[港] 光榮冰室
第一次响荃灣嗰間見無人就入去試吓
不過之後幾次都係去咗深井食
唔係好味而係個份量大啲加上唔使等位
下午茶個量就似一般茶記午餐咁
正餐就似兩個人先食得晒咁
星洲炒米
唔夠香辣亦都唔夠乾身
咪普通少少香料嘅炒米粉咁
經典豬扒包配薯角
豬扒juicy個包上枱都係熱辣辣嘅
係沙律醬唔係千島醬，真好！
涼瓜牛肉飯
涼瓜爽口唔苦，無咩涼瓜嘅特色
牛肉都唔入味呀
一般般嘅碟頭飯咁囉
叉燒炒蛋飯
份！量！好！巨！形！
啲蛋唔使錢咁鬼咁多
味道就okay嘅，蛋都係滑叉燒都腍身咁啦
生滾沙牛窩蛋麵
哈哈個樣好嘔心
唔係出色嘅沙爹牛
係就係熱辣辣不過啲麵就搞到「煮」淋晒
食到後期成pat嘢咁…
芝腿西多士
鹹甜撈埋個味其實唔錯
都係一般下午茶小食比粉麵飯穩陣好多
生炸大雞髀配薯角
外脆炸內爆雞汁同雞油
幾鹹香，食晒成隻都飽到成隻嘢咁
因為隻髀唔止大過我隻拳頭
簡直係同我塊面差唔多大（！！！）
無咩嘢通常都會配紅豆冰
好足料超多紅豆蓉
個花奶都落唔少，唔錯嘅算係…