All Posts

portugal5d

[抱抱葡萄牙] Day5：Galo, all are Galo!

總之就係「雞 全部都係雞…」啦～ 是咁的，Barcelos就係令葡萄牙「雞化」嘅發源地。 相傳有個嚟自加利西亞嘅朝聖者 諗住去聖地亞哥朝聖嘅途中兜過呢個鎮仔 點知俾人以為佢係賊仔仲要判佢死刑 就响行刑之前，條友就同準備食癲嘅法官講 “É tão certo eu estar inocente, como certo é esse galo cantar quando me enforcarem!” 咁佢講葡文我就梗係聽唔明啦 但係個法官同埋周圍嘅人就聽到佢話： （仲指住隻香噴噴嘅cooked雞）

2018 年 2 月 1 日
portugal5c

[抱抱葡萄牙] Day5：NATA Lisboa

終於响葡萄牙第一次食到葡撻（感動） 咁當然都要食正餐嘅 個餐有麥包硬豬仔三款果jam同火腿芝士咁 standard味道啦即係好食嘅但係唔驚艷嗰隻 caffè latte就係caffè latte咁 歐洲嘅咖啡一般嚟講都唔難飲 最緊要都係nata（葡撻） 咪睇佢咁黑以為係燶到苦 焦焦香香其實啱啱好 澳門葡撻同葡國葡撻其實算係兩樣嘢 葡國嘅係全custard餡，爆香甜同好滑溜 澳門嘅係含蛋，相對實啲啲而有蛋香 所以味道同質地都有唔少分別 冇話邊隻好食啲只係邊隻啱個人口味啲 well，我兩隻都鍾意（嘻） 呀！唔夠分嗌多份nata x 牛油厚多士 酥酥脆嘅包加牛油味就係正囉！ 食飽飽而且停雨喇 响個鎮到兜吓先～～～ ----------------------------------------------- 延伸閱讀： Day1：Hello Lisbon

2018 年 1 月 31 日
portugal5b

[抱抱葡萄牙] Day5：Feira de Barcelos

一落車即刻行去 Feira de Barcelos 佢係歐洲其中一個最大型嘅市集 （逢星期四先有㗎） 俾啲攤檔遮晒嘅噴水池一個 攤檔就係由呢個中心點向四邊伸延 市場當然有最最最普通同常見嘅陶器 最吸引都係食得嘅嘢 仲係呢啲橫睇掂睇都係好新鮮嗰種 咁樣發出寶石般光芒真係好吸睛呢 响雞國梗係唔少得新鮮雞啦！ 主食嘅大大舊麵包 件件都大過我塊面有排食吖～ 市場唔係只係得光鮮嘅一面 好似呢啲立雜過花園街嘅衫就唔係我杯茶 個樣仲有啲中古品間帶啲非正牌咁 快快穿過就算喇… 反正開始落雨 避雨兼食奔廚去～ ----------------------------------------------- 延伸閱讀： Day1：Hello Lisbon

2018 年 1 月 30 日
portugal5a

[抱抱葡萄牙] Day5：Go to Barcelos by train

晨七起身，晨八開車。 先由Estação de São Bento去Nine 响火車食早餐 今朝係紅卜卜嘅士多啤梨 擒晚行開超市買嘅 OK甜啦，都係呢種帶微酸先係真嘅士多啤梨 响Nine再過隔離月台轉車去Barcelos (Nine唔係平日讀英文"9"嘅nine，佢係用葡萄牙文讀㗎） 個車廂乾乾淨淨光光猛猛都幾靚咁 其實佢個殼係「生」成呢個樣嘅… 到Barcelos喇（落車） Olá Barcelos，咯咯咯咯咯～ ----------------------------------------------- 延伸閱讀： Day1：Hello Lisbon Day2：Lisboa → Porto Day3：Porto ↔ Vila Nova de Gaia

2018 年 1 月 29 日
portugal4l

[抱抱葡萄牙] Day4：Antunes

食完tea，再行吓行吓shopping吓 咁又到食晚飯嘅時候喇 先嚟一客熱辣辣香脆脆嘅蒜蓉包 鹹香嘅牛油蒜蓉味，又夠脆口 完全欲罷不能呢 今晚飲乾身嘅白酒 小食方面有葡式炸物 係馬介休球 x 牛肉角嘅組合 都係好熱好熱，加上滿滿嘅薯仔 令到個鹹魚（馬介休）鮮香得嚟唔會死鹹 牛肉肉味香絕對唔會被馬介休比下去 主菜：焗豬踭（解剖中 by好好笑容嘅叔叔） 原本係慕呢度嘅羊肉名而嚟 點知今晚冇整，冇得食然後就推薦呢款 哇哇哇！真係冇介紹錯 啲肉又腍又滑 少少鹹過皮多多脆 就係呢少少嘅鹹味令到個豬味更香濃 濃還濃又一啲都唔會有豬羶味 呢兜豬仲伴咗好多薯仔 加埋跟咗個飯 個結論當然係飽到上天靈蓋

