All Posts
驚蟄，濕度高又熱
仲係蛇蟲鼠蟻開始出沒嘅日子
最討厭係夜晚瞓瞓吓覺
俾蚊咬啦同响耳邊嘈
有咗佢就安心晒
唔會好似平時啲蚊香咁一大陣味
用扇葉吹風，幾秒吹一吹咁
（轉5秒停20秒）
但係比瞓覺嘅呼吸聲更細
唔會嘈住晒搞到瞓唔到
原本睇佢細細部咁
以為只係大概上半身有效
點知佢真係令成個房嘅範圍都用到
即係擺床頭，對腳都係安全嘅！
我嘅版本係最普通嘅150日間
可以吹1200粒鐘（150日每晚開足8粒鐘）
個制响盒頂朝早㩒熄佢就OK
取替え用係連埋電，超方便
堅有用同好用
連惹蚊嘅我都好安心咁瞓覺
個design簡約得嚟又夠chic
真心推薦呢～～～（心）
啊！好耐冇去過臺灣喇
好掛住啲牛肉麵呀～
每次行經都見到坐滿人
咁啱呢個時間冇乜人
唔駛等位咪試吓囉
間嘢個名有牛肉麵字樣
碗嘢又叫招牌紅燒牛肉麵嘛
唔嗌佢嗌乜啫？
個樣睇落都OK嘅
牛肉令身湯底色深
有酸菜同生菜呀蔥呀嗰啲啦
唔… 湯底只有微香
同食開啱我嘅微辣含花椒口味有落差
呀係呀，呢個湯唔係香濃嗰啲味呀
麵，唔會好腍呀糊爛咁嘅
合格以上啦～
酸菜一直都唔係嘅鍾愛
呢隻都有齊鹹酸微辣嘅味道
為求唔浪費加上唔難食我有食晒嘅
順帶一提，條生菜好新鮮
而牛，係用金錢𦟌 (腱)嘅
感覺係肥瘦啱啱一半
但係因為佢係筋位唔係肥膏
元宵嘛，咪去睇吓花燈囉…
燈唔多㗎只係得一條池嘅範圍
主題係《魚躍香江樂滿城》
所以係一池飛起嘅魚
魚呀魚
同埋魚
啊，魚到悶喇！
唔係話佢哋唔靚
但係真係唔太吸引囉其實
位又窄周圍仲咁多高樹
都係擺公園草地比較適合囉～
咁佢另外都仲有crossover嘢嘅
名為《香港非物質文化遺產 – 傳統紮作技藝展示》
係將「紮技」同「舞獅」結合嘅舞獅花燈
三隻唔同派別嘅南獅
平日都係日頭見舞獅
夜晚睇舞火龍
而家日落賞燈獅都幾新穎
同場除咗舞台嗰啲唱歌跳舞表演
仲有本地傳統手工藝示範攤位
呢個係白鐵工藝
工欲善其事
即場示範
要食到米芝蓮星級甜品大師鎧塚俊彦嘅「精品」
唔一定要訂位預約同高消費嘅…
去ミスタードーナツ（mister donut）就得喇！
係啦，我知我知唔係佢整嘅
但係呢個crossover系列話晒都係共同開發吖
misdo meets Toshi Yoroizuka Chocolate Collection
咁當然舊嘢係好朱古力啦
而mister donut嘛就梗係cross舊donut
呢舊係シューショコラ ダブルショコラ
即係朱古力中再朱古力吓嘅double chocolate
朱古力麵糰嘅donut
面頭淋有越南產朱古力
係溫和而香濃嘅牛奶朱古力
最頂層仲係70%黑朱古力脆脆
已經好美味？未算…
（咬～～～）
要完全唔怕會中雀屎嘅近距離睇雀
就由嚟自哥倫比亞嘅紙雕藝術家
Diana Beltran Herrera雕晒佢哋嚟慢慢睇
個setting都好中式新春feel
“Asian Garden”
－ Mandarin Duck（鴛鴦）
以一對鴛鴦再加牡丹、桃花同荷葉構成
呢兩隻嘢加埋就已經用超過四千條手製紙羽毛砌出嚟
鴛鴦本身冇响香港繁殖
但係十月到四月有時會游嚟香港玩吓嘅
The Tern Family（鷗科）
响香港有記錄嘅燕鷗屬候鳥
大部分都係春秋嘅過客
只係得三幾種嘅夏候鳥會嚟香港
佢哋會响東北面至東南面嘅海域生蛋
