All Posts
每次經過舖頭揭兩吓menu之後都轉身走
終於都响七仔買到件嚟試…
軟滑又帶少少啫喱嘅韌性
個cream cheese味都幾香
然而sour cream個味再濃啲
甜度還好，至少冇想像中嘅美國嘢咁死甜
餅底食落勁麥維他味
加返湧出嚟嘅肉桂香氣
可惜係話晒叫擺响便利店賣唔係即賣版
個餅底有啲濕微微起一舊舊咁
完成度始終唔及新鮮即場嘅
不過七仔版平舖頭版一大截嘛
好啦今次就慳少少食渣啲啦…
芝士 x 麻糬 x 雪糕嘅組合
呢杯下午茶會唔會太美好呢？
呢個樣係ShinYoung Kim設計嘅
揭開色彩繽紛嘅杯蓋
撕埋張膠紙就已經聞到陣陣芝士味
一貫厚實嘅雪糕底
芝士味淡淡哋少少甜咁都唔錯
底下啲係一細粒一細粒嘅mochi
夠韌性得嚟微微硬身
不過成杯嘢嘅敗筆都係出喺呢啲魔池度
實在太甜喇！係甜到之後食唔返啲芝士味
成杯嘢得返個甜字然後就沒有然後了…
冇好結尾㖭… 唉… …
悶熱嘅天氣… 都真係要爽一吓呀…
抹茶tiramisu味
即係平時去日本餐廳嗰啲tiramisu
個咖啡轉咗抹茶嘅甜品
一般係木仔盒夾心上下層裝住
（封面嘅右下角個樣）
而呢個就四格格仔綠白白綠
爽得嚟軟滑好似食緊雪咁
但係又唔會太清似齋食緊冰咁
抹茶個味都嘅濃
亦唔會太甜
至於個mascarpone味嘛…
唔特登睇返個盒蓋都唔知原來係芝士味
（加上認知嘅tiramisu係必含芝士啦）
以為係香甜牛奶呀煉奶嗰啲味咋
我明白mascarpone係啲淡味芝士
然而唔會冇味到呢個程度嘅…
就咁當抹茶牛奶雪糕咁食係幾爽嘅（笑）
好一條長長波浪形薯片
冇用錯量詞㗎！
咁佢真係長方形㗎嘛
鹹鹹嘅芝士粉配微酸嘅洋蔥粉
薯片薄而脆不過個薯味唔算好出
長同波浪嘅造型食得幾過癮
唔駛咬兩啖又要伸手入袋
慢慢咬慢慢嘆~~~
韓國有數唔出幾多款嘅蜜糖味零食
芝士拉絲又差唔多响咩現代餐飲都現身
係呀，加埋做瀨尿牛丸喇～
個樣好似fusilli咁
但係佢唔係麥做係薯仔嚟嘅
味道嘛… 零食呢家嘢就梗係咩味粉多落得足㗎啦
有芝士味有蜜糖味又有薯仔味
即係有香味又鹹又甜咁
唔會話佢好好食
咁又唔算難食
不過唔會再買嚟食咁囉…
本身唔太好呢種棉花糖夾心朱古力蛋糕
不過見到芝士味咪買吓囉…
話係用cheddar cheese powder喎
有嘅，有cheddar味嘅
係鹹cheddar嗰種
極其量可以話佢令到成舊嘢唔會死甜
但係唔代表件嘢好食
朱古力都係太甜芝士味蛋糕層太乾
加埋棉花糖食落又鹹又甜唔多match
嘗鮮就算，唔係回頭貨色。
平日食開啲百力滋都係餅乾條
而薯片就一塊塊咁
呢隻薯仔百力滋
充滿濃郁嘅薯仔味
同普通百力滋一樣咁硬脆
表面有鹹香芝士味
裡面仲有甜美嘅蜜糖味
吖～ 又唔錯喎…
裡面有滿滿嘅餡
外面好似盒咁樣嘅薄脆餅皮
咁先叫做最中㗎嘛…
係嘅，佢係有唔算淡味嘅Mascarpone
又有朱古力嘅甜味
但係個最中皮真係好腍又韌咁
同食monaka無咩分別
唯一用處係唔駛用手揸雪糕會溶响手咁囉
嗱，個雪糕係OK嘅
只係如果佢係最中嘅話就唔合格… 囉… …
上個禮拜食咗個一啲都唔芝士嘅芝士蛋糕
就完全激發起搵返件好食啲嘅意欲
去誠品扮文青就免喇
食件蛋糕飲杯咖啡hea吓啦
呢件係烘焙茶芝士蛋糕
茶味都幾濃，不過啲芝士都冇太比下去
（而且唔甜，令個茶同芝士味好出）
漿口嘅感覺真係唔錯
餅底有少少散但亦算可接受範圍
配杯仔macchiato
濃郁嘅苦味中微微偏酸
咖啡 x 茶 x 芝士嘅組合幾好
杯腰果奶唔係我嘅
（所以有支飲管）
味道係冇牛奶咁濃㗎喇
仲有微微沙沙嘅感覺
OK嘅…
一向都追求平靚正
但係唔係次次都成功…
係嘅，我知係衰响買超級市場牌子呢度！
對於以港幣三十蚊
買一個可以分到六件嘅芝士蛋糕嚟講
唔應該要有咩哇哇哇好好食嘅要求
不過咁喎，佢明明寫有34%芝士同17%牛奶
咁預佢有濃啲嘅芝士味都好正常啫係嘛先？
嗱！冇呀！乜 (芝)士味都冇！
個「偽」芝士蛋糕層入口係creamy嘅
最濃係個消化餅底
真係好麥維他嗰種味囉
同埋佢唔甜嘅
當食個凍凍地嘅cream cake係OK嘅
唉～ 是但啦… 冇下次！
食芝士波呢家嘢真係會停唔到口㗎！
包嘢响姨媽傢俬度買
大大一包齋望都覺得滿足
芝士味唔假而且算濃味
嗱，食芝士波梗係唔會就咁一粒一粒咁食啦
不過一堆咁啪嘅話就黏口咗啲
唔錯食吖都，黏口嘅話飲啲嘢就解決到
但係濃味芝士嘢唔係好多做得好㗎～
芝士啦雪糕啦仲要係期間限定喎
對眼仲唔發光咩？
濃密但係輕身係咩玩法？
打開個樣同包裝個樣冇咩大分別
過得到商品說明條例
上面啲粒粒碎係幾輕身喎
唔係實的的硬掘掘餅乾
然後下面再有兩層
兩層係分別唔同芝士為主嘅雪糕
一層係cream cheese
一層係camembert
不過一食就係三層咁食
堅講，分唔出個味
cream cheese味太搶
明明camembert香濃啲㗎嘛
可能係份量太少啦啩…
但any肥啦，而一個夠凍嘅芝士甜品嚟講
佢係算幾好食嘅！
