travel-葡萄牙

All Posts

[抱抱葡萄牙] Day6：Paço Dos Duques De Bragança

15世紀宮殿一座。出面個碌好似平時砌積木嗰啲樣（嘻）同頭先去嘅舊多幾世紀嘅城堡唔同呢個殿裡面都係靚嘅！入口處有隻食鬼佢係食煙頭㗎，因為宮殿裡面係唔食得煙嘅（是但啦反正我都唔食煙嘅…）入到嚟大廳 hola大張氈s呀肯定係靚嘢唔知係咪波斯氈呢？仲有啲精細雕刻嘅枱啦同嚟自中国嘅青花瓷再入吓呢間房又入吓嗰間房然後上一層裡面好似好彩咁喎入去呢度先教堂嚟嘅嘩！啲玻璃駛唔L駛咁靚呀？！係㗎，雖然都有睇過若干間教堂嘅玻璃但係每次見到都仲會覺得好驚嘆行到一間放咗好多貢品嘅廳啲檯檯櫈櫈杯盤碗碟唔止係藝術品真係件件古董啊不過唔知點解明明個空間咁大

2018 年 3 月 23 日

[抱抱葡萄牙] Day6：Castelo de Guimarães

講起歐洲啲國家式舊建築唔係城堡就係宮殿㗎啦先去真係好L舊嘅城堡 10世紀喎（958-1200年）個殼係保存得幾好嘅… 哎吔，細個玩三國志有見過呢個攻城器㗎（大誤）行呀行拾級而上其實城裡面爛溶溶㗎，哈～不過都仲可以圍住上面行一圈睇風景有一陣會去嘅Paço Dos Duques De Bragança 山頂再加城堡瞭望台喎個城嘅周圍當然係一覽無遺啦城堡唔算細同埋上上落落多梯級無遮蔭之下咁行其實都會有少少攰嗱～都真係幾高㗎… 走喇去宮殿睇靚嘢遮遮陰先 ----------------------------------------------- 延伸閱讀： Day1：Hello Lisbon

2018 年 3 月 22 日

[抱抱葡萄牙] Day6：Restaurante Mumadona

完全冇idea去邊間食就去坐滿人嘅地方啦實無死嘅～又曬又熱唔係唔飲啤酒呀嘛？飲酒梗係配啲小食黑欖加醃豬，鹹鹹香香好送酒嚟多兩碟熱辣辣新鮮炸魚仔（正）主菜，蜆仔煮豬肉仲有一大堆炸薯仔 chisin㗎駛唔駛咁大兜呀？但係又死得佢個味好好蜆仔唔算細隻而且味道夠鮮豬肉腍得嚟煮汁味香又唔失豬肉味不過死啦咁食法已經飽飽地喇… 仲！有！兜！燴！飯！啊啊啊！！！（崩潰中） ----------------------------------------------- 延伸閱讀： Day1：Hello Lisbon Day2：Lisboa → Porto Day3：Porto ↔ Vila Nova de Gaia

2018 年 3 月 21 日

[抱抱葡萄牙] Day6：Guimarães

風和日麗好日子呢～ Aqui Nasceu Portugal （Portugal Was Born Here）所以要嚟一嚟Guimarães呢度睇吓 Largo do Toural 係㗎啦，呢度一帶都係保留呢啲建築繼續响周圍附近兜兜吓啲餐廳係就係擺咗好多枱櫈但係其實宜家係呢度嘅旅遊淡季仲要係平日嘛所以冇乜人 Mmm… 咁不如參觀前去食吓嘢先！ ----------------------------------------------- 延伸閱讀： Day1：Hello Lisbon Day2：Lisboa → Porto

2018 年 3 月 20 日

[抱抱葡萄牙] Day6：Café Porta do Olival

雖然今日都係要遠征不過係可以悠悠閒咁征咁就先慢慢食個早餐再出發啦～好日常嘅朝早啡一杯葡萄牙好正常咁食nata 但呢件唔係普通嘅葡撻一係個五分四隻手咁大嘅葡撻 benz切開心share 如果唔係拳頭size嘅佢點一人KO呀？大還大，好唔好食先？ OK㗎，要香有牛油香要甜有吉士甜唔錯唔錯以為糕餅店只係得包包餅食原來仲有炸魚食㗎喎仲係凍咗嘅炸嘢都咪話唔驚奇係凍嘅不過魚肉都係keep住鮮香彈牙咁樣齋eat馬介休竟然係唔會死鹹（我真係一直認為馬介休一定好鹹㗎！）今日嘅豬扒包，走豬扒兼烘底輕輕加咗牛油嘅豬仔包多士一𡁻個麥味就出晒嚟硬掘掘脆卜卜練吓牙力咁（嘻）火腿酥，歐式薄火腿係香好多嘅（係鄙視美式火腿呀吹咩？）個酥多層夠酥脆

