All Posts

powcook

Pow Cook 爆谷 - 冬陰功爆谷 & 麻辣芝士爆谷

鍾意食新鮮爆谷 而預先包裝嚟講臺灣嘅星球工坊都唔錯 冬陰功爆谷 | 麻辣芝士爆谷 不過香港貨都有正嘢呀 @Pow Cook 爆谷 樣衰衰嘅畫作幾搞笑 裡面啲嘢都唔係求求其 兩隻味都係好濃郁嘅味道 （照字面寫住嘅咩就完全係呢個味） 細包就細包啲，費事食過量啊！ 因為真係會停唔到口㗎

2020 年 11 月 11 日
hokkaido1b

[食道鉄道北海道] Day1：Kinotoya - 極上牛乳ソフト & 焼きたてチーズタルトブルーベリー

買完pass劃好位 襯响空港仲有時間剩就食啲小食 長期有人排所以我又排吓嘅Kinotoya 先要快快口食又厚又濃仲幾快溶嘅極上牛乳ソフト 再啪嗰空港限定嘅焼きたてチーズタルトブルーベリー 含藍莓醬嘅cheese tart tart樣靚過香港Bake嗰個 味道兩者都係芝味濃郁 牛油皮，呢個因為新鮮啲就再香啲 加埋呢件有藍莓醬，咁就冇原味咁膩 唔錯唔錯～ ----------------------------------------------- 延伸閱讀：食道鉄道北海道（8D7N） Day1：新千歳空港 → 帯広 Day2：帯広 → 釧路 Day3：釧路 → 塘路 → 網走

2020 年 9 月 24 日
kanagawa2r

[神奈川衝撞旅] Day2：SEVEN & i クリームチーズ マカロンアイス | LOTTE ロッテ 雪見だいふく 涼み抹茶

返到酒店又係雪糕時間 SEVEN & i PREMIUM CREAM CHEESE MACARON ICE クリームチーズ マカロンアイス 有少少芝士味嘅，不過個macaron太太太甜喇 LOTTE ロッテ 雪見だいふく 涼み抹茶 好彩仲有呢隻內含啫喱嘅綠茶雪糕大福清返吓喉嚨啦 ----------------------------------------------- 延伸閱讀：神奈川衝撞旅（3D3N） Day1：三浦半島 → 川崎 Day2：川崎 → 横浜

2020 年 7 月 14 日
shikoku1b

[食の四国ツアー] Day1：井村屋 やわもちアイス kiri クリームチーズ

因為晚餐飽得滯 所以個甜品宵夜要夜啲先响便利店先食 井村屋 やわもちアイス kiri クリームチーズ 係好喜歡井村屋嘅やわもち系列 仲見到係kiri芝士，買嚟食啦唔使諗 呢隻拎GOOD DESIGN獎嘅雪糕 因為個もち雪咁耐都仲夠煙韌 雪糕奶味濃郁又軟滑 起沙紅豆蓉唔會過份甜 e？同之前有咩分別呀咁？ 當然係中間面頭黃黃地pat芝士cream啦 淡淡甜甜加微微鹹嘅cream cheese味 唔突兀又帶少少香令成兜雪糕嘅層次更豐富 又估唔到芝士 x 紅豆 x 湯丸 x 牛奶雪糕都幾夾㗎喎

2020 年 3 月 30 日
torokeru

味源 とろけるチーズおかき

平時食cheese ball無論啲芝士會有幾美味 都會因為個base係粟米做所以頗黐牙 嗱～ 呢包就完美地解決問題 100%もち米製，脆卜卜輕飄飄又硬身 喪啪都唔會黐牙黏黏吓 芝士味又夠濃郁，好好味 超級讚！

