All Posts

mioasahi

Mio Asahi - The Tales of a Mythical Court

拋開日常嘅煩惱 置身天馬行空之中 佢嘅畫作只係黑白底之中帶少少色彩 但係就已經感受到嗰種寧靜喜悅 跟住獨角仙入去另一空間 （牌嘅背面係Mio Asahi另一signature三ツ月） ～入去喇～ 呢度分享咗畫家响二十年嚟嘅創作 裡面有主軸嘅女子 有神龍、有另一個地方嚟嘅朋友 城市入面有種無重嘅狀態 好似童畫故事咁 主色深沉生物形狀怪異 卻滲出快樂、令人會心微笑嘅感覺 令周圍都創造咗個好微妙嘅空間… 啲畫作有得賣嘅 不過屋企係無位擺嘅 拎張card仔做紀念品都好 唔開心同思緒混亂嗰陣都可以拎出嚟睇吓！

2018 年 4 月 17 日
firstcheesemonaka

贅沢最中シリーズ～マスカルポーネチーズ＆マーブルチョコ | 第一食品株式会社

裡面有滿滿嘅餡 外面好似盒咁樣嘅薄脆餅皮 咁先叫做最中㗎嘛… 係嘅，佢係有唔算淡味嘅Mascarpone 又有朱古力嘅甜味 但係個最中皮真係好腍又韌咁 同食monaka無咩分別 唯一用處係唔駛用手揸雪糕會溶响手咁囉 嗱，個雪糕係OK嘅 只係如果佢係最中嘅話就唔合格… 囉… …

2018 年 4 月 17 日
portugal7j

[抱抱葡萄牙] Day7：All in Porto

食完雪糕唞咗陣都仲係唔肚餓 但係已經到埋宵夜時間喇 又唔可以唔食啲嘢㗎嘛 諗住食少少嘢送吓酒咋喎個芝士火腿盤唔駛咁大碟呀化？！ （…最後食唔晒要打包做聽朝嘅早餐） 不過盤嘢真係好乞人憎㗎 款式多仲要好鬼好食 兜welcome包起新鮮熱辣辣 香到痺，又係冇唔好食嘅道理 今晚飲紅酒～ 對住燭光慢慢吹下水先再行返去瞓 聽朝又要早起遠征喇 解決到早餐問題就唔駛晨七咁早去撲食喇！ ----------------------------------------------- 延伸閱讀： Day1：Hello Lisbon Day2：Lisboa → Porto Day3：Porto ↔ Vila Nova de Gaia

2018 年 4 月 17 日
hkurbancanvasmk

城巿閘誌 | HK Urban Canvas（旺角、油麻地篇）

落閘放狗係保安 落閘放畫係藝術 今次行到去旺角油麻地繼續聽人講故 出發！@紅磚屋 一級歷史建築嚟㗎 呢間賣秤嘅冇畫閘嘅 不過呢種舊式店舖（連阿婆） 都係好有歷史㗎 到油麻地果欄 導賞員由電視劇開始講 但係我冇睇過套劇 加上一直暴曬中 所以完全唔想聽佢講，遊魂中… 過埋馬路就去到有畫閘嘅舖 偉訊廣告工程 開咗舖，要即時睇可以用app睇 做鎅字膠廣告牌嘅 呢度附近有好多呢啲膠招牌㗎 勤記不銹鋼工程 真正式微嘅打鋅鐵行業 香港嘅師傅得返一兩個咋… 同利玻璃 好少有道閘上面寫咗好多字 因為要留低「拉砂」即係切割玻璃手法 手要定兼且快、狠、準

2018 年 4 月 16 日
hkurbancanvasssp

城巿閘誌 | HK Urban Canvas（深水埗篇）

睇雜誌响室內睇；睇「閘誌」呢？要出街睇！ 深水埗篇嘅導賞起點係新亞書院 唔係而家中大馬料水嗰個 係原址(隔離)嘅舊址 戴好耳機，出發！ 跟住導賞員，由佢去口述呢度嘅歷史 深水埗以前係有成行成市嘅布行 咁布碎嗰啲就去棚仔度搵 （based on政府唔收地嘅話…） 個深水埗警署基本上同呢個tour無關係 不過其實佢嘅建築同歷史都係呢度嘅一部分 唔應該俾人忘記㗎… 講開以前深水埗同製衣嘅關係 又唔會唔提吓啲細細山寨廠 終於到第一間有畫閘嘅舖 但係佢有開舖，可以用app睇 或者去返展覽場睇相 再唔係就搵日佢唔開舖先睇啦 祖記 by Smile Marker 吖！又係開咗舖 但係都駐足緊因為要聽導賞員講舖頭嘅歷史

2018 年 4 月 16 日
portugal7i

[抱抱葡萄牙] Day7：Ice Lover

返到嚟São Bento唔早唔晏 食吓雪糕都好吖～ 去呢間叫Ice Lover食gelados 上面球淺啡色係肉桂 香料喎梗係爆香啦 左下白色嘅係椰子味 濃郁嘅果香，清甜嘅味道超級讚 而右下泥黃色嘅係flower salt味 少少鹹裡面有花香，好特別呢！ 坐多陣抖抖先… ----------------------------------------------- 延伸閱讀： Day1：Hello Lisbon Day2：Lisboa → Porto Day3：Porto ↔ Vila Nova de Gaia

