All Posts

rjddreamex

Robert John Davidson《dream》exhibition

想進入夢幻國度一啲都唔難… 推開門就有㗎喇！ DREAM | 夢幻 －Robert John Davidson 好難唔俾呢啲畫風同用色吸引 有住柔和嘅色彩 有天有地同大量生物 雖然俾好多對眼望住 又唔覺得毛管戙喎 畫家呢一兩年嘅畫先咁迷濛 之前啲畫色彩繽紛同實在好多 除咗20幅油畫 呢度仲有40張手繪素描畫 相對望住黑白色去諗意境 個人都係鍾意色彩豐富多啲（笑） 畫作遊走於現實同童話風之間 走入一個個繽紛絢爛嘅森林 夢幻卻不失可愛 左右兩幅畫嘅畫作時期差幾年 不過畫風都無好大分別 睇畫睇到以為時間靜止咗

2018 年 5 月 3 日
portugal9f

[抱抱葡萄牙] Day9：Bus Route 500 - Oceano Atlântico

响Matosinhos冇嘢做到連行咗幾間超市 係就係唔需要plan幾悠閒都得 但係只係睇呢樣嗰樣開架嘢都會悶㗎 搭返巴士啦，metro睇唔到景呀嘛 嚟嗰陣睇住個靜靜嘅Rio Douro 返歸就隔窗望住怒海Oceano Atlântico 波濤洶湧嘅大西洋 加棵樹連埋條欄杆 就好似置身响渡假村咁 隔著個窗，就算個海有幾大浪 …都好似事不關己 睇住幅會郁嘅大海畫咁 呢個景，只有搭車先見到 如果要搭路程短啲又貴啲 仲有呢家古董Tram No.1㗎～ 返返嚟平靜嘅Rio Douro 擺返啲戰利品返民宿 先唞陣再周圍行… ----------------------------------------------- 延伸閱讀： Day1：Hello Lisbon

2018 年 5 月 3 日
sumsick

心病還需森藥醫

為一片枯萎嘅葉講故事 心病還需森藥醫 －李心悅 原本只係因為啲畫嘅用色靚而吸引嚟睇 個故事好短，由枯葉「木子」死咗而開始 「木子」同一般後生仔一樣 諗過做偉人、結婚、環遊世界… 可惜未曾實現就已經離開呢個世界 但係又好好彩 佢嘅靈魂有份參與自己嘅喪禮 喪禮睇到自己被化妝、著衫 又有friend子佈置佢鍾意嘅嘢响喪禮度 再播佢鍾意嘅音樂 仲有，佢心儀嘅女仔都嚟觀禮… 死亡同喪禮，好似好沉重咁 平日會用黑白頂多藍色嘅調子 畫家就用咗療癒嘅色彩插畫去呈現 明明係有種安撫人心嘅用色同畫 不過一路睇，個心都仲係有啲戚戚然… 搵日冇咁熱去森林呼吸吓先～

2018 年 5 月 2 日
portugal9e

[抱抱葡萄牙] Day9：It's Fruit Time

街市未開啫，超市照常營業… 啲生果已經由下至上左至右順序排列好 睇落真係好治愈 咁買返啲補充下維他命C先 去旅行除咗坐餐廳慢慢食 都要食啲新鮮生果返民宿嘆吓嘅～ ----------------------------------------------- 延伸閱讀： Day1：Hello Lisbon Day2：Lisboa → Porto Day3：Porto ↔ Vila Nova de Gaia Day4：Porto Day5：Porto ↔ Barcelos Day6：Porto ↔ Guimarães

