All Posts

superfruitdurian

[生活原味] Super Fruit - 勞物高山猫山皇

嚟自馬來西亞嘅「寶石」呢～ 响Super Fruit訂，畀咗個King Size我 （間嘢仲有好多揀手貨～） 要自己開不過好易開㗎啦！ 拎返屋企嗰陣係搭公共交通工具 其實綁好個袋㗎喇但係都有陣陣味飄出嚟啦 XDDD 勁靚深黃嘅色澤呢～ 味道濃郁又香甜中仲帶微微苦味 果然係極品啊！ 開榴槤開極都仲有，好開心（嘻嘻） 唯一不滿係張包裝紙囉… ==

2020 年 8 月 18 日
ginomiso

[生活調味] ギノー 伊予のみそ

懷舊味道嘅伊予味噌 ギノー 伊予のみそ 唔同平日得返豆蓉咁嘅麵豉 呢隻係見到一條條一粒粒响度 因為係用大麥粒釀造 比一般嘅冇咁鹹（8.5% vs 12.4%） 麹（こうじ）量亦比較多 麹：大豆 ～ 20：1 vs 1：2 用途都係好多點整都好食（心） ----------------------------------------------- 延伸閱讀：食の四国ツアー (8D7N) Day1：香川（高松） Day2：香川（高松、丸亀、琴平） Day3：香川（高松）↔ 徳島（鳴門、徳島） Day4：香川（高松）→ 愛媛（松山）

2020 年 5 月 28 日
bonnemamanmarron

[生活調味] Bonne Maman - Marron Cream

冇食早餐嘅習慣 基本上唔鍾意食麵包 對jam呢啲甜椰椰嘅嘢 就更加冇咩情意結 咁點解… 點解要買罌jam返嚟呀？ 唔知呀可能因為秋天就要食栗子啩… （雖然鬼死咁熱一啲秋意都冇） 相比起jam或者樽嘢自稱嘅cream 個質地似啫喱多啲 唔係平時整甜品嗰啲牙膏裝栗子蓉咁軟滑 不過用嚟搽麵包呀多士咁都OK嘅 甜咗啲囉，但係呢啲防腐嘢係甜㗎啦 都算有啲栗子香味嘅（唔係好濃郁） 輕微解吓舖栗子癮咁囉…

2017 年 10 月 19 日
daikon

[生活原味] 大根！大根！大根！！！

唔覺唔覺就買好多大根補一補我嗰兩碌大根 XDD （♫ Mister蘿蔔蘿蔔） 冬季限定 べったら漬 話說，我好鍾意甘酒 而呢碌係べったら漬即係「大根の麹漬」 唔買係會後悔 加上寫埋係限定貨仔 無買應該會跳橋跳軌跳飛機 只係擔心呢碌嘢要放入雪櫃驚運送途中變壞 好彩，無事平平安安拎返屋企 開嚟食之後發現我嘅決定係絕對無錯 清新又甜甜哋嘅麹 醃落去條蘿蔔度變得外少少腍；裡面脆口依然 麹嘅甜 x 蘿蔔嘅甜襯起好食到暈低（扶一扶我唔該） 上沖産業 ほんもの手づくり 宮崎嘅手作仔蘿蔔 呢隻就鹹鹹地嘅 成條都係爽身都唔錯嘅 すっぱい宮崎発酵だいこん

2017 年 7 月 20 日
sakurahijiki

[生活原味] 桜島産ひじき

有海嘅地方就有海帶呀昆布呀紫菜呀嗰啲海藻㗎啦 桜島嘅ひじき（鹿尾菜） 細細條細細條咁 天然日曬乾乾燥咁一包仔帶返屋企 浸唔浸都得勁易煮開 唔做前菜類可以放湯甚至掉落飯一齊煲 爽滑濃郁嘅海藻味 味道好營養價值又高 呵呵真係好～（拇指） -———————————————- 延伸閱讀：Happy Days！鹿児島宮崎！ (10D9N)

