All Posts
飽住咁行呢個大大個地方嘅世界文化遺產
千二年歷史嘅東大寺就啱啱好
大仏殿
曾經燒咗兩次又再响鎌倉同江戸時代再建造
呢個国寶建造物都係現存世界最大嘅木造寺廟
好__大囉咪就係
睇啲人同個殿嘅比例就知幾大喇啩
咁都想像唔到就飛一轉奈良啦唉
八角燈籠
高四米六嘅八角形銅製燈籠
都係国寶嚟㗎
大仏尊像
大仏殿裡面梗係有尊佛像啦
（唔通係有磚腐乳咩？）
15公尺，全日本最大嘅銅造佛像
好大好大座向上望得耐會頸痛嘅程度咁啦
呢碌木個窿叫「大佛個鼻窿」
穿過就會一年唔病同有神明庇佑咁話喎（哈）
廣目天
冇名牌就唔知咩打咩嘅神佛
虛空藏菩薩
當然啦，寫咗個名都唔知係咩打咩嘅其實
賓頭盧尊者
據說話摸邊醫邊嘅木雕… 喎
漫步吉城園之後又到咗食早餐嘅時候喇
呢間天極堂，係創業逾百四年嘅吉野本葛食肆喔（since 1870）
餓餓地，食返個set先…
采女の膳 セット（季節の膳）
兩款爽口嘅小鉢
鶏そばろご飯，有住淡淡嘅清香
しゃきしゃき水菜のきのこうどん：未加豉油已經食得出個鮮甜味
お吸い物：柚子皮昆布腐皮圈圈湯，好清甜
ゆり根饅頭と葛きりのあんかけ
用百合蓉做㗎，有餡嘅
個樣有啲似甜品但會係鹹嘅
香の物：奈良漬，yeah～（唔係屎嚟㗎！！！）
主角葛餅嚟喇喇喇
圓碌碌、暖笠笠、軟淋淋
有少少黏同彈性
咁就加黒蜜同きな粉就夠晒好食
出面個景係唔錯嘅
不過呢度望出去成個鐵窗生涯咁囉
（個BGM係「友誼之光」 XDDD）
監獄外嘅風景係好好嘅
珍惜自由嘅可貴
千祈唔好做壞事呀（！）
一朝早又嚟奈良公園（番外篇）晨運
今日就行吓面積為約8900平方米嘅吉城園
吉城園 主棟と池の庭
原建於大正8年（1919年）
响條吉城川隔離
寧靜嘅氣息
行返出嚟…
就見到茅屋構造嘅茶室
同埋生滿晒青苔嘅苔の庭
雖然秋天先見到漫天紅葉嘅景致
不過就咁近啲睇
都仲有得意嘅植物吖～
睇吓水…
走喇，去搵食先……
-----------------------------------------------
延伸閱讀：ララ奈良 | 大阪，美味しいね～（8D8N） Day1：志津香 | 興福寺五重塔 | 猿沢池 | なら泉勇斎 | 中谷堂 | 栗 ならまち店
擒晚full booking所以今晚先嚟食
呢間係Michelin奈良唯一一間三星嘅餐廳
食嘅… 係懷石料理（撒花）
無上盃
咪講咁多，食嘢前梗係酒嚟先
（响奈良飲清酒係常識啩）
睇吓今晚食乜先
好少見我影メニュー㗎
不過佢哋係用手寫
加上知道我哋係外國人仲用英文寫
然後單字用返日文咁
用心到呢個地步，好難唔影低嘛係咪？
（梗係拎走埋，篇嘢嘅底會講埋點解）
好喇，食嘢喇！
(前) 餐前酒：菊酒，有菊花嘅清酒
先清清喉嚨先去食嘢
(後) 付出
前菜呢細細件嘅嘢裡面
有蒸嘅鮑魚、白蘆筍、 白瓜
上面仲有碎plum jelly
同JR附近嘅奈良市総合観光案内所一樣
呢邊嘅奈良県観光局都係官方遊客中心
而呢度仲有得玩茶道体験呢（有料）
堅係體驗班，遊客輕鬆玩嗰種
唔係好嚴肅進階班嗰隻
全程講英文而且有講有笑嘅
好開心嘅體驗呢
杯茶都好好飲
配茶菓子… 好甜～～～
等茶道班上堂前
有得玩摺紙，除咗有呢種華麗嘅鶴之外…
仲有奈良必見嘅鹿鹿！
-----------------------------------------------
延伸閱讀：ララ奈良 | 大阪，美味しいね～（8D8N） Day1：志津香 | 興福寺五重塔 | 猿沢池 | なら泉勇斎 | 中谷堂 | 栗 ならまち店
明明日本人話有病先會去食粥
咁點解無啦啦會開間粥舖出嚟呢
唔通成個奈良都係病態城市？
茶粥御膳
你就有病！呢度係食奈良原本只係東大寺先有嘅料理
禪食嘅一種咁啦
用烘焙茶（or 紅豆茶）同糯米煮成嘅茶粥
個底一路有火㷫住
食到尾都仲係熱辣辣
味道呢，真係禪禪地嘅
茶囉… 爛飯粥囉…
落啲抹茶粉會濃啲茶味囉…
落啲鹽咪會有啲鹹味咁囉…
（講緊廢話囉…）
所以就顯得啲奈良漬更更更加好食
冷泡茄子同辣椒
酸酸地帶返少少甜味
蕨餅同抹茶，完美嘅結局。
裡面有好多vintage嘢
