All Posts
冇得出走香港咪香港遊囉
反正呢個城市好多特別嘅地方
（嗱～ 我唔係剩係去旅行同宅响屋企㗎）
終於唔係非常熱，行吓山都唔錯
輕輕鬆鬆去就近嘅西貢比較方便
入到西貢市中心
飲完茶搭的士去萬宜水庫東壩
有好多人會掉返轉
先行入去再搭的士出
但係香港啲的士好大部份都好hihi
明知犯法都會markup
然後又冇計啦焗住唔搭又唔得
所以都係建議搭入去再行返出嚟
至少嗰程的士一定係跟錶跳冇得呃
係㗎喇唔係話俾人哋賺多少少都唔得
咁無啦啦點解要俾人屈錢仲要理所當然啫
尤其佢哋啲死人態度仲要差到無倫
條氣係唔順㗎喇汝吹得吾脹乎？
好，唔講咁多負面嘢開開心心行下山…
落的士之後向下行落東壩
沿路就見到火山而成嘅六角形岩柱
超近距離就睇到世界級景觀
啲柱堅係歷史嘢
有1億4000幾萬年咁㗎！
係就係「慈母多敗兒」
但係有個慈母又會有幾sweet呢？
超～ 甜～ 嘅果香
配以順滑嘅質地
好彩icewine係好甜嘅嘢
如果唔係真係會香甜到想成枝咁隊
果然係sweet到暈
個暈嘅方式同慈母一棍摳落個頭個程度差唔多啦（笑喊）
冇記性冇耳性口多多
何時才能期望一一改過
咁首先「治療」吓冇記性呢個問題先囉
LOTTE - 歯につきにくいガム＜記憶力を維持するタイプ＞
隻香口膠以イチョウ葉（銀杏葉）抽出物為主
呢樣嘢係對心臟呀腦呀血管好啦
可以預防阿茲海默症咁喎
個效用得唔得我真係唔知
因為我呢啲不嬲都係「要決心忘記我便記不起」
算啦，食食吓又分分鐘唔記得食
同埋無啦啦邊有咁多貨响手呀？
一日一整pack喎…
手上嘅貨都係胖虎同事買㗎
响北海道嗰陣响便利店見過一次咋
效用唔知食落個味道就好清楚
用甜嘅薄荷味去㩒住銀杏葉本身嘅苦味
一句講晒：唔好味！
（粒裝個脆皮面再甜啲）
條裝 (金色)比粒裝 (綠色) 多少少玩味
有啲小記憶遊戲玩吓咁
凌晨出post係咩玩法？
食宵夜啦梗係！
無論邊個地方嘅佢
每次有新舖都會排長龍
道頓崛嗰間仲要幾時都係排排排隊
（轉角仲有間唔駛排啦但啲人就係鐘意排隊…）
冇錯！夜一夜當然係去食一蘭
元祖一蘭拉麵「天然とんこつラーメン」
個豬骨湯一啲豬腥味都冇
配以微辣嘅赤い秘伝のたれ
香氣提升之餘，更減少油膩感
而且放湯30秒內放麵
搞掂碗麵要响15秒內俾客
所以會食到最合適軟硬度嘅麵條
由麵條湯底落油份量等等都可以自己控制
一碗客人專屬拉麵～
（唔少得係自閉位but我冇坐過）
呀～ 個チャーシュー睇落幾肥但食落唔會好漏
滲有又香又濃嘅鮮豬味，唔錯唔錯
唔駛排隊都OK嘅
如果排好耐為咗食呢碗嘢就免喇…
今日要移動喇，瞓醒再慢慢爬起身執喼
咁做嘢前都要有啲嘢落肚嘅
濟州牛奶啦都係（另一個牌子）
執完梗係先要慰勞吓自己
秋天啦嘛，就係食柿嘅時候喇（sweet）
check-out咗擺低行李就去酒店對面食brunch
牙帶魚（w/鯖魚）@네거리식당
同海膽海帶湯
滿滿嘅濟州風味
個人叉爆電就離開西歸浦
搭市內巴士281號去濟州市（제주시）
由南面返去北面喇
同600號兜山嘅外圍唔同
呢架係穿過個漢拏山（한라산）嘅
去guesthouse check-in完
放好行李响房就一支箭走出去
嚟呢個濟州最耐同最大嘅濟州東門市場 （동문재래시장）
裡面有wet market有小食街餐廳呀咁
仲未係好肚餓就食雪糕啦
濟州除咗濟州柑仲有牛島花生
花生雪糕好香好好食
濟州柑依然好清新，兩杯都好味啦
反正連市場都係晏啲開
瞓到飽先慢慢出發都未遲啦
先飲盒仔濟州牛奶頂吓肚
然後施施然坐600號巴士
去中文觀光園區（중문관광단지）
個名係「中文」但係同「中文」（Chinese）完全冇關係
本來落車最近嘅濟州馬苑（제주마원）
點知佢冇開喎！
是但啦，好彩我仲shotlist咗另一間
當行吓個韓國館睇吓韓屋囉…
然後跳上的士，唔食馬肉住
去食鮑魚 @善良鮑魚（착한전복）
先食爽口嘅生鮑魚（전복회）
…連內臟都好鹹鮮香呢
再食石烤鮑魚（전복구이）