2018 年 1 月 3 日
portugal4k

[抱抱葡萄牙] Day4：Majestic Café

食個靚tea先！ 睇佢個門面就知道又係舊嘢啦 唔算非常耐嘅，1926年開業啫未夠一百年 大過我同你咁上下啦 以前就係啲知識份子呀藝術家呀名媛鍾意嚟「蒲」 近代啲咪又係阿JK Rowling囉 長形嘅空間仲有大大塊長鏡 粉色牆身、木框加埋一舊二舊詭異嘅石膏雕像 望啲雕像個樣 真係笑得令人心寒 兩邊牆嘅雕像對望住 堅有少少「嚇死人咩！個心離一離！」嘅感覺 舉頭望雕像，低頭睇檯凳 大理石臺加埋雕刻皮革卡位 再有埋雕咗同系列圖案嘅木凳，都咪話唔grand Rabanadas Majestic Style + coffee 葡式西多，煎麵包加果仁果乾再淋糖漿 OK好食嘅呢啲standard嘢 所以都係預期中嘅甜咗啲囉 咁襯杯普普通通正正常常嘅咖啡咁

2018 年 1 月 2 日
portugal4j

[抱抱葡萄牙] Day4：Praça da Liberdade

行呀行又返返嚟Porto市中心 Praça da Liberdade 唔知係咪見識少成日晌香港 見到條路咁闊真係身心都舒暢啲 廣場嘅左手邊 就係今朝去過嘅Igreja dos Clérigos & Torre dos Clérigos 18世紀興建，1801年再將其二合一嘅教堂Capela Das Almas 又靚又耐歷史嘅雜貨舖Pérola Do Bolhão 行吓行吓又有啲口痕口痕，去搵個tea食先！ ----------------------------------------------- 延伸閱讀： Day1：Hello Lisbon

2017 年 12 月 29 日
portugal4i

[抱抱葡萄牙] Day4：Metro do Porto (& Andante)

頭先用腳行嚟Casa da Música 都遠遠哋，加上行夠食飽有啲攰 幫襯吓地鐵搭吓車返過去先 metro - Casa da Música 真係瓹落地底㗎（哇好神奇呀係咪？） 然後買張雖然好似流流哋嘅卡紙 其實係張可以重用再重用嘅儲值卡 我絕對會讀錯al dente嘅andante 好明顯呢張相係代表而家等緊車 中途站Carolina Michaelis 啲白鴿毫無違和感咁融入咗晌個站牌度 又由Ponte D. Luís I望住Río Duero 不過今次係隔住塊玻璃

2017 年 12 月 28 日
portugal4h

[抱抱葡萄牙] Day4：Restaurante Snoopy

食晏時間梗係繼續食葡國菜啦！ 細個响澳門嘅葡式餐 好鍾意呢味薯蓉青菜湯caldo verde 吖！有得食返突然覺得好開心（笑） 仲有滿到瀉嘅雜菜湯 sopa de legumes 唔會好鹹啲菜新鮮又甜咁 補充滿滿纖維呢 然而酒is a MUST嘅情況下 呢枝係Terras D´Alleu 香甜果味濃郁嘅厚身紅酒 唔單止配餐做配角 就連齋飲做主角都當之無愧 carapaus grelhados 燒魚配薯仔 簡單而美味 最後上菜時「嘩」咗聲嘅大大兜墨魚燴飯 arroz de lulas

2017 年 12 月 27 日
portugal4g

[抱抱葡萄牙] Day4：Casa da Música

同一路以嚟睇到嘅葡萄牙建築唔同 呢個音樂廳個樣好新潮 似一間屋子俾人反轉咗咁… 個地板感覺好木塞咁 飲完酒唔好嘥啩 (?) 然而塊地唔係平而係有彎曲起伏嘅 （小朋友s係嚟參觀定排練呢？） 入到去啲金屬式顯得個科幻感好重 唔似一般嘅音樂廳咁古典 上到去買飛嘅地方 兩件極級大嘅俄羅斯娃娃好吸睛 簡潔整齊又闊落嘅環境 個現代感爭啲令人忘記出面全部嘢都好舊好有歷史 呢個時間冇表演場次 咩都冇開呀 唯有走返出去搵嘢食啦～～～ ----------------------------------------------- 延伸閱讀： Day1：Hello Lisbon Day2：Lisboa → Porto Day3：Porto ↔ Vila Nova de Gaia

2017 年 12 月 22 日
portugal4f

[抱抱葡萄牙] Day4：walk walk walk to Casa da Música

由Livraria Lello行去Casa da Música 一出就係教堂Igreja do Carmo 佢嘅隔離係Fonte dos Leões 轉入R. Prof. Vicente José de Carvalho後 就見到Museu do Centro Hospitalar do Porto 擺醫學嘢嘅博物館 黐住間博物館係醫院 Hospital Santo António - edifício neoclássico

2017 年 12 月 21 日
portugal4e

[抱抱葡萄牙] Day4：Livraria Lello

呢間响1906開業 俾lonely planet譽為全球第三大最靚嘅書店 Livraria Lello，我入嚟喇～ 要畀錢入場嘅，啲錢可以用嚟買返裡面嘅嘢 入到去仲會俾本tour brochure慢慢睇住嚟行 一踏入去已經有種「哇～」嘅感覺 由天花 到天花玻璃 到樓梯（正面） （中層） （背面雕刻） 以至到啲兩層樓高嘅書櫃 無一令人唔驚歎呢… 好多好多書 然而啲嘢好有歷史 但係仲保養得好好㗎 好似呢個磅咁 仲用到㗎！ 搬書用嘅路軌 地下層除咗有好多書 仲有衫呀同紀念品 而上面兩位作家嘅銅像係唔賣嘅

2017 年 12 月 20 日