All Posts
要歌有歌，要樣有樣
仲有無語言障礙嘅娛樂性
投入聽投入玩，癲返晚喇喂！
소리질러～～～～～～～
（今次冇大backdrop，得點影都反光嘅彩印poster）
同開FNC Kingdom一樣係7點開場
7點鬆啲就開波始喇
[Intro]
Radio
When I was young
Domino
I’m Sorry
-MC-
Can’t Stop
It’s You
Love Girl
Sweet Holiday
去旅行就神奇在擒晚唔早瞓
但係今朝六點半起身竟然係精神奕奕嘅
（日本時間六點半即係香港嘅五點半，平日呢段時間真係身都未轉啦莫講話起身仲要精神嗰隻）
（SUNNY MART 高南台地牛乳）
未知幾點先食嘢
卻知道要「勞動」吓
隊定盒高知奶頂吓肚先
（街頭）
早早起行就係為咗要快人一步去日曜市
（街尾）
咁就可以唔駛迫人下行完一round
…一條路千三米多啲（全日本最長）
因為晏啲啲 (9am)就變得咁水洩不通㗎喇
即係都係時候走喇
（已經兜完3 round，成條街行咗6次唔駛再磨啦）
買到重屎揼揼
先返酒店擺低嘢
食埋擒晚完成唔晒嘅鯖姿寿司
再落多次日曜市食串燒，嘿嘿
响高知嘅最後一餐係嚟菓子処 青柳 本店食brunch
高知係アンパンマン嘅故鄉
所以周圍都有佢嘅嘢
連行條街都有佢哋嘅石凳
くじら列車
好得意呢，不過唔係坐呢架
完全反方向呀影低佢都好
高知 → 中村
無巴士嘅情況下，根據google map
行路就53分鐘；搭車7分鐘
好啦，坐的士啦（又）
四万十川被譽為「日本最後的清流」
水質堪稱無污染嘅清澈
唔識踩單車嘅我
冇得用最近距離親身體驗條河
唯有將佢哋最好嘅嘢食！落！肚！
仲要係天然うなぎ ＠四万十屋
真係得呢度會有㗎咋～
除咗叫蒲焼仲嗌咗個更特別 & 原味嘅蒸籠
鍾意食鰻魚嘅話一生人一定要嚟食一次！
今朝六點鬆啲起身
七點起行去食早餐
今餐個重點唔係响食物度
而係個地點…
伊予松山城
日本12座現存天守之一
有啲位修復緊所以圍咗板
不過都唔影響欣賞個城嘅景觀
… 然後求其搵張長凳
坐低由高處望住個松山城（市鎮）食簡餐
要行晨運咁上山係因為中午又嚟個大遷徙
話說搭JR嘅話就有排兜
去到下個落腳點要成六粒鐘
咁樣好嘥時間啫
因此，仲有另一個移動嘅方法
搭JR巴士，然而用JR pass呢
用嚟搭JR巴士係可以用優惠價¥1,000就OK (原價 ¥3,600)
雖然有諗過搭幾粒鐘咪幾粒鐘一円都唔再俾
但係去旅行真係唔駛拗氣
之後證實咗慳埋嘅時間
真係可以做多好多嘢
早睡早起身體好
日吃夜吃做得到（握拳）
繼續用JR pass四圍去（勝山町 → 松山駅前）
出發前响JR松山駅買嘢食
@安岡蒲鉾，宇和島名產手造りじゃこ天
熱辣辣魚味重又彈彈牙
雖然而家就即刻走去宇和島
不過襯新鮮食真係唔等得食咗一陣去到再食過囉
校啱時間又有得坐アンパンマン JR
呢㗎係宇和海アンパンマン列車
由紫橙黃三隻顏色車卡組成
裡面無特別車廂同アンパンマン駅弁
咁冇呢樣啫都唔會令你失望嘅
希望在細節之個車飛stamp係アンパンマン（so cute）
响宇和島落車嗰陣
仲俾我遇到「宇土線3兄弟」嘅二佬
海洋堂ホビートレイン
今個旅程遇唔啱搭呢3兄弟
（首選アンパンマン列車 x 行程需要總和）
一早去行栗林公園
晏晝搭アンパンマン（興奮）
夜晚浸溫泉
好似好忙咁但係真係好開心好充實
先由瓦町搭去栗林
用pass就係一個站都唔會嘥
擒晚無尾班車先話行啫…
讃岐うどん 上原屋本店
