All Posts

portugal9f

[抱抱葡萄牙] Day9：Bus Route 500 - Oceano Atlântico

响Matosinhos冇嘢做到連行咗幾間超市 係就係唔需要plan幾悠閒都得 但係只係睇呢樣嗰樣開架嘢都會悶㗎 搭返巴士啦，metro睇唔到景呀嘛 嚟嗰陣睇住個靜靜嘅Rio Douro 返歸就隔窗望住怒海Oceano Atlântico 波濤洶湧嘅大西洋 加棵樹連埋條欄杆 就好似置身响渡假村咁 隔著個窗，就算個海有幾大浪 …都好似事不關己 睇住幅會郁嘅大海畫咁 呢個景，只有搭車先見到 如果要搭路程短啲又貴啲 仲有呢家古董Tram No.1㗎～ 返返嚟平靜嘅Rio Douro 擺返啲戰利品返民宿 先唞陣再周圍行… ----------------------------------------------- 延伸閱讀： Day1：Hello Lisbon

2018 年 5 月 3 日
portugal9e

[抱抱葡萄牙] Day9：It's Fruit Time

街市未開啫，超市照常營業… 啲生果已經由下至上左至右順序排列好 睇落真係好治愈 咁買返啲補充下維他命C先 去旅行除咗坐餐廳慢慢食 都要食啲新鮮生果返民宿嘆吓嘅～ ----------------------------------------------- 延伸閱讀： Day1：Hello Lisbon Day2：Lisboa → Porto Day3：Porto ↔ Vila Nova de Gaia Day4：Porto Day5：Porto ↔ Barcelos Day6：Porto ↔ Guimarães

2018 年 5 月 2 日
portugal9d

[抱抱葡萄牙] Day9：Dom Peixe

專程嚟Matosinhos除咗因為個街市 梗係為咗呢度係連當地人都會做嘅嘢：食！海！鮮！ 食海鮮，就揀枝白酒 係之前都出現過嘅Planalto Reserva 2014 小食有油浸黑欖 同外脆內軟切片包包 啲包包點嘅橄欖油同醋都唔錯 見到都可以入手 係呀！黑擝擝㗎舊燒魚 炭火即燒嘛 個皮係燶咗唔食得 揭開層皮裡面的白雪雪魚肉嫰到癲 又滑又香真係超新鮮好好食 魚春呀魚春呀魚春呀魚春呀 外皮香啲春仲保持濕潤 人間極品呢～ 呢間餐廳嘅自家制蔥油 用嚟點魚同春更提香 主食嘅薯仔 最後，食咗兩件個樣好普通 不過好好食好濃朱古力同椰絲嘅蛋糕 呢間啲嘢好好味呀 非常滿足嘅一餐呢！

2018 年 4 月 30 日
portugal9c

[抱抱葡萄牙] Day9：Mercado Municipal de Matosinhos

哇… 真係好有趣呀… 特登搭半粒鐘巴士 嚟到呢個所謂必參觀嘅景點：街！市！ 粒海星好得意咁喎！ 嗱～ 不過見到啦佢哋未開呀 又濕立立咁樣 點行啫出去搵嘢食好過啦～ ----------------------------------------------- 延伸閱讀： Day1：Hello Lisbon Day2：Lisboa → Porto Day3：Porto ↔ Vila Nova de Gaia Day4：Porto Day5：Porto ↔ Barcelos

2018 年 4 月 27 日
portugal9b

[抱抱葡萄牙] Day9：Bus Route 500 - Rio Douro

今日唔係搭火車去遠征 亦唔搭metro… 慢慢慢遊巴士河 全個車程只係30分鐘 一直望住個靜靜嘅Rio Douro 彷彿時間已經靜止 途中經過，諗起馬戲團啲帳篷 好！到總站Matosinhos喇，落車～ ----------------------------------------------- 延伸閱讀： Day1：Hello Lisbon Day2：Lisboa → Porto Day3：Porto ↔ Vila Nova de Gaia Day4：Porto Day5：Porto ↔ Barcelos

2018 年 4 月 26 日
portugal9a

[抱抱葡萄牙] Day9：Bufete Marina

一朝早，去邊都好啦 都係食咗早餐先講！ 咖啡又係必見嘅好伙伴 ham & cheese呢種配搭 真係百搭又好味 先有微暖嘅酥 再轉一轉芝士 即叫即整熱辣辣嘅多士 個包好脆裡面啲芝士仲溶溶地 哇～ 好食到吖… ----------------------------------------------- 延伸閱讀： Day1：Hello Lisbon Day2：Lisboa → Porto Day3：Porto ↔ Vila Nova de Gaia