2017 年 7 月 18 日
miyazakichill

[生活調味] わちどんがやさい村 － たうがらし

個顏色好靚，紅卜卜咁 聞起嚟個味都好攻鼻 仲有少少醃眼 不過食落唔辣嘅 本身唔點食得辣都覺得唔辣 日本嘢真係唔會好辣㗎呢 （但係個樣都好睇得！） -———————————————- 延伸閱讀：Happy Days！鹿児島宮崎！ (10D9N)

2017 年 7 月 14 日
miyazakichicken

[生活原味] 七輪手焼き 鶏の炭火焼

將宮崎嘅炭火烤地雞抽真空拎返屋企～ 咁就梗係冇即食咁好味㗎喇 不過炭火味都係有嘅 雞味依然濃郁，肉質雖然無咁韌啦 鹹味足，從酒一流！！！ 都算係輕微地解吓「鄉愁」啦（咦？） -———————————————- 延伸閱讀：Happy Days！鹿児島宮崎！ (10D9N)

2017 年 7 月 12 日
yakushimacane

[生活調味] 屋久島產 春ウコン入り 黒砂糖

既然冇得去屋久島 咁都買吓特產當去咗啦 XD 日本南面就會有嘅黒糖 呢隻係屋久島產嘅 再加埋都係嗰度產春ウコン（春薑黃） 好似會香啲咁 不過講真吖，食落其實係同沖縄嘅無咩大分別～（哈哈） -———————————————- 延伸閱讀：Happy Days！鹿児島宮崎！ (10D9N)

2017 年 7 月 5 日
jsbeerose

[生活調味] 日生蜂園 蜂蜜玫瑰花釀

苗栗縣嘅蜂蜜，再配埋乾燥玫瑰嘅花釀 真係完全無辦法說服自己唔買囉！ 玫瑰花浸响濃郁嘅油桐花蜜度 慢慢浸到成樽蜜糖都充滿玫瑰花香 唔止係香味，而食落都係好鬼花 味道濃郁又甜味，最重要都係： 好花，爆玫瑰嗰隻呀老細！ 好好味呀～～～（撒花） -———————————————- 延伸閱讀：臺東瘋食遊（8D7N）

2016 年 3 月 21 日
beeweb

[生活原味] 蜂之饗宴 厚皮香結晶蜜

厚面皮朝早潤一潤 係呀，反正返工都會俾人潤 與其俾人潤，不如自潤一吓 至少會甜D囉… 結咗晶嘅厚皮蜜 杰噠噠有住濃郁嘅顏色 但係又無想像中會有濃郁嘅甜味 輕輕嘅甜味直接飲同加嘢飲都OK 甜D啦，做人已經夠苦喇 TT （有工返仲邊度慘啫？） -———————————————- 延伸閱讀：臺東瘋食遊（8D7N）

2016 年 3 月 14 日
bikedekoffie

[生活調味] BIKE De Koffie 鳳梨奇異果果醬

响時令餐桌節度買嘅 又甜又酸，味道極之清新 不過對比起較少食jam & bread嘅我 就鍾意直接加落紅茶度 變身成為菠蘿kiwi茶 超～ 級～ 好～ 味！！！ ps, 因為菠蘿同奇異果都係好高酵素嘅水果 而jam嘛當然會加糖 結果酵素+糖x飛機變成屋企嘅爆炸品 好彩兜得住，無漏到周圍係 如果唔係肯肯定黏到成屋都係糖 XDDD 要小心啊！ -———————————————- 延伸閱讀：臺東瘋食遊（8D7N）

2016 年 3 月 8 日
taitunggoldenneedle

[生活原味] 山海經脈 原色金針

臺東嘛，山好水好風景好 農產品當然都非常好 金針係臺東特產之一 而且我本身都好鍾意食 唔買會對唔住自己啊！ 原色嘅佢似一朵朵乾旱黃色嘅花 乾嗰陣味道純粹淡淡香味 易煮，食落味道香且濃 炒炆煮就算放湯都好好味呀～ 冇買錯，真好！ -———————————————- 延伸閱讀：臺東瘋食遊（8D7N）

2016 年 3 月 7 日