All Posts
呢間嘢啲預先包裝嘢都係日本直送嘅
咁啱行過見到有芝士味夾心bouchée
有三款喎點算好？買晒嚟試囉～
三款bouchée嘅殼都係一樣
微微鬆軟甜甜哋外皮脆身餅位半乾身
而分別就在於個餡
橙色字係チェダー&エダム
即係Cheddar同Edam呢兩隻芝士嘅組合
cheese cream裡面有啲粒粒芝士
香嘅，不過兩種cheese平日都有食開
感覺個味就普通咗少少喇…
啡色字係カマンベール&くるみ
即係Camembert同合桃
Camembert個味飄飄香咁都幾出呀
再加埋細細粒脆身碎合桃
吖！幾好味喎呢隻～
藍色字係ゴルゴンゾーラ&はちみつ
即係Gorgonzola加蜜糖
Gorgonzola係發酵到中間有藍綠紋嘅芝士
比Camambert個味再濃多少少
但係又唔會有種太濃烈嘅味道
因為佢有蜜糖中和咗
留低嘅只有香味
佢哋嘅cheese cream份量唔算好多
平民版嘅白痴戀人
而且比佢更加多款味
見到季節限定嘛
咪試吓呢隻北海道芝士味囉
呃！曲奇本身甜咗少少
就咁食個餡係有芝士味嘅
少有地個餅仲甜過餡
不過個餅幾脆身都OK啦
四小盒一盒三塊
以個甜度嚟講
每次一小盒就已經啱啱好～
天氣一唔凍就熱得好快
又要响冰格到拎啲消暑嘢嚟降降溫
（喔！個面起咗霜有排解凍…）
雖然叫brûlée
不過個面唔係好似creme brûlée咁
有層焦糖脆皮
濃厚cream令舊甜品軟滑
芝士係cream cheese
味道係有嘅但唔算極級濃郁
甜度OK，夠甜亦唔會太甜
最緊要夠涼浸浸
凍凍地食落喉嚨涼快順滑
個天氣冇咁熱會再好啲囉～～～
紅酒配芝士係一個平常不過嘅組合
但係加埋落韌身嘅糖又會有咩效果呢？
就係甜嘅提子糖
食落有啲爆珠粒粒咁
再加少少芝士味响中間
個味唔怪嘅，好似食普通提子味嘅ぷっちょ咁囉
反正個芝士味唔係好細心食就根本食唔出…
基本上大部份嘢食要啱時候先好食
講嘅唔止係季節食材
仲有係出爐時間解凍後軟化嗰陣
但係當然總有啲係例外嘅…
好似BAKE呢個cheese tart咁
啱啱出爐撻皮又脆又熱牛油味好香
裡面啲芝士餡面層薄如蟬翼
咬開就係溶化流心芝士漿
聞到亦食得到嘅芝士香
真係大大滿足～
然而好漏㗎嘛未必一次過食得晒
放入雪櫃啦！佢凍咗又有另一種風味
個皮嘅牛油味依然封存
凍咗都唔會硬，唔錯
芝士餡同熱嗰陣嘅流心唔同
變得軟滑嘅質地
個芝士味依然爆香
唔會因為唔熱而冇咁香
雖然熱食真係會飄香咁啦啦啦
好出色嘅cheese tart
但係唔值得排長龍去買嘅
不過香港人係鐘意排
排排吓就唔排㗎啦
意式小食時間進行中
細細粒圓餅形芝士粒
輕飄飄咁一粒呀幾粒呀一次啪入口
純乾燥芝士，食得多就梗係鹹㗎喇
配紅酒就啱啱好，啤酒都OK呀
唔同顏色唔同比例嘅芝士mix
仲有隻藍色不過佢只係加香草
唔係純芝士咁就唔買嚟試喇
味道唔錯唔錯，值得推薦～
醬油仙貝卷裡面係十勝產camembert餡
完全外脆內軟香濃鹹甜一次過大滿足
好邪惡好邪惡真係好__邪惡
（一路嗌邪惡一邊食到見袋底）
但毫無罪惡感，唔食先係對自己唔住囉～～～
熱熱熱熱熱，要降降溫消消暑啊
cream cheese皮配cheese x 藍莓醬雪糕
cheese味，聞到亦食得出
加上偏甜藍莓醬味，整體又滑同少少甜
不過最重要：雪條係凍！
真係好Q熱呢～～～～～ ><
點稱呼佢好呢？
個樣似饅頭，食落係鬆軟蛋糕
裡面仲有韌韌哋嘅內層餡
味道同真正new york cheesecake唔大分別（！）
又甜又cheese咁
日本食物但印晒美國圖案
總之就係溝埋一齊
不過毫無遺和感嘅甜品一舊啦～
我鍾意食popcorn又鍾意食cheese
當然要「溝埋做瀨尿牛丸チーズpopcorn呀笨」啦～
兩種唔同爆發嘅popcorn係呢隻產品嘅特色
所以可以同時食落有鬆同脆兩種感覺
cheese味頗香，鹹中帶微微甜味
算OK，不過都係原味最好食囉！
為慶祝HIM HIM HIM子萬歲萬歲八十歲生日快樂
而且這度就貢2歲blog仔
當然是食啦食啦食啦哈哈哈～
豆腐 x rare cheese
木紋的紙皮箱，印有甚麼甚麼北海道產字樣
開箱後就是一盒百福豆腐的包裝
樣子似放在冰格雪到一塊塊凍豆腐
出街就沒有任何工具
就用較女漢子的食用方法 XD
軍・刀・剖・開・直・接・食！
中間是cheese cream層
前後左右被豆腐層包圍
冰凍冰凍的一咬即碎
豆腐冰同芝士冰帶有淡淡味道
冰雪散落在口中然後待它慢慢融化
在這種所謂入秋卻絲毫秋意也沒有的天氣
透～ 心～ 涼～ 啊！
最高！最高！最高！（歡呼～）
醬油米餅 x cheese cream x 杏仁！
又香又脆味道非常濃郁
太好吃了就算是每塊獨立包裝的
也不厭其煩開完又開又開又開又在開
完全是欲罷不能超超超好吃，yeah yeah yeah～