行公園前梗係要食嘢先啦
老店 x 栗林公園對面
食過就知道真係好好味
讃岐うどん 最高！！！
食飽就入呢個有四百年歷史
日本國之特別名勝嘅栗林公園行個圈喇
齋行一圈大概一粒鐘度啦
仲要係唔係詳細睇嗰種
無計啦要走喇～
予讃線 8000系アンパンマン列車（撒花）
準時搭車，由高松去愛媛
仲要係搭アンパンマン車廂呵呵
擒日唔用JR pass都已經周圍去
嚟緊呢幾日開始用呢張四國鐵路周遊券（5日間用）
就明白咩叫「俾張pass我一定同你用到盡」 XDDD
高松 → 池谷 → 鳴門
同JR有兩個香港人
落車嗰陣膽粗粗咁問一唔一齊share的士
雖然佢哋第一句係「原來你哋係香港人嚟㗎？」
而結果當然都齊齊搭啦
一齊share的士係平過同快過搭express bus嘛…
不過一早就去到未有渦潮睇嘅
食住等啦 @うづ乃家 鯛魚飯
去鳴門唔係唔食鳴門鯛呀化？
呢間餐廳仲要對正正條大鳴門橋
天氣好好呀，食魚食景都咁正～
食飽飽行吓就冇咁眼瞓嘅 @相ヶ浜
一大朝早就由高松搭JR去丸亀
丸亀係冇丸亀製麺呢間うどん店嘅
但係丸亀的確係讃岐うどん嘅発祥地
無唔嚟食嘅道理啫…
@麺処綿谷
要食就食間老店
凍食熱食都係咁爽滑彈牙
食うどん配檸檬都係第一次（哈）
食完就行去現存12天守中
最細天守 x 最高石垣嘅：丸亀城
@骨付鳥 一鶴
然後，雖然仲有啲飽不過都係要食嘢
因為丸亀除咗うどん出名之外就係骨付鳥
啲雞勁韌加上超香雞味
係鹹咗啲，要送酒一齊先OK
食飽就搭JR去琴平
爬樓梯前食返杯雪糕先 @四国の旬
一次過食晒呢度嘅おいり同和三盆
味道香之餘唔太甜，大大滿足～
淋住大雨咁上金刀比羅宮
（仲要冇帶遮同冇買遮…）
晏晝上機嘅好處係唔駛咁早起身
不過搭完機去到酒店就已經係晚飯時間
係呀！咁就過咗一日喇…
原本諗住先食咖喱烏冬
點知做research唔夠全面
就撞正公休日
是但啦求其响瓦町見到咩吸引就食咩啦
@豊丸水産 海賊浜焼き
食浜焼き啦食刺身啦食蒸蠔啦
海鮮海鮮海鮮，水產嘅海鮮就係新鮮囉
都有肉食嘅不過麻麻地啦
蔬菜漬物呀都唔錯
漁場環境個氣氛都幾好
配埋酒，perfect池～
井村屋 やわもちアイス kiri クリームチーズ
飽得滯所以個甜品宵夜要夜啲先响便利店先食
好，食飽就瞓
聽朝一早出發遊四国！
-----------------------------------------------
延伸閱讀：食の四国ツアー (8D7N)
CNBLUE喎
等咗兩年喇我！
你唔係以為我會唔睇呀嘛？！
有冇啲隔住個芒都聽到我嗰啲高廿八度嘅尖叫聲呢？哈～
-———————————————-
延伸閱讀：[live] 2017 CNBLUE LIVE [BETWEEN US] IN HONG KONG 後記
好鍾意食雪糕嘛
咪買部機返屋企整囉
圓碌碌好得意
冰種夠厚應該好易成功嘅
個兜放冰格12個鐘
我放夠24㗎肯定雪得夠
材料要夠凍先得
最後一刻先响雪櫃拎出嚟就OK
攪呀攪拌十幾廿分鐘就得
即時食就類似軟雪糕嘅質地
想食硬身嘅就攤平個表面放入冰格雪返兩三粒鐘
要食傳統牛奶雪糕就用cream
唔同料就做出icecream或者gelato咁
食light啲嘅就honey + yogurt整froyo
（我有乳酪機啱啱好乜都係自己整）
用果汁做base就係sorbet
再加奶製品溝埋就變sherbet
連甘酒都做得到sherbet呀，太無敵喇！
如果因為食雪糕而肥
真係情願俾自己整嘅而食肥
至少清楚啲原料係乜自己食緊啲乜先吖～
