All Posts
平日我用腳四圍走…
睇今次啲藝術品呢？
就係睇佢用二維整到三維咁
A world between 2D and 3D
介乎平面與立體之間的世界
即係2.5維(D)嘅錯視效果～
（用平面呈現立方體再响面頭畫圓形）
作品顏色就以黑藍白為主
而形狀嘛… 即係Jump From Paper囉（呵呵）
（話時話我幾鍾意↑↑↑啲袋㗎，所以呢輯展品我覺得幾靚）
不過佢係雕像版啦
除咗雕像仲有畫
白板上面有啲黑呀藍呀嘅顏料咁
係幾得意嘅，行過咪兜一round睇吓囉～（笑）
講起歐洲啲國家式舊建築
唔係城堡就係宮殿㗎啦
先去真係好L舊嘅城堡
10世紀喎（958-1200年）
個殼係保存得幾好嘅…
哎吔，細個玩三國志有見過呢個攻城器㗎（大誤）
行呀行拾級而上
其實城裡面爛溶溶㗎，哈～
不過都仲可以圍住上面行一圈睇風景
有一陣會去嘅Paço Dos Duques De Bragança
山頂再加城堡瞭望台喎
個城嘅周圍當然係一覽無遺啦
城堡唔算細同埋上上落落多梯級
無遮蔭之下咁行其實都會有少少攰
嗱～ 都真係幾高㗎…
走喇去宮殿睇靚嘢遮遮陰先
-----------------------------------------------
延伸閱讀： Day1：Hello Lisbon
當你睇緊我打嘅呢啲字
就證明你並唔係失明
然而有好多人唔似我哋咁睇到嘢
平日用眼去睇雕塑、睇表演
失明人士又會點去欣賞藝術品呢？
今次就從佢哋角度出發去接觸藝術～
場地，就係响呢個倉裡面
缺少咗一種感覺（視覺）之下
會令觸覺聽覺甚至嗅覺更敏銳
視障人士同其他人一樣
生命都係需要水、呼吸、食、溫度同關係呢五種元素
唔係只係我睇到呢份嘢㗎
場刊有大字版 & 點字版本嘅
counter係放物資等嘅集合處
佢嘅身後面仲係個展館
「通達藝術欣賞」
除咗一般認知嘅觸感書
有點字同凸起嘅圖畫
展出嘅書有嚟自美國韓國同日本
而呢度就講解咗視障人士係點感受藝術
好喇，戴住眼罩拎埋白杖
就由視障嘅導賞員帶入藝術倉喇！
～漆黑一片嘅環境～
完全冇idea去邊間食
就去坐滿人嘅地方啦
實無死嘅～
又曬又熱唔係唔飲啤酒呀嘛？
飲酒梗係配啲小食
黑欖加醃豬，鹹鹹香香好送酒
嚟多兩碟熱辣辣新鮮炸魚仔（正）
主菜，蜆仔煮豬肉仲有一大堆炸薯仔
chisin㗎駛唔駛咁大兜呀？
但係又死得佢個味好好
蜆仔唔算細隻而且味道夠鮮
豬肉腍得嚟煮汁味香又唔失豬肉味
不過死啦咁食法已經飽飽地喇…
仲！有！兜！燴！飯！啊啊啊！！！
（崩潰中）
-----------------------------------------------
延伸閱讀： Day1：Hello Lisbon
Day2：Lisboa → Porto
Day3：Porto ↔ Vila Nova de Gaia
芝士啦雪糕啦仲要係期間限定喎
對眼仲唔發光咩？
濃密但係輕身係咩玩法？
打開個樣同包裝個樣冇咩大分別
過得到商品說明條例
上面啲粒粒碎係幾輕身喎
唔係實的的硬掘掘餅乾
然後下面再有兩層
兩層係分別唔同芝士為主嘅雪糕
一層係cream cheese
一層係camembert
不過一食就係三層咁食
堅講，分唔出個味
cream cheese味太搶
明明camembert香濃啲㗎嘛
可能係份量太少啦啩…
但any肥啦，而一個夠凍嘅芝士甜品嚟講
佢係算幾好食嘅！
風和日麗好日子呢～
Aqui Nasceu Portugal
（Portugal Was Born Here）
所以要嚟一嚟Guimarães呢度睇吓
Largo do Toural
係㗎啦，呢度一帶都係保留呢啲建築
繼續响周圍附近兜兜吓
啲餐廳係就係擺咗好多枱櫈
但係其實宜家係呢度嘅旅遊淡季
仲要係平日嘛所以冇乜人
Mmm… 咁不如參觀前去食吓嘢先！
-----------------------------------------------