（左）Sparkling Violetear（輝紫耳蜂鳥）
呢種大大隻蜂鳥其實响南美嘅北部同西部嘅高原生活
哇哇哇！等咗17年終於等到佢哋一齊上台喇（感動）
好耐冇試過咁期待一套嘢播出～～～
白色氣球海呀！！！
雖然冇得親身去現場睇
（一星期內17萬人申請，場館容納二千四人，冇可能抽得中。抽中都唔識聽個確認電話。聽得明仲要買機票酒店等等…）
睇節目同啲人放嘅現場片都好吖～
青蔥歲月呀……
延伸閱讀：
[Kpop] 我最喜歡H.O.T.的五首歌
响Las Vegas唔係聚賭仲有咩好做？
最多8個人一齊玩嘅遊戲
（4-6人最適合）
好似賭枱咁落注
然後靠運氣咁擲骰仔
咁最後當然係得到最多錢係贏家
本身對賭博冇感嘅我
唔覺得好好玩咋
只係投入啲賭仔心理咁囉
（贏錢會笑輸身家會大叫嗰啲）
款遊戲完全唔識合我玩
所以評語上面件tee已經講咗，就咁。
呢排好似食咗好多嘢咁
但係又冇乜點郁過
（OK，冇郁過唔係呢排嘅事）
唉唉唉，清吓啲內臟囉
隻味OK嘅如果鍾意茴香味嘅話
飲完後喉嚨唔會太乾
亦唔會肚屙肚痛
唔知de咗啲咩tox啦
心理上好啲啩
況且我個肚都冇肥
睇唔到係咪有detox功效喎
當普通茶飲都OK
有機嘢嘛，對環境好少少囉…
天氣一唔凍就熱得好快
又要响冰格到拎啲消暑嘢嚟降降溫
（喔！個面起咗霜有排解凍…）
雖然叫brûlée
不過個面唔係好似creme brûlée咁
有層焦糖脆皮
濃厚cream令舊甜品軟滑
芝士係cream cheese
味道係有嘅但唔算極級濃郁
甜度OK，夠甜亦唔會太甜
最緊要夠涼浸浸
凍凍地食落喉嚨涼快順滑
個天氣冇咁熱會再好啲囉～～～
懶懶閒 懶懶行
去塔門慢慢慢兜一圈
有山有水有草有牛
由黃石碼頭搭船
經過高流灣
（明明google話0%會落雨都突然落驟雨）
落咗船都仲有微微雨
咁就去避吓雨順便食個奔廚
海膽炒飯
HIMHIM千叮萬囑叫我嚟塔門一定要食海膽炒飯
身為海膽精嘅我當然唔會唔食啦
個飯炒得夠鬆粒粒分明
有海膽有蛋個味夠香
碟嘢唔會好鹹唔驚食完生腎石
仲唔會好油喎唔錯唔錯
白灼鮮魷
哇哇哇！新鮮就係好好食
爽滑香仲一咬就斷
少少豉油提吓味就夠
白灼海螺
野生大眼螺，白烚就已經好好味
唔會好鹹嗰啲海水味
螺肉大大又好彈牙
點啲辣椒醬食就啱啱好
～ 續上篇 ～
繼續流連响微縮縮嘅世界…
（係同一張呀，懶得轉相嘛。）
金卿粥店
Cantonese Congee Shop
（李嘉蓮）
多款油器同配料任君選擇
金記潮州打冷店
Chaozhou Da Leng Restaurant
（李嘉蓮）
打冷梗係離唔開鹵水嘢同凍嘢啦
仲有炸蠔餅啊啊啊
城寨光影
Light and Shadow of the Walled City
hola多人hola迫呀！
不過都冇計啦鬼叫鍾意微縮縮世界咩？
好！我就起勢咁睇啦，GO～
大澳文物酒店
Tai O Heritage Hotel
(廖錦華、蔡璧龍、何國添、李來有）
前身為大澳警署
之後改成依家嘅酒店
Lookout（餐廳）嘅陳設都好精細
另一邊
走廊位就完全睇得出係以前警署嘅風格
利東街
Lee Tung Avenue
(廖錦華、蔡璧龍、何國添、李來有）
相比起頭先間可以改建嘅建築
「囍帖街」就殘酷得多…
整條街消失然後重建
由有特色嘅細舖仔變成商店（唉）
從真係舊嘢整到一條扮舊嘢嘅街
（影歪咗嘅茶樓）