仲有玩具s
當然間嘢本身都好古早味啦
（町屋again～）
-----------------------------------------------
行行吓到咗奈良国立博物館
咪入去參觀吓囉
唔好俾佢個咁西嘅外表呃咗
其實裡面好多啲彫刻呀絵画呀工芸嗰啲
都係同大仏大仏大仏有關
即係好中好日咁嘅
（裡面唔影得相，亦都冇需要影相。）
心血來潮想買個夾
正倉院花款，幾靚吖～
-----------------------------------------------
延伸閱讀：ララ奈良 | 大阪，美味しいね～（8D8N） Day1：志津香 | 興福寺五重塔 | 猿沢池 | なら泉勇斎 | 中谷堂 | 栗 ならまち店
嚟返個輕食早餐先…
响籮神買咗炸雞同啤酒啦
個啤係奈良別注麒麟啤
好啦麒麟啤本身個味麻麻地
當然只係為咗個包裝（攤手）
而個suntory嘅chu-hi就有叮一聲嘅驚喜
無加糖純沖縄橘子嘅香味
有汽嘅酒就係令人醒神
呀！唔好漏咗成份早餐嘅主角
平宗 - 柿の葉ずし
响幕末時代文久元年創業（1861年）
醋飯上面鋪有熟成嘅鯖魚同三文魚
然後用杮葉包住
能夠輕度保存，唔變壞同留有獨特嘅風味
拎去野餐係咪啱啱好呢？
-----------------------------------------------
延伸閱讀：ララ奈良 | 大阪，美味しいね～（8D8N） Day1：志津香 | 興福寺五重塔 | 猿沢池 | なら泉勇斎 | 中谷堂 | 栗 ならまち店
望住湖池，呼吸住一大陣鹿味…
今朝就响奈良公園個浮見堂行晨運啦
在水中央嘅浮見堂
好喇，食完發吓呆就動身搵早餐食～
-----------------------------------------------
延伸閱讀：ララ奈良 | 大阪，美味しいね～（8D8N） Day1：志津香 | 興福寺五重塔 | 猿沢池 | なら泉勇斎 | 中谷堂 | 栗 ならまち店
Day2：春日大社 | 奈良公園と鹿 | 玄 | 春鹿 | ならまち格子の家 | 樫舎 | 大仏プリン | 亜耶
諗住晚餐食懷石料理
點知full booking無得食住
好啦好啦訂聽日枱啦咁
咁今晚呢，就去返擒晚full咗嘅居酒屋亜耶
早少少去所以未爆lucky
就變成一日兩餐Michelin呵呵
居酒屋就梗係要有酒酒酒啦（cheers！）
唔想諗就揀店主おまかせ利酒3酒
第一set係花巴、龍神、大倉
另一set係菊司、豊香、出世男
好開胃嘅佐酒前菜三種：
左邊係好濃郁梅子味嘅糕
中間係蛋黃醬味嘅魷魚沙律
右邊係芒果醬魷魚
新鮮到爆嘅刺身（造り盛合せ）
啲油花响個口度爆晒出嚟
出し巻明太子
滑溜滑溜嘅明太子蛋卷
香囉咪就係！
小酌幾杯之後轉一轉嘢飲
呢枝係ARAGOSHI×MINOH（あらごしみのお）
数量限定嘅手工啤酒
梅乃宿酒造同箕面ビール crossover
揼印仔時間…
しかまろくん真係好好好得意
仲有填色紙拎呀～
哈哈哈佢猛咁食鹿仙貝
為食到連張封條紙都唔撕開㗎 XD
跟住兜埋過JR奈良駅
今次行程唔會坐JR
不過印仔呢家嘢照揼返個都OK嘅
都係鹿鹿鹿嚟㗎！
-----------------------------------------------
延伸閱讀：ララ奈良 | 大阪，美味しいね～（8D8N） Day1：志津香 | 興福寺五重塔 | 猿沢池 | なら泉勇斎 | 中谷堂 | 栗 ならまち店
嘆返個滑滑嘅下午茶先…
大仏プリン（大佛pudding）
襯返奈良呢個佛寺地域嘛
肉眼睇都睇得出嘅滑溜
起泡都冇呀靚到吖～
香、甜、滑，好Q正一定要食呀
就咁。
-----------------------------------------------
延伸閱讀：ララ奈良 | 大阪，美味しいね～（8D8N） Day1：志津香 | 興福寺五重塔 | 猿沢池 | なら泉勇斎 | 中谷堂 | 栗 ならまち店
Day2：春日大社 | 奈良公園と鹿 | 玄 | 春鹿 | ならまち格子の家 | 樫舎 | 大仏プリン | 亜耶