2018 年 3 月 19 日

[抱抱葡萄牙] Day5：Caldeireiros

係嘅，葡國菜係好好食食咗好多餐都唔厭呀不過佢嘅鄰居西班牙啲嘢都好正之嘛！好似sangria咁，咩款都好飲呢隻就rose sangria 清爽嘅甜味，生果都係爽爽口係啦比平日紅酒嗰種甜啲試吓新嘢都唔錯吖～西班牙嘢梗係要食tapas啦先嚟兜煮牛雜味道濃郁但係唔會好鹹嗱～都葡萄牙㗎 codfish salad嚟㗎魚嘅鮮鹹香肉質又夠彈黑欖更加唔需要再形容佢嘅香啦好好好好食！炒雜菌啦，啲嘢夠新鮮就咁炒就已經好好味加埋少少ham，哇送酒一流呀响menu見到諗都無諗就點對青椒仔呢家嘢真係毫無免疫力無嗌錯㗎佢用少少鹽炒青椒仔嘅味道鹹香清甜出晒嚟勁好食啊

2018 年 3 月 16 日

[抱抱葡萄牙] Day5：Travessa do Ferraz

Porto嘅貓巷… Travessa do Ferraz 咁啱見到畫咗嘅貓同隻真黑貓咪影吓囉其實邊有咁啱吖？呢幾日都係住响度（Vitória Clérigos House）一望出窗一出門口唔係見到貓就係雀㗎啦～就嚟夜幕低垂喇，食癲去！ ----------------------------------------------- 延伸閱讀： Day1：Hello Lisbon Day2：Lisboa → Porto Day3：Porto ↔ Vila Nova de Gaia Day4：Porto

2018 年 3 月 15 日

[抱抱葡萄牙] Day5：Palácio da Bolsa

遊完雞鎮Baracelos返到Porto都仲係晏晝入Palácio da Bolsa參觀吓先（要參加導覽先可以入去行） 19世紀建造嘅前證券交易所宮個「宮」唔係打多咗落去因為間嘢真係成座宮殿咁華麗㗎去個Pátio das Nações 個天井大到吖… 塊地嘅地磚砌咗好仔細嘅花紋樓底好～高～作為證券交易所，華麗而不失莊嚴個採晒太陽光嘅玻璃頂八角形嘅金屬穹頂下部嘅四面都有葡萄牙同當時同佢哋有商業關係國家嘅國徽裝飾啲國徽們嘅底俾陽光射落嚟金光閃閃咁顯得更有氣派呢每扇窗牆頂同柱位都有細緻嘅石雕柱上仲有鍍金裝飾

2018 年 3 月 14 日

[抱抱葡萄牙] Day5：A Vicentina

雖然唔係好肚餓但係行到有啲悶又未有火車住食嘢囉去食嘢囉唔係點啫？呃！葡萄牙代表作嘅Francesinhas見到都飽喇頂係嘅係嘅有我鍾意食嘅蝦仲係好新鮮彈彈牙嘅蝦好食呀佢好好食㗎蛋啦蝦啦濃味蝦汁啦同埋索晒所有佢嘅味嘅麵包食咁漏嘅嘢，真係要搵啤酒嚟消化吓… 話說認真mode唔肚餓本身只係諗住飲個薯仔湯點知同行嘅話都係食啲嘢就到咗上面舊麵包磚同呢兜香到爆勁鮮味嘅八爪魚燉飯痴線㗎！兜返仲配埋熱辣辣炸薯條呀原本已經唔肚餓而家直頭飽到癲（翻眼）食飽行返火車站搭車返Porto喇～ ----------------------------------------------- 延伸閱讀： Day1：Hello Lisbon Day2：Lisboa → Porto

2018 年 3 月 8 日

[抱抱葡萄牙] Day5：Paço dos Condes de Barcelos

廢墟都曾經有輝煌嘅時候… 呢座名為Paço dos Condes de Barcelos嘅城堡仔係响15世紀上半興建嘅哥德式建築真係當期時呢個地區最有米嘅建築物可惜1755年地震震到散晒 1801年嗰陣仲冧埋樓原本响1872年政府想拆埋剩低嘅嘢不過比啲民眾抗議啦最後冇拆所以就變成而家睇到嘅一支煙囪幾幅牆本身個樣就只得返藍白瓷磚見到喔！真係幾大座咁喎～ ----------------------------------------------- 延伸閱讀： Day1：Hello Lisbon Day2：Lisboa → Porto Day3：Porto ↔ Vila Nova de Gaia

2018 年 3 月 7 日

[抱抱葡萄牙] Day5：Penedos (Barcelinhos)

由Barcelos去另一個市要幾耐？喔！就好似個羅湖關咁，對面就係㗎喇～對面岸嘅城市叫Barcelinhos （啲草都剪好咗個市名呀）呢個係佢嘅Penedos區行又得揸車亦得，近在咫尺但係游水就NG喇條rio Cávado嘅水流都幾急吓… 不過唔知過去有咩好做唔過對面海喇～ ----------------------------------------------- 延伸閱讀： Day1：Hello Lisbon Day2：Lisboa → Porto Day3：Porto ↔ Vila Nova de Gaia Day4：Porto

2018 年 3 月 6 日

[抱抱葡萄牙] Day5：Barcelos walking

除咗雞之外，Barcelos呢度都仲有嘢睇吓嘅… Templo do Senhor Bom Jesus da Cruz 响1705年興建1710年竣工嘅教堂係為咗保護一個响1504年已經有嘅十字架嘅商店街一條沿路一直上就見到呢大～座～嘢佢叫Câmara Municipal de Barcelos 即係city hall啦 Jardim da Igreja Matriz de Barcelos

2018 年 3 月 5 日