有好香嘅牛油同更香鮮味嘅鮑魚
同加咗甜醬油超惹味嘅醬油牛油鮑魚
肚仔餓嘛就叫多個熱辣辣鮑魚蔘雞湯（매생이 전복 갈비탕）
煮鮑魚爆嫩滑
而且個"粥底"有埋融晒嘅鮑魚內臟
好濃郁好香好好味呀
配톡쏘는 제주감귤막걸리
作為「假期乞兒」嘅我
要請最少嘅假去玩盡啲呢
red-eye flight係當然嘅首選
凌晨上機清晨落機
再搭機場巴士600號
由北面嘅機場（한국공항공사）
到南面嘅西歸浦（서귀포）
咁就好開心咁由日玩到夜
掉低行李梗係先去食嘢
但係原來呢個西歸浦每日偶來市場
（서귀포매일올레시장）
係晏晝到好夜先係高峰期
即係，朝早八九點係冇咩嘢
不過冇還冇，要食嘅都有
呢個少少甜嘅오메기떡 @할머니떡집
要嚟早餐真係啱啱好
原味豆粉就食得出舊米糕嘅草香味
店家婆婆每日鮮包鮮做
全部糕都係爆煙韌
裡面紅豆蓉唔會好甜
而紅豆粒嘅紅豆係硬硬地嗰種
同煙韌嘅糕質地有好大對比
最最最好食一定好首推mixed nuts
去啲日式餐廳食飯都會見到佢嘅蹤影
但係一直都未試過親吓佢嘅芳澤
（冇錯，呢個世界實在有太多吸引嘅嘢…）
反正每次都會俾其他嘢搶去佢嘅風頭
買枝返屋企慢慢試吓啦
飲咗就知道點解差唔多間間都會入佢（貨）
係有微微嘅香氣
好易入口，唔會嗆喉嗰種
順滑嘅感覺似有香味嘅水咁
個味係幾好嘅
唔飲酒嘅都可以飲嗰隻
熱飲凍飲就算室溫飲都OK
酒精25度，無酒精敏感嘅都接受到嘅程度
不過可以飲更香更好味嘅會好啲
至少深信いいちこスペシャル會好好多
其中一個買嘅理由
可能係因為呢件食玩，哈～
冇食早餐嘅習慣
基本上唔鍾意食麵包
對jam呢啲甜椰椰嘅嘢
就更加冇咩情意結
咁點解… 點解要買罌jam返嚟呀？
唔知呀可能因為秋天就要食栗子啩…
（雖然鬼死咁熱一啲秋意都冇）
相比起jam或者樽嘢自稱嘅cream
個質地似啫喱多啲
唔係平時整甜品嗰啲牙膏裝栗子蓉咁軟滑
不過用嚟搽麵包呀多士咁都OK嘅
甜咗啲囉，但係呢啲防腐嘢係甜㗎啦
都算有啲栗子香味嘅（唔係好濃郁）
輕微解吓舖栗子癮咁囉…
响酷熱嘅北半球
感受冰涼嘅南半球美味
講起咩國家有咩signature雪糕口味
第一時間會諗起紐西蘭同hokey pokey
（然後就係美國嘅肥漏漏cookie & cream）
蜜糖底雪糕同butterscotch粒粒
雪糕軟滑香甜，滲出微微蜜糖味但唔會太濃郁
加埋脆卜卜嘅butterscotch粒
香味更有層次又令個雪糕唔會太單一
點解呢個組合會好味成咁？
搵日試吓用部雪糕機整吓先，搵日啦
太熱喇呢排，咩都冇動力去做…（軟趴趴）
基本上大部份嘢食要啱時候先好食
講嘅唔止係季節食材
仲有係出爐時間解凍後軟化嗰陣
但係當然總有啲係例外嘅…
好似BAKE呢個cheese tart咁
啱啱出爐撻皮又脆又熱牛油味好香
裡面啲芝士餡面層薄如蟬翼
咬開就係溶化流心芝士漿
聞到亦食得到嘅芝士香
真係大大滿足～
然而好漏㗎嘛未必一次過食得晒
放入雪櫃啦！佢凍咗又有另一種風味
個皮嘅牛油味依然封存
凍咗都唔會硬，唔錯
芝士餡同熱嗰陣嘅流心唔同
變得軟滑嘅質地
個芝士味依然爆香
唔會因為唔熱而冇咁香
雖然熱食真係會飄香咁啦啦啦
好出色嘅cheese tart
但係唔值得排長龍去買嘅
不過香港人係鐘意排
排排吓就唔排㗎啦
為身體好又好；為皮膚好亦好
甚至係為瘦身都好
黑豆都係我上午返工必備嘅食物
之前都有講過會食黑豆
但係相比起脆口嘅
朝早都係鍾意食濕口啲嘅嘢…
所以黑豆茶就成為近年嘅最愛早餐
呢兜仲係朋友自家炒嘅黑豆（！）
炒到爆皮後就OK㗎喇
拿起一手掉落杯
用熱水浸好個茶就搞掂
飲完啖茶就跟手食埋啲豆
簡單夠味又算飽肚
咁當然唔可以幾時都要朋友炒㗎嘛
如果連自己都懶得炒
仲可以去百円店買呢款
中村食品産業 感動の北海道 黒豆茶
碎上嘅北海道黑豆
仲要係冇漂白嘅茶包袋
都幾好味㗎不過飲佢嘅話就唔食啲豆喇
一來豆太碎二來難得拆袋嘛
幾時都係咁懶㗎啦～～～