2019 年 10 月 22 日
sundaycheezzzball

선데이치즈볼 Sunday Cheezzzball

對於隻Ryan係零熱愛 買呢兩包完全係因為裡面啲嘢 兩隻都係芝士波 分別在於藍色係原味紅色係辣味 藍色嘅入口就已經覺得好甜 食多陣先有鹹味 食好多之後終於有芝士味 紅色嗰隻入口先係甜味 隨之以嚟係有辣味 個辣味唔係辣到嗌呀媽嗰種 不過就冚晒咩鹹味咁 芝士味… 完全食唔出嘅 唔計芝士味嘅話 紅色係好食過藍色 至少紅色送酒會唔錯 要計埋初心芝士味 咁就兩包都NG喇~

2019 年 8 月 6 日
ohonachocheeseballs

oho! Nacho Cheese Balls

芝士波同墨西哥粟米片都係鍾意食嘅嘢… 咁何不「瀨尿牛丸」吓呢？ 有芝士味有粟米味又有香料味 又係嗰啲唔覺唔覺就塞塞塞入口咁 味道濃郁層次俾齋芝士版豐富啲 都係啦！有少少漿口 不過之後會飲嘢過一過水就OK 吹吓海風睇吓景先~

2019 年 7 月 23 日
lottepeperonudecheese

LOTTE Pepero 빼빼로 Nude Cheese 누드치즈

呢隻唔好食，Don’t BUY！ 唔香脆嘅焗餅乾條 裡面有完全唔出味嘅芝士餡 食完都唔知食咗啲咩落肚 係絕對嘥肚容量quota、時間同錢嘅行徑，就咁！

2019 年 7 月 9 日
kitkatstrawberry

Nestle KitKat Strawberry Tiramisu

呢隻韓版KitKat有同Etude House crossover眼影 對嗰盒platter冇興趣 咪睇吓同期出嘅堅KitKat囉… 一打開包裝就聞到strawberry jam同甜芝士味 陣陣爆甜嘅味道聞得出都食得到 個士多啤梨果jam味好出 跟住係芝士飄飄吓咁 當然唔少得KitKat中間層威化 嗱！我係好強調係strawberry jam而唔係純士多啤梨味 因為真係好很好很好很甜 雖知道食KitKat就預咗甜㗎啦 但係真係甜到嘔嘛食半條都夠患糖尿嗰種 不過甜還甜，隻士多啤梨味唔假唔化學 算係咁啦好過隻芝士味話散就散不帶走一片雲彩… 可惜真係甜到伏喇，冇可能再回購（揮手）

2019 年 6 月 11 日
pablocreaminsnack

おやつカンパニー × パブロ - Cream in Snack

零食牌子おやつカンパニー同Cheese tart店PABLO嘅“賴尿牛丸” 當然係PABLO嘅芝士撻味 外面係好似早餐粒粒咁包住裡面cream餡咁 聞起嚟係有芝士味嘅 第一啖擺入口都有少少呢種味 不過咬多啖就已經得返甜味 同一路落去好甜嘅味 就係唔好味囉！ 就算有幾鍾意PABLO都千！祈！唔好買！ 伏到癲！！！（妖）

2019 年 6 月 4 日
kettlecheddar

Kettle Brand - Potato Chips New York Cheddar Cheese

其實係想試honey dijon味 不過有人買錯咗… 是但啦，反正個味都幾好 芝士嘅味都算濃郁唔假 薯片係硬脆嗰款食落會好飽到 因為真係會飽所以完美地控制食量，哈！

2019 年 5 月 28 日
housecorn

House（ハウス）- とんがリ クリームーチーズ味

粟米筒呢樣嘢 間唔時就會想買嚟食 不過個頻率大概係一兩年一次咁上下… 咁見今年出cream cheese味咪買囉 粟米筒依然足粟米味又香又脆 個芝士味一開袋就聞到 食都食得出（調味粉威力強大） 自私食食咗三分二就夠晒皮 but最後慢慢慢慢食又會清咗袋喎… 唔錯嘅不過下次一人隊都係買細袋裝好啲（嘻）

2019 年 5 月 14 日