[ララ奈良] Day3：和やまむら

擒晚full booking所以今晚先嚟食
呢間係Michelin奈良唯一一間三星嘅餐廳
食嘅… 係懷石料理（撒花）

無上盃
咪講咁多，食嘢前梗係酒嚟先
（响奈良飲清酒係常識啩）

睇吓今晚食乜先

好少見我影メニュー㗎
不過佢哋係用手寫
加上知道我哋係外國人仲用英文寫
然後單字用返日文咁
用心到呢個地步，好難唔影低嘛係咪？
（梗係拎走埋，篇嘢嘅底會講埋點解）

好喇，食嘢喇！

(前) 餐前酒：菊酒，有菊花嘅清酒
先清清喉嚨先去食嘢
(後) 付出
前菜呢細細件嘅嘢裡面
有蒸嘅鮑魚、白蘆筍、 白瓜
上面仲有碎plum jelly
最面層係食用花つる紫の花
一口仔有齊晒軟滑腍帶微酸香
好開胃呀～

おわん
以土瓶蒸し嚟煮嘅湯用炭爐慢慢㷫住
湯料有鱧、松茸、車海老同銀杏
香噴噴又鮮甜嘅湯
飲嘅時候再唧少少青擰提鮮就更perfect

道明寺蒸し
唔响メニュー度但係突然送上嚟
（其實係replace咗薄造り，所以呢盤嘢上面會有張メニュー仔）
好秋天嘅松茸同しめじ
香甜嘅菇加埋軟綿綿嘅飯
哎呀呀會唔會太好食呀？

お造り：甘海老、鮪、平目、烏賊
只係鮪魚(左二)係點左邊嘅醤油
其他幾款都係點右邊嘅大根醤油
見個閃令令嘅色就知佢哋有幾新鮮啦係咪

八寸：
胡麻豆腐 － 嫩滑嫩滑滲有芝麻香嘅豆腐
蟹、エリンギ (菇) w/檸檬醋 － 喔喔喔鮮甜嘅蟹肉呀
ゼリー寄せ（車海老、枝豆、温玉、蛸の子）－ 清湯微鹹嘅jelly
鱚煎餅、揚銀杏 － 香口嘢，咪就係脆囉
いくら － 醤油漬口爆子，仲帶柚子味整個好鹹鮮香吖
デラウェア （Delaware）、南瓜、みぞれ － 清清香，食咁多都唔覺漏
雲丹、うみ素麺 － 濃味嘅海膽 x 淡香嘅素麺
ホホ貝、酢味噌 － 酸酸地嘅北寄貝好好咬
八幡卷 － 味道香濃嘅鰻魚牛蒡卷

焼物
哈哈哈唔係燒草食啦

鮎塩焼き 香魚
就係食佢喇！
點綠色嘅たで酢食嘅
香魚仔真係名副其實地香到爆！

冷物
大葉葛切り x 長芋素麺 x 車海老
食完熱辣辣嘅燒嘢就嚟兜凍得嚟清香嘅條條清吓口
一種爽另一種就韌夾埋一齊好好食

焚合
然後就係返嚟暖胃嘅嘢食

裡面係青茄子、百合根、焼穴子、湯葉 (豆腐皮)
加埋含生姜嘅芡汁

ごはん（漬物唔太鹹好好味呢）
好喇食咗好多嘢差唔多到尾聲食飯嘅時間喇
有四款揀，唔夠又可以添喎
咪試晒四隻囉… ↓↓↓

クリ － 秋天（雖然奈良仲好熱）係要食栗子嘅

ちりめん － 好好送飯嘅煮魚仔呀！

たらこ － 燒過嘅鱈魚籽好香呢，仲有好得意嘅波波波波

かに － 鮮甜嘅蟹肉粥

果物
jelly入面有スイカ、メロン同マンゴ
清清甜咁成為呢餐嘅結尾

食完後畀錢啦
返嚟發現個メニュー嘅背面啲空白位
俾佢哋嘅感謝語完全填滿
（同換返正確嘢食嘅名）
有種受寵若驚嘅感覺呢
well，呢張咁獨一無二嘅メニュー梗係帶走啦
既美味又美好嘅回憶，完美！

成餐裡面真係好多好多嘢食
所以好好彩呢餐懷石料理今日先食到
擒晚食嘅話就堅食唔落…（哈）

食飽，返去瞓覺先～