satisfaction - 搭條鐵

All Posts

[食道鉄道北海道] Day4：網走 → 旭川（遠軽駅）

鉄道遊繼續進行中石北本線：網走 → 旭川呢程車4粒鐘有找唔算好長啦～中途經過遠軽駅係一個北海道罕見嘅折返式站（Switchback）嚟到呢個站大家都起身開始要自己調凳喇（轉轉轉）因為今朝都真係食得幾飽吓咁就冇買駅弁而中途嘅小食時間就食帯広柳月入手嘅十勝大納言同COCOこの実出面啲景都係有連綿不斷嘅山同埋偶爾見到嘅田園景特急大雪、183系落車 @旭川駅今日嘅車特急大雪係屬於苗穂運転所嘅183系気動車只行走旭川～網走所以今日又係搭晒頭至尾站（嘻） ----------------------------------------------- 延伸閱讀：食道鉄道北海道（8D7N） Day1：新千歳空港 → 帯広

2020 年 10 月 14 日

[食道鉄道北海道] Day4：急急趕白趕一趟 @網走駅

食好晒嘢然後哎吔哎吔有啲趕咁行返去酒店拎行李有啲急急腳咁拖行李去車站點知班火車會遲… 仲要係遲半粒鐘呀少少白趕嘅感覺（汗）入閘前都有快快眼望過吓張JR北海道「北の大地の入場券」係冬天白雪雪嘅行駛中列車同個車站咁當然仲有幾急都要揼嘅車站印仔都係冬天嘅海上流冰啦畢竟呢度嘅旺季就係上破冰船睇流冰啊～ ----------------------------------------------- 延伸閱讀：食道鉄道北海道（8D7N） Day1：新千歳空港 → 帯広 Day2：帯広 → 釧路 Day3：釧路 → 塘路 → 網走 Day4：網走 → 旭川

2020 年 10 月 13 日

[食道鉄道北海道] Day3：網走到着 @網走駅

成條釧網本線用咗40分鐘搭くしろ湿原ノロッコ号由釧路到塘路… 再用3粒鐘由塘路終於嚟到今日嘅「終着」：網走係石北本線同釧網本線嘅銜接車站即係石北本線嘅終點站同時係釧網本線嘅起點站採用2面3線嘅複合月台同時設有側式同島式月台所有月台都可以令雙方向嘅列車停靠同開車（而特急列車同雙線直通列車會使用車站大樓嘅1號月台）網走駅個站門口嘅紅磚設計係同網走刑務所（網走監獄）一樣㗎哈哈 …然後又到咗拖行李去酒店嘅時候喇 ----------------------------------------------- 延伸閱讀：食道鉄道北海道（8D7N） Day1：新千歳空港 → 帯広 Day2：帯広 → 釧路 Day3：釧路 → 塘路 → 網走

2020 年 10 月 9 日

[食道鉄道北海道] Day3：釧網本線

話說今日係完成一！整！條！釧網本線くしろ湿原ノロッコ号：釧路 → 塘路釧路駅、東釧路駅、遠矢駅、釧路湿原駅、細岡駅、塘路駅區間列車、523系：塘路 → 網走塘路駅、茅沼駅、標茶駅、磯分内駅、摩周駅、美留和駅、川湯温泉駅、緑駅、札弦駅以上都係濕地公園為主（釧路湿原国立公園 & 阿寒摩周国立公園）而以下嘅線路就係另一系列風景：清里町駅、南斜里駅、中斜里駅、知床斜里駅、止別駅、浜小清水駅、（臨）原生花園駅、北浜駅、藻琴駅、鱒浦駅、桂台駅、網走駅札弦駅後下一站係清里町駅車嘅右側就係點都ignore唔到嘅斜里岳座山係北海道知床半島嘅火山標高1547米，係日本百名山之一斜里岳カラマツ防風林然而可以將斜里岳同落葉松防風林一次過睇晒，好滿足！

2020 年 10 月 9 日

[食道鉄道北海道] Day3：いわしのほっかぶり寿司

下午茶係釧路駅弁引田屋いわしのほっかぶり寿司即係响釧路早早買定驚死冇嗰盒酸醋魚肉壽司上面仲有片薄透光嘅爽口蘿蔔魚肉彈牙蘿蔔又勁脆口啪晒成盒都好輕鬆（明明今朝已經食咗三大餐加小食同布甸的說）真係早啲買定拎住幾粒鐘都無計啦無敵好食呀佢冇得食絕對係遺憾，OK？ ----------------------------------------------- 延伸閱讀：食道鉄道北海道（8D7N） Day1：新千歳空港 → 帯広 Day2：帯広 → 釧路 Day3：釧路 → 塘路 → 網走 Day4：網走 → 旭川

2020 年 10 月 9 日

[食道鉄道北海道] Day3：塘路 → 網走

鉄道遊又繼續進行中塘路 → 網走（普通列車，523系）釧網本線係冇特急車同指定席車廂一節嘅列車同埋幾粒鐘先有一班所以都幾多人坐差啲位都冇得坐仲要有個喼今日好好陽光曬曬咁車廂又只係得頭頂轉轉轉老爺風扇好～熱～呀～～～塘路湖小湖沼群搭呢條線最好睇嘅係風景就嚟告別くしろ湿原嘅範圍喇相比くしろ湿原ノロッコ号係隔住塊玻璃不過出面嘅wallpaper景都仲係非常吸引而相比景致，最過癮呢我首選係啲車站好似呢個南弟子屈駅咁比頭先個無人駅塘路更冇人就梗㗎喇個站嘅車站站房仲只係用一節守車改造就算好得意呢～

