種口味嘅調味奶
好可惜我以為藍色就係普通鮮奶
媽呀我錯喇呢隻係vanilla調味奶
結果就係甜到hihi
不過都俾我隊晒，飽飽
BTS：พญาไท (Phaya Thai) → หมอชิต (Mo Chit) * 响หมอชิต (Mo Chit)落車穿公園行就會過少啲行車線
唔知由幾時開始
成日都見到司機們嘅後尾枕嘅？
無計啦搭夜機凌晨先到機場
晌機場唔搭的士搭咩喎
晚餐响飛機度食
都唔係好差啫
（對上一次食好難食嘅係搭因航嗰陣）
好啦今晚settle好就快啲瞓
聽朝先開始活動啦～
-----------------------------------------------
延伸閱讀：趁熱食，曼谷！（6D5N） Day1：Taxi Taxi
Day2：จตุจักร (Jatujak)、เซ็นทรัลเวิลด์ (CentralWorld)
Day3：อโศก (Asok) - เทอร์มินอล 21 อโศก (Terminal 21)
Day4：อนุสาวรีย์ชัยสมรภูมิ (Victory Monument)、สยาม (Siam)、ชิดลม (Chidlom)
為咗朋友一句：組團睇銀魂？
好好好！等香港上映先睇
足足遲咗一個月先上㗎，忍死我…
不過最後等唔切喇
組唔成團睇走咗去呀（笑）
講返套戲先，一句形容晒：
「由開場笑到片尾呀頂！」
漫畫已經好好笑
佢個動畫再玩得癲啲
真人版就簡直係玩到黐晒線（喪拍大髀）
從演員自身到其他漫畫動畫
炒埋一碟但一啲都唔會散
有少少位都要入晒
務求令睇嘅人連續爆笑
一般嚟講動漫變真人版好難做得好好睇
嗱，就以今次男主角小栗旬做例子：
迷妹時期憧憬嘅《花ざかりの君たちへ》主角佐野泉
同《花より男子》嘅花沢類都係佢
當時我係極度鄙視呢條友
大喊選錯角呀選錯角呀 x 10000000000000000000
但係佢好適合做坂田銀時而且做得(算)好傳神
要吐糟嘅話就係個堂本剛囉
睇到差啲出戲（汗）
一向都會自備水樽出街
之不過本身用緊嗰隻ECO Can Plus
反轉用同就咁掉入袋fing fing吓會漏水
所以變成只可以乖乖地留响室內
咁都要搵返個代替品嘅
原本一路都鍾情於駱駝牌隻112壺
一來唔平二來要特登搵貨
跟住又俾我咁啱行過七仔睇到呢個壺
嗱～ 都係香港牌子啫
仲要係同雜誌crossover，就係平囉！
（話說萬世冇買過Cosmopolitan喇）
佢保溫程度好高
外面又唔會因為熱/凍水而熱/凍咗
最重要係：點倒轉呀拋呀搖呀都唔漏水，yeah～
同埋黑色真係好襯我平時袋裡面啲嘢
好啦，個112就遲啲先買啦。