2018 年 5 月 2 日
tsingtaopure

[cheers!] Tsingtao - pure draft premium lager

好熱嘅天氣，好似個阿伯咁坐响公園～ 然後一罐微香嘅淡味凍青島 加多本書，消暑又夠chill （其實文青同阿伯冇咩分別） 好一個唔勞動嘅勞動節假期呢…

2018 年 5 月 1 日
kimyoungjoo

[好讀] 不想去上班 & 懶人的日子

咩心情咪睇咩書囉… 不想去上班 | 懶人的日子 － 金英珠 懶吖嘛，睇插畫師嘅書 就唔駛睇咁多字囉 輕輕鬆鬆睇吓笑吓咪幾好 反正今日唔應該返工 應該懶懶閒㗎嘛…

2018 年 4 月 30 日
portugal9d

[抱抱葡萄牙] Day9：Dom Peixe

專程嚟Matosinhos除咗因為個街市 梗係為咗呢度係連當地人都會做嘅嘢：食！海！鮮！ 食海鮮，就揀枝白酒 係之前都出現過嘅Planalto Reserva 2014 小食有油浸黑欖 同外脆內軟切片包包 啲包包點嘅橄欖油同醋都唔錯 見到都可以入手 係呀！黑擝擝㗎舊燒魚 炭火即燒嘛 個皮係燶咗唔食得 揭開層皮裡面的白雪雪魚肉嫰到癲 又滑又香真係超新鮮好好食 魚春呀魚春呀魚春呀魚春呀 外皮香啲春仲保持濕潤 人間極品呢～ 呢間餐廳嘅自家制蔥油 用嚟點魚同春更提香 主食嘅薯仔 最後，食咗兩件個樣好普通 不過好好食好濃朱古力同椰絲嘅蛋糕 呢間啲嘢好好味呀 非常滿足嘅一餐呢！

2018 年 4 月 30 日
portugal9c

[抱抱葡萄牙] Day9：Mercado Municipal de Matosinhos

哇… 真係好有趣呀… 特登搭半粒鐘巴士 嚟到呢個所謂必參觀嘅景點：街！市！ 粒海星好得意咁喎！ 嗱～ 不過見到啦佢哋未開呀 又濕立立咁樣 點行啫出去搵嘢食好過啦～ ----------------------------------------------- 延伸閱讀： Day1：Hello Lisbon Day2：Lisboa → Porto Day3：Porto ↔ Vila Nova de Gaia Day4：Porto Day5：Porto ↔ Barcelos

2018 年 4 月 27 日
burberry

Burberry 紅黑格仔手巾

紙巾呀抹手紙真係好方便 抽一抽抹一抹乾手淨腳 然後呢張紙咁嘅物體 佢嘅使命完成 伴隨著係生命完結 直接入堆！填！區！ e？乜佢唔係紙嚟㗎咩？ 唔可以回收㗎？ 係呀！紙巾係冇得回收再造 所以用過嘅紙巾只係件純垃圾 話說今日係無紙巾日 不過就算係咪呢啲日子 我都會帶住手巾 奢華感足帶啲虛榮感嘅Burberry 大大條正方形輕薄類型 多位抹易摺得細而且快乾 一用就用咗十幾年 平日都係掉去洗衣機度洗㗎咋 咁多年啲色呀線呀都冇點走 除咗抹嘢之外 有時會拎佢嚟包嘢 就咁包就用少好多細膠袋 唔知由幾時開始 就變成帶手巾嘅只係BB小朋友幼稚園生 其實從細細個唔係已經知道

2018 年 4 月 26 日
portugal9b

[抱抱葡萄牙] Day9：Bus Route 500 - Rio Douro

今日唔係搭火車去遠征 亦唔搭metro… 慢慢慢遊巴士河 全個車程只係30分鐘 一直望住個靜靜嘅Rio Douro 彷彿時間已經靜止 途中經過，諗起馬戲團啲帳篷 好！到總站Matosinhos喇，落車～ ----------------------------------------------- 延伸閱讀： Day1：Hello Lisbon Day2：Lisboa → Porto Day3：Porto ↔ Vila Nova de Gaia Day4：Porto Day5：Porto ↔ Barcelos

2018 年 4 月 26 日
seanscully

Sean Scully: Standing on the Edge of the World

如果知道個主題係乜 咁樣睇抽象畫會唔會易明啲？ 因為都好明確咁話明係邊緣 所以，啲畫都係有住好分明嘅線條 係藝術家呢30年嚟嘅作品 都有係為咗今次展覽而創作 作品嘅媒介都唔少 有油彩鋁板畫、布同紙油畫、攝影作品等等 size都有細、大同好L大 （呢兩幅已經係兩種唔同物料而成） 直直斜斜咁，呢幅咪斜路囉！ 灰灰紅紅嘅顏色 唔止平面橫橫直 都有立體款式 樓上大幅嘅板畫 呢層嘅係布油畫 有條子；又有格仔 究竟响呢啲平衡線上 邊度先係自己企嘅位置？ 定係回頭一望 已經係企咗响邊緣 下一秒就會跌落 會跌到落幾深？ 有無盡頭？ 抑或… 根本從來都定位呢？

2018 年 4 月 25 日
portugal9a

[抱抱葡萄牙] Day9：Bufete Marina

一朝早，去邊都好啦 都係食咗早餐先講！ 咖啡又係必見嘅好伙伴 ham & cheese呢種配搭 真係百搭又好味 先有微暖嘅酥 再轉一轉芝士 即叫即整熱辣辣嘅多士 個包好脆裡面啲芝士仲溶溶地 哇～ 好食到吖… ----------------------------------------------- 延伸閱讀： Day1：Hello Lisbon Day2：Lisboa → Porto Day3：Porto ↔ Vila Nova de Gaia

2018 年 4 月 25 日