2020 年 10 月 9 日

[食道鉄道北海道] Day3：塘路（塘路駅、くしろ湿原ノロッコ号）

好爽咁搭完程くしろ湿原ノロッコ号落車睇吓呢度有咩玩先… 呢個係無人駅，即係基本上冇職員駐守嘅塘路駅個站同頭先經過嘅細岡駅一樣係木屋型然後反正架くしろ湿原ノロッコ号未駛走又，呢個站係全露天把握時間影吓先冇咗月台大樑柱不過都仲有條小小電線桿都算唔太影響到睇得晒成個車頭啦！長～長～嘅火車頭感覺上長過Thomas OK，呢個係車尾即係一陣間回程車嘅車頭但係今日係唔會走回頭路啦～差唔多要同架車say byebye 因為架車要走lu…（揮手）好啦，咁趁仲有少少時間上返塘路個小型展望台再睇吓個濕地（話說以一般人嚟講嚟呢度係為咗睇釧路湿原啊！）

2020 年 10 月 8 日

[食道鉄道北海道] Day3：釧路湿原

嫌天水圍太遠未去過濕滯公園嘅我竟然係先去釧路湿原睇濕地生態（其實只係經過啫唔係親身接觸啦…）釧路湿原駅正所謂搭飛機再轉火車都仲近過去天水圍可想而知天水圍真係一個好遠好隔涉嘅地方（誤）釧路湿原国立公園面積有28,788公頃係日本最大嘅濕原細岡駅木屋型嘅車站呢個站落車嘅話就有個細岡展望台可以睇到彎彎曲曲嘅釧路川天氣好 + 風景靚隨手都影到wallpaper樣嘅相成程車嘅萬綠叢中一點紅今日平日，冇人响川上爬獨木舟呢唔見啲咩特別嘅動物呀冇鶴冇鹿冇熊呀只有一片綠同河川但只係啲風景已經夠靚啦～～～ ----------------------------------------------- 延伸閱讀：食道鉄道北海道（8D7N） Day1：新千歳空港 → 帯広

2020 年 10 月 8 日

[食道鉄道北海道] Day3：釧路 → 塘路

くしろ湿原ノロッコ号，出發～好好天 @釧路川冇玻璃阻隔架車又慢慢開仲要天氣咁靚好易影到滿意嘅相話咁快就經過東釧路岩保木地區嘅岩保木水門坐左邊嘅重要性：呢個係右邊絕大時間嘅風景嚟釧路湿原呢好好彩加上啱時候先睇到丹頂鶴今鑊係冇可能見到嘅不過車廂裡面嘅服務生見到我呢個外國人就好親切咁傾幾句同埋送我呢隻拉條尾就會拍翼嘅丹頂鶴おりがみ唔係一般嘅摺紙鶴啊佢係拉尾會自己拍翼嗰種幾好玩㗎～ ----------------------------------------------- 延伸閱讀：食道鉄道北海道（8D7N） Day1：新千歳空港 → 帯広 Day2：帯広 → 釧路

2020 年 10 月 8 日

[食道鉄道北海道] Day3：くしろ湿原ノロッコ号プリン

飽還飽，甜品胃依然正常運作くしろ湿原ノロッコ号プリン列車限定販賣嘅牛奶布甸上車冇買紀念車費啫不過要買嘢又點會難到我（！）係當地法式餐廳推出嘅牛奶布甸牛奶味濃郁冇氣泡超嫩滑開車前食住等就啱啱好～ ----------------------------------------------- 延伸閱讀：食道鉄道北海道（8D7N） Day1：新千歳空港 → 帯広 Day2：帯広 → 釧路 Day3：釧路 → 塘路 → 網走 Day4：網走 → 旭川 Day5：旭川 → 稚內

2020 年 10 月 7 日

[食道鉄道北海道] Day3：くしろ湿原ノロッコ号

鉄道遊繼續進行中搭呢個旅程中最特別嘅車車廂嘅指定席車廂3架自由席車廂1架而指定席券要响JR北海道車站售票處先有得買（即係無得上網book啊）晨早劃好飛嘅我就當然係坐指定席くしろ湿原ノロッコ号、510系隻車特別慢、冇玻璃窗、期間限定、有講解員同服務生架機関車嘅車頭係DE10，好～長～路線係釧路 → 塘路好森林系嘅木木木造內籠一定一定要book定位因為我要坐左！手！邊！你便先有得睇清楚風景㗎～地下有貼住熊掌腳印仲有蝦夷鹿腳印仔車上面都有紀念車飛賣「一如以往」冇買都係揼印仔嚟紀念就夠，哈！ ----------------------------------------------- 延伸閱讀：食道鉄道北海道（8D7N） Day1：新千歳空港 → 帯広

2020 年 10 月 7 日

[食道鉄道北海道] Day3：釧路月台

吖～食到肚撐撐又係時候返酒店拖行李走喇釧路駅嘅JR北海道「北の大地の入場券」係釧路市加行駛中嘅くしろ湿原ノロッコ号我都係會「選擇」揼返個車站印仔做紀念不過個印台冇乜墨都見到釧路川同丹頂鶴嘅上到月台行去站頭敲吓個釧路駅湿原の鐘唔知點解要敲㗎可能就係叮叮叮咁話畀人聽我而家就出發去釧路湿原啩個鐘聲幾好聽，仲好響㖭！仲有舊太平洋炭礦の海底炭呢家525係繼續向東行去根室根室嘅前一個站東根室就係日本最東端嘅車站可惜佢係架慢慢慢區間車今個旅程無咁多時間去到喇唯有上一上車帶我條腳毛去啦～～～キハ54形507番台冬天就會成為「流氷物語号」而家車身都仲會有「流冰」同「流冰天使」嘅圖 ----------------------------------------------- 延伸閱讀：食道鉄道北海道（8D7N） Day1：新千歳空港 → 帯広

2020 年 10 月 7 日