2018 年 4 月 25 日
portugal8e

[抱抱葡萄牙] Day8：Restaurante Churrasqueira Brasil

舟車勞頓完有啲攰 响Pinhão飲完酒其實有啲飽 但係晚餐依然好豐盛！ 佢個樣好似兜咖喱配飯 不過佢係白豆煮牛雜 啲豆炆得勁腍 有唔少已經同個汁融為一體 所以味道極級濃郁 唔配飯真係唔得 加上啲飯長身夠乾身又粒粒分明 撈埋呢啲濃醬就啱啱好 冇海鮮唔得㗎 雖然啲魷魚係俾薯仔同蔥遮住 擺入口就知佢係主角走唔甩 一咬就斷嘅新鮮貨 本身佢個味好夠 連埋啲蔥食就更提鹹鮮香 薯仔？為飽肚㗎啫～ 呢餐仲有super bocks（啤酒啦） 原本唔係好肚餓 仲想就咁隊碗湯同啤酒就算數 碗湯係肉湯 上台前我一直以為係普通搵舊肉煲嘅清湯 點知…

2018 年 4 月 24 日
portugal8d

[抱抱葡萄牙] Day8：Quinta do Bomfim - Symington Family Estates

嚟Pinhão梗係為咗酒莊啦 唔通特登搭幾粒鐘火車去跳河咩？ Symington家族嘅Quinta do Bomfim 導賞員先講解吓呢度嘅歷史 先參觀而家冇嘢睇嘅提子山（農園） 然後就到踩提子嘅工場 人腳踩呀！不過夏天先有得玩呀～ 應該好好玩咁… 再去到聞到都醉醉地嘅存酒庫 啲酒發酵中，陣味真係夠晒撲鼻 比起之前响Gaia去過嘅TAYLOR’S光猛好多 最後梗係最最最重要目的：TASTING!!!（ROAR） 靚少少嘅有Graham’s Tasting Graham’s Six Grapes：複合嘅ruby port Graham’s 20 Years Old Tawny：

2018 年 4 月 23 日
portugal8c

[抱抱葡萄牙] Day8：Veladouro

開餐喇～～～ 餐前小食有新鮮嘅橄欖同麵包 喂呀啲欖香到震食唔停口呀 Quinta do Vale D. Dona Maria ‘Rufo’ 响Rio Douro真係釀酒區 唔會唔飲呢度嘅紅酒囉好冇？！ 燒牛仔肉個外圍好香 啲肉超～ 嫩～ 滑～ 又唔會有好多脂肪唔會羶 簡單調味已經好突顯個牛味 焗薯角連埋皮 仲吸埋牛仔肉嘅香氣 好似伴碟咁樣嘅綠葉 係蘿蔔苗嚟㗎！ 葉腍梗爽脆，味道好獨特 焗馬介休，飄住誘人嘅香氣

2018 年 4 月 20 日
portugal8b

[抱抱葡萄牙] Day8：Rio Douro Boat Tour

食飯前去食吓超清新嘅風先！ 上船兜個圈食吓風～ 响船度遇到嚟呢度遊覽嘅當地人 好好客呀佢哋 分咗啲佢哋自己釀嘅白酒俾我哋一齊飲 cheers～～～！ 吖～ 提子田呀（心心眼） CROFT酒莊 係大型嘅酒廠之一 遊到呢條橋就調頭 條河好靜，吹埋嚟啲風好舒服 仲有一望無際嘅提子山 好山好水好提子 河嘅左右都有酒莊 藍天白雲青山綠水提子酒莊 真係完美嘅風景 哎吔哎吔，就落船要返上岸喇 雖然係有啲唔捨得離開隻船但係更更更想去食嘢（哈） ----------------------------------------------- 延伸閱讀： Day1：Hello Lisbon Day2：Lisboa → Porto

2018 年 4 月 19 日
portugal8a

[抱抱葡萄牙] Day8：Pinhão

睡眼惺忪嘅樣上火車 食埋擒晚打包嘅ham & cheese做早餐 經過幾粒鐘後 終於嚟到Pinhão喇（撒花） 面對住條靜到爆嘅Rio Douro （佢就係今日嚟呢度嘅目的一） 同埋一座座種提子嘅山 （即係嚟呢度最主要嘅目的！） 吸啖空氣都真係清新過人 所以好大好大力咁一直深呼吸 不過食空氣係唔會飽嘅 但係呢啲一隻二隻自由自在嘅又唔食得喎 因為附近啲餐廳仲未開門呀 咁好啦，先遊覽吓呢度再講… ----------------------------------------------- 延伸閱讀： Day1：Hello Lisbon Day2：Lisboa → Porto Day3：Porto ↔ Vila Nova de Gaia

2018 年 4 月 18 日
portugal7j

[抱抱葡萄牙] Day7：All in Porto

食完雪糕唞咗陣都仲係唔肚餓 但係已經到埋宵夜時間喇 又唔可以唔食啲嘢㗎嘛 諗住食少少嘢送吓酒咋喎個芝士火腿盤唔駛咁大碟呀化？！ （…最後食唔晒要打包做聽朝嘅早餐） 不過盤嘢真係好乞人憎㗎 款式多仲要好鬼好食 兜welcome包起新鮮熱辣辣 香到痺，又係冇唔好食嘅道理 今晚飲紅酒～ 對住燭光慢慢吹下水先再行返去瞓 聽朝又要早起遠征喇 解決到早餐問題就唔駛晨七咁早去撲食喇！ ----------------------------------------------- 延伸閱讀： Day1：Hello Lisbon Day2：Lisboa → Porto Day3：Porto ↔ Vila Nova de Gaia

2018 年 4 月 17 日