All Posts
參觀完教堂行去食lunch之際
見到有限時市集，去兜個圈先
堅多文青嘢嘅
而我都有嘢啱入到手㗎…
Lagar Do Mel嘅脆口蜜糖杏仁同合桃蜜！
哈哈哈係呀都係買嘢食啱啲～（笑）
好，去食個晏先…
-----------------------------------------------
延伸閱讀： Day1：Hello Lisbon
Day2：Lisboa → Porto
Day3：Porto ↔ Vila Nova de Gaia
Day4：Porto
Day5：Porto ↔ Barcelos
從失明人士嘅角度
欣賞中環景致同藝術品
《中環的標誌性建築及地標》
平日由尖沙咀望著維港
呢次就係摸同聽
圖嘅右下箭嘴上有個掣
撳咗頭頂個罩就會有聲音導航
瞌埋眼照著播音一直摸啲凸起嘅圖
《將中環各大廈互相連接的行人天橋》
响條天橋行就行得多
未試過俯瞰嚟睇
用摸同聽，果然有另一個唔同嘅角度
充滿殖民風味嘅建築
（右至左）
《舊中區警署》：响裡面兜過
《舊最高法院大樓》：响出面望過
《藝穗會》：有入過去參觀過
就係未正式感受同摸過（個外圍）
《聖保羅堂》：e？响邊㗎？
《銅獅像，by W.W.Wagstaff，滙豐總行大廈》
啊！滙豐樓下對獅子
《石獅，中國銀行大廈》
唔係今日咁摸我係唔留意兩間銀行嘅獅子
滙豐係西式獅，以銅像方式呈現
一向都追求平靚正
但係唔係次次都成功…
係嘅，我知係衰响買超級市場牌子呢度！
對於以港幣三十蚊
買一個可以分到六件嘅芝士蛋糕嚟講
唔應該要有咩哇哇哇好好食嘅要求
不過咁喎，佢明明寫有34%芝士同17%牛奶
咁預佢有濃啲嘅芝士味都好正常啫係嘛先？
嗱！冇呀！乜 (芝)士味都冇！
個「偽」芝士蛋糕層入口係creamy嘅
最濃係個消化餅底
真係好麥維他嗰種味囉
同埋佢唔甜嘅
當食個凍凍地嘅cream cake係OK嘅
唉～ 是但啦… 冇下次！
佢個樣係黑麻麻咁
其實裡面啲嘢係金光閃閃
1425年建成嘅教堂
成間嘢都係巴洛克風格
不過入面唔影得相
所以睇完就記响個腦度喇
（或者睇返官方啲相）
相連嘅另一邊可以影嘅
教堂裡面啲嘢就係件件都咁閃
然後仲有15、16世紀啲望族嘅長眠地
OK知喇，過兩日係清明要去拜山（咦？）
-----------------------------------------------
延伸閱讀： Day1：Hello Lisbon
Day2：Lisboa → Porto
Day3：Porto ↔ Vila Nova de Gaia
Day4：Porto
五分四嘅成員入咗伍
再推出《꽃길》呢隻歌…
有個香港視覺設計及插畫藝術家Zoie Lam
就應邀請以隻歌嘅visual
整咗呢幅塗鴉
做期間限定嚟展覽
MADE隻碟首首歌都好聽
而呢首《꽃길》都係當時錄
（仲有一首未出）
不過就唔算好啱我嘅口味
唔緊要啦，反正首歌係俾VIP吊命
又唔係關我樹…
香港潑水節轉咗場去D2
香港潑水節轉咗場去D2
香港潑水節轉咗場去D2
（因為非常重要所以講三次！）
今日除咗係愚人節
仲係下個禮拜潑水節嘅宣傳日
晏晝嗰陣有巴士巡遊
最後一站當然係停响D2 place啦
潑水節即係認知嘅泰國新年
而今年再玩大啲
搬埋翟道翟過嚟香港
加埋舞台玩足三日
（當然唔少得泰式巡遊同浴佛呢啲傳統嘢）
七彩仙女model姐姐們…
一共有七個（七隻顏色）
代表一星期裡面嘅七日
人人都去Art Basel