2018 年 4 月 16 日
hkurbancanvaswanchai

城巿閘誌 | HK Urban Canvas（灣仔、上環、西營盤篇）

其實灣仔上環西營盤係上年嘅作品 不過個展館本身响動漫基地 所以都會有灣仔嘅導賞團 出發喇！@動漫基地 先落樓就响佢隔籬嘅豪華咖啡茶室度 係呀而家開緊舖就睇唔到道閘 可以用app睇嘅 導賞團得意在唔係去睇啲閘 而係睇個社區 好似呢種六十年代嘅鐵製T形街牌咁 都係買少見少嘅貨色喇 蔡太乾貨 by Smile Marker 原本幅畫嘅蔡太係嚴肅樣 但畫畫吓周圍檔嘅人同artist講 蔡太平日好好笑容㗎 然後最後出嚟個蔡太就變返有笑容喇 完咗導賞團就可以自己周圍行吓… 峰哥袋檔 by何文蕙 用檔主好鍾意嘅貓貓做主題 雨天晴天都有遮擔嘅潘仔記 錦波印務

2018 年 4 月 15 日
hkurbancanvasex

城巿閘誌 展覽 | HK Urban Canvas Exhibition

舖頭要開閘先有嘢睇？ 開閘係有嘢賣嘅；不過刪閘都有嘢睇㗎！ 城巿閘誌 HK Urban Canvas 呢個project係藝術家响啲閘到噴畫啦 啲artist會同店主溝通後先去噴（& 修改） 落街睇閘前先睇展覽 第一個展廳有今次嘅噴閘 相裡面除咗道閘 仲有老闆 (sometimes +店員)一齊影 第二個展廳《社區遊記》 係藝術家加埋同學仔一齊整嘅立體拼相 佢哋去啲舊舖考察、影相 再剪相同拼好 好似呢張咁 就將個果欄活生生咁呈現咗出嚟 呢件作品，用咗好多唔同物料造成 响深水埗油麻地旺角取材 所以裡面有鈕扣、布版、齒輪等等 第三個展廳，有artist同中學生們嘅寫生

2018 年 4 月 15 日
whiteshoescouplesco

[discography] White Shoes & The Couples Company - Album Vakansi

好鍾意呢隊印尼嘅樂隊 佢哋由初初indie嗰陣都而家 都可以keep住當初嘅歌聲同風格 （仲有個復古嘅造型） 呢隻碟我好珍惜㗎 尤其覺得神經繃緊嘅時候 拎嚟loop幾次個人就放鬆返 就算唔識印尼話都跟吓啲旋律哼吓 再唔係就望住啲拼音唱吓 一直都相信音樂可以治愈心靈 至少對我嚟講work囉～ 當然，好珍藏呢隻碟其中一大原因 係衰tak當年去印尼旅行特登幫我搵返嚟 所以就算有咩mp3都好 硬係有啲舊嘢會收收埋埋嘅…

2018 年 4 月 13 日
portugal7h

[抱抱葡萄牙] Day7：Museu da Construção Naval

( ﾟдﾟ) 個博物館就係有個咁驚訝嘅外表… Museu da Construção Naval 建喺大西洋側跟嘅河邊 係間海軍建築博物館 裡面個setting同香港歷史博物館差唔多（嘻） Nau Quinhentista 博物館隔離隻帆船 咪帆船咁樣囉，唔特登上去睇喇 無咩好行喇，搭metro返Porto先 ----------------------------------------------- 延伸閱讀： Day1：Hello Lisbon Day2：Lisboa → Porto Day3：Porto ↔ Vila Nova de Gaia

2018 年 4 月 13 日
fairtastecashewbrittle

[candy] 細味公平 - 有機腰果糖

响公司悶悶地梗係食吓零食㗎啦！ 呢樽嘢好正呀！！！ 全有機同公平交易不在話下 超高比例嘅印度腰果 每一啖都係果仁嘅香味 微微嘅甜味係嚟自巴拉圭嘅原蔗糖 清甜得嚟襯托返果仁嘅香氣 又令整粒糖更脆身 真係好味到震～～～ 佢冇加防腐劑呀添加劑嗰啲 個包裝得少量塑膠垃圾 玻璃樽可以用得返 仲係响香港人手加工（葵青區嘅街坊婦女） 接近完美啦！

2018 年 4 月 12 日
portugal7g

[抱抱葡萄牙] Day7：Oceano Atlântico（Santa Clara）

特登搭車過嚟Porto嘅邊皮 就係為咗呢個重頭戲… 大！西！洋！ 啲風呀浪呀雨呀加加埋埋 就係冇可能行到出去篤篤位嘅燈塔 （嚟旅個行啫唔駛搵命博嘅） Primeira Tentativa de Desembarque Esquadra Liberal 哇！唔知咩紀念碑喇 總之係1832年嘅嘢啦是但啦影咗先繼續快步行 吼吼吼！！！ 冇～ 帶～ 遮～ 呀～～～ 要搵地方避雨（等停雨） 同啲海鷗一齊見證停雨喇 （排排企好整齊，仲成地雀屎） ----------------------------------------------- 延伸閱讀： Day1：Hello Lisbon

2018 年 4 月 12 日