延伸閱讀： Day1：Hello Lisbon
Day2：Lisboa → Porto
個gym ball係要嚟鍛鍊嘅！
不過我喎，懶到出血嘅我喎
又點會係拎嚟碌吓碌吓做運動吖
齋响屋企當凳坐咋…
唔係講笑就咁坐吓波就鍛煉到呀吹咩？！
因為坐波嗰陣個身體一定要平衡
咩寒背翹腳坐姿唔正確身體歪斜一律NG
坐得耐其實都會攰從而啲鬼鼠肚仔肉就byebye
唔好話減肥咁bouns嘅嘢吖
姿勢好，就連腰骨膊頭都唔會痛
嗱～ 除非買個部返屋企只係擺埋一邊
係咁意用佢都會對自己好呀
點都好過呢度痛嗰度痛嗰啲吖
買個波肯肯定抵過一次治療
就算好似我咁本身無病無痛都好
咪當預防勝於治療囉
真心推介呢種唔辛苦嘅「練習」㗎～
雖然今日都係要遠征
不過係可以悠悠閒咁征
咁就先慢慢食個早餐再出發啦～
好日常嘅朝早啡一杯
葡萄牙好正常咁食nata
但呢件唔係普通嘅葡撻
一係個五分四隻手咁大嘅葡撻
benz切開心share
如果唔係拳頭size嘅佢點一人KO呀？
大還大，好唔好食先？
OK㗎，要香有牛油香
要甜有吉士甜唔錯唔錯
以為糕餅店只係得包包餅食
原來仲有炸魚食㗎喎
仲係凍咗嘅炸嘢都咪話唔驚奇
係凍嘅不過魚肉都係keep住鮮香彈牙
咁樣齋eat馬介休竟然係唔會死鹹
（我真係一直認為馬介休一定好鹹㗎！）
今日嘅豬扒包，走豬扒兼烘底
輕輕加咗牛油嘅豬仔包多士
一𡁻個麥味就出晒嚟
硬掘掘脆卜卜練吓牙力咁（嘻）
火腿酥，歐式薄火腿係香好多嘅
（係鄙視美式火腿呀吹咩？）
個酥多層夠酥脆
沙畫，比舞台表演更一期一會
因為佢係種一瞬即逝嘅作品
要留住佢，就要靠當時嘅相 or 片
之前見識過嘅即場創作
而今次呢套就結合stop motion
配埋色彩音樂聲效後
整成一套沙畫動畫
除咗睇呢個作品嘅放映會之外
仲有佢哋嘅創作分享
同幕後製作花絮
另外，展覽板敘述故事簡介
介紹吓沙畫呢樣嘢 & 展示今次套片嘅手稿
製作單位
（導演海潮 | 編劇莊梅岩 | 監製張月明 | 創作總監有耳非文）
聽opera，唔一定係悶嘅…
睇吓聽咩歌邊種歌啦
好似頭先响文化中心個大堂席地而坐
坐都坐得咁casual
就知啲歌都係輕輕鬆鬆啦
嚟自英國嘅威爾士國家歌劇院
今次係帶咗一個女高音一個女低音
同一個男高音嚟獻唱
仲有一個鋼琴手現場演繹
除咗輕鬆愉快三重唱之外
二重唱又唱出個調皮感
哈哈，聽得好開心呀～
係嘅，葡國菜係好好食
食咗好多餐都唔厭呀
不過佢嘅鄰居西班牙啲嘢都好正之嘛！
好似sangria咁，咩款都好飲
呢隻就rose sangria
清爽嘅甜味，生果都係爽爽口
係啦比平日紅酒嗰種甜啲
試吓新嘢都唔錯吖～
西班牙嘢梗係要食tapas啦
先嚟兜煮牛雜
味道濃郁但係唔會好鹹
嗱～ 都葡萄牙㗎
codfish salad嚟㗎
魚嘅鮮鹹香肉質又夠彈
黑欖更加唔需要再形容佢嘅香啦
好好好好食！
炒雜菌啦，啲嘢夠新鮮就咁炒就已經好好味
加埋少少ham，哇送酒一流呀
响menu見到諗都無諗就點
對青椒仔呢家嘢真係毫無免疫力
無嗌錯㗎佢用少少鹽炒
青椒仔嘅味道鹹香清甜出晒嚟勁好食啊
响一片書海（其實係書架）之中找尋到幸福…
仕事も恋もがけっぷち！
２９歳ＯＬが永遠に続く幸せを手に入れたシンプルな習慣
青山華子
中文譯本就大大隻字寫住《好幸福！》
（好精簡 but f-king right）
本書係先講要幸福就要接受自己嘅不完美
從而放低執著，唔做無謂嘅比較
活在當下隨遇而安做自己鍾意做嘅事
係㗎！好簡單嘅三幅被嚟㗎～
但係就係最易被遺忘囉！
尤其當生活唔如意嗰陣
會一直陰沉嘅心境
一路响度問點解呢樣點解嗰樣
冇錯嘅有啲人會從而反思
令自己更有得著有進步
可惜係更多嘅時候走唔出嚟
會否定自己覺得難受
本書就提返你其實唔需要响個陰霾度轉
仲會提供到啲方法
幸福其實唔係好虛幻嘅事
可以好容易就捉得到