你估人人都想去Art Basel咩？
嗱藝術呢家嘢我就真係識條鐵
所以，同樣响會展我就唔去Art Basel喇
就去咗蘇富比睇嘢～
Homme à la pipe assis et amour
－ Pablo Picasso
就算咩都唔識
都睇得出呢種一忽忽抽象派嘅畫係嚟自畢加索
Femme à la robe verte (Femme fleur)
無人話過睇展覽一定要向固定地方嘅…
咖啡 x 奶茶 = 鴛鴦
同雅座嘅座位，都係香港獨特文化之一
（以下含劇透…）
而呢次嘅藝術遊就窺探一下舊香港
先講張場刊，噴咗廣生堂花露水㗎喎
然後，派咗兩粒嘉應子（嘻）
開車出發喇～～～
第一站：浸會大學視覺藝術院啟德校園
即係前英國皇家空軍軍官俱樂部
後成為香港警察偵輯訓練學校
（左）《游離浪蕩四圍走盂蘭神功講故戲棚》－ 劉學成
（右）《藝小販 2》－ 凌中雲
由戲棚講解歷史故事
小販就一路碌碌碌啲畫面
流動戲棚嘅好處係
可以去第二度繼續講故
去埋防空洞之後去下一站喇（上車）
下午茶唔鋸扒啦
不過嚟森美餐廳又唔可以唔食佢啲牛喎
點算？
嗱～ 下午茶有招牌牛柳三文治
仲要烘埋底呀！
半熟牛柳味道香肉質又嫩滑
塊肉响鐵板上算薄但做三文治餡就夠厚
生菜都唔係求其俾幾條菜絲嗰種
新鮮爽脆幾層厚
中和返個牛柳嘅飽滯感
麵包係薄呀所以咪成塊都香脆
佢搽足晒牛油呀都幾邪惡㗎其實
況且我都唔鍾意食白方包嘅
呢種咁薄嘅就啱啱好good fit
好好味呀，仲好夠飽！
呢杯叫檸檬特飲
成世人都未見過未飲過咪試吓囉
果味濃而且酸甜平衡又夠凍，唔錯唔錯
杯嘢最最最遺憾係支飲！管！
對唔住呀海龜～～～ TAT
明明咁上海式
但原來佢係間川菜館…
爆多餡嘅餃子
肉同菜都香，又juicy喎
裡面仲有隻唔算細嘅蝦
呀餃子個名叫肉三鮮
煎餃都不相伯仲
哇！煎到吖…
食落個皮脆到吖…
京蔥羊肉餃
個味就係爆香囉該煨
喂好掂喎呢度啲餃
未！算！
個千層醬豬耳都好好食
豬耳爽滑個麻辣汁又醃得好夠味
底層嘅新鮮青瓜絲又超爽脆，正！
雞絲拌粉皮
standard好味嘅嘢囉
雞OK嘅粉皮夠韌最緊要個麻醬做得好
咁就已經好食㗎喇～
豆漿，一杯凍一杯熱囉
唔太甜又有豆味，都幾好㗎！
係坐得窄啲啫，overall都好好呀
（連啲姐姐嘅服務都唔差㗎～）
諗起神獸，腦海自動浮現住响戈壁嘅草泥馬
定係突然間就會醒起嘅金翅⊗⊗鳥？
鍾意畫佢睇到嘅靈同神獸嘅小松美羽就畫呢啲
龍，兩條。
今次展出嘅都係佢近期嘅作品
2018年先過咗三個月
但大部分畫作都係今年出品
真係好多產嘅畫家（嘻）
叫得神獸系列當然係由動物而成
除咗虛構但係老是常出現嘅龍之外
梗係有賭仔當神咁拜嘅馬啦～
驟眼望落啲神獸係有啲恐怖
不過佢哋用色好繽紛
忍唔住再望多幾眼
神獸出沒注意，呢隻响水底
畫家最鍾意嘅守護犬
有friend子㗎，唔係孤獨嘅神嚟㗎
响河到玩緊
好開心咁喎你
有冇人會好似我咁覺得你有啲似風獅呢？
（係喇我知，風獅响沖縄小松美羽係長野県人嘛…）
門神擺法嘅貓貓狗狗
另一邊嘅對稱畫作
呢set啲底幾金喎
唔通係高級別啲嘅神獸？
嗱～ 唔係嘢嘢開會都係痛苦同嘥時間嘅…
好似呢盒合併競議会咁
要諗自己出咩最有利
又要諗吓人哋會唔會出啲嘢跣你
再諗吓點樣用人哋啲嘢去增加自己利益
唔複雜嘅不過都要用少少腦
一round唔耐㗎，大概5～15分鐘
玩完又忍唔住再玩
（啲公仔仲要咁得意）
至少肯肯定冇平日開埋啲廢話會咁悶先吖～～～
