[丼] 大勝丼 Daikatsu Don
佢又又又陪去產檢嘅日子
當然想同佢食返餐好
熱死辣辣梗係去隊返碗丼最happy
唔敢再去日本野又同過佢去鉄火堂喇
吖！諗到去呢間會想翻啅嘅丼屋，gogogo～
叫咩丼都好都會有味噌湯
standard嘢啦…
跟set會有沙律一齊
另外又會好鍾意嘅中華沙律
口味呢家嘢好幾搞笑
竟然世界上有人係呢隻海藻嘅死忠派
大勝丼
咩都有咩都有刺身爆滿丼（大心）
有牡丹蝦兩隻、蟹肉、海膽、炙燒穴子、
帶子、吞拿魚、油甘魚、三文魚籽…
…揭一揭仲見到八爪魚、醋鯖魚同三文魚
哈哈！食食吓見到匿埋咗嘅北寄貝
咪講笑，睇都睇得出啲刺身們有幾新鮮
啲海膽仲要係極味濃嗰隻
牡丹蝦同帶子都係漿口貨色
蟹肉鮮甜，醋鯖魚另成碗嘢唔太漏，正！
飯底有得揀白醋飯同赤醋飯
係隻醋有少少唔同味咁解
而個飯都唔係就咁醋飯that’s all
面層滲咗唔少飯料
就算唔～ 小～ 心～ 食晒啲刺身都唔怕食齋飯咁寡
碎蔥吞拿魚腩角切魚生丼
又一海洋寶石丼
刺身們同吞拿魚腩蓉新鮮肥美，好食！
大勝自選丼
揀咗活赤貝、炙燒穴子、劍魚腩同蟹糕
新鮮嘢all of the濃味is the BEST，呵呵呵～～～
火炙狂牛丼
就算好似小不點咁係個唔食刺身嘅人
都有呢啲熟食檔丼畀佢揀
牛味香濃份量又多仲有隻溫泉蛋，好好味咁～
咪睇我會叫到成兜飯都係餸會食唔晒
我次次都會清碗㗎！！！
唔係大肚嗰陣就有飲梅酒
同佢去食嗰次就禁咗酒喇
食完飯仲會送個甜品仔迷你雪糕糯米糍嘅
好完美嘅一餐，yeah～～～