All Posts
五分四嘅成員入咗伍
再推出《꽃길》呢隻歌…
有個香港視覺設計及插畫藝術家Zoie Lam
就應邀請以隻歌嘅visual
整咗呢幅塗鴉
做期間限定嚟展覽
MADE隻碟首首歌都好聽
而呢首《꽃길》都係當時錄
（仲有一首未出）
不過就唔算好啱我嘅口味
唔緊要啦，反正首歌係俾VIP吊命
又唔係關我樹…
人人都去Art Basel
你估人人都想去Art Basel咩？
嗱藝術呢家嘢我就真係識條鐵
所以，同樣响會展我就唔去Art Basel喇
就去咗蘇富比睇嘢～
Homme à la pipe assis et amour
－ Pablo Picasso
就算咩都唔識
都睇得出呢種一忽忽抽象派嘅畫係嚟自畢加索
Femme à la robe verte (Femme fleur)
無人話過睇展覽一定要向固定地方嘅…
咖啡 x 奶茶 = 鴛鴦
同雅座嘅座位，都係香港獨特文化之一
（以下含劇透…）
而呢次嘅藝術遊就窺探一下舊香港
先講張場刊，噴咗廣生堂花露水㗎喎
然後，派咗兩粒嘉應子（嘻）
開車出發喇～～～
第一站：浸會大學視覺藝術院啟德校園
即係前英國皇家空軍軍官俱樂部
後成為香港警察偵輯訓練學校
（左）《游離浪蕩四圍走盂蘭神功講故戲棚》－ 劉學成
（右）《藝小販 2》－ 凌中雲
由戲棚講解歷史故事
小販就一路碌碌碌啲畫面
流動戲棚嘅好處係
可以去第二度繼續講故
去埋防空洞之後去下一站喇（上車）
諗起神獸，腦海自動浮現住响戈壁嘅草泥馬
定係突然間就會醒起嘅金翅⊗⊗鳥？
鍾意畫佢睇到嘅靈同神獸嘅小松美羽就畫呢啲
龍，兩條。
今次展出嘅都係佢近期嘅作品
2018年先過咗三個月
但大部分畫作都係今年出品
真係好多產嘅畫家（嘻）
叫得神獸系列當然係由動物而成
除咗虛構但係老是常出現嘅龍之外
梗係有賭仔當神咁拜嘅馬啦～
驟眼望落啲神獸係有啲恐怖
不過佢哋用色好繽紛
忍唔住再望多幾眼
神獸出沒注意，呢隻响水底
畫家最鍾意嘅守護犬
有friend子㗎，唔係孤獨嘅神嚟㗎
响河到玩緊
好開心咁喎你
有冇人會好似我咁覺得你有啲似風獅呢？
（係喇我知，風獅响沖縄小松美羽係長野県人嘛…）
門神擺法嘅貓貓狗狗
另一邊嘅對稱畫作
呢set啲底幾金喎
唔通係高級別啲嘅神獸？
講起韓國，第一時間會諗起整容冇禮貌粗魯
定係劇集綜藝K-pop卡通蔘雞湯辣年糕部隊鍋？
然而，呢個國家同其他地方一樣
都有好多藝術家同作品㗎～
雖然就冇李禹煥、朴栖甫嗰啲著名「單色畫」畫家嘅作品
不過左邊嘅「韓式簡約畫」都算好接近…
《Burnt Under & Ultramarine》（1991-1993）
－ 尹亨根 Yun Hyong Keun
用大畫筆畫响亞麻布
再等啲顏料好似紙咁自然暈開
同一般認知嘅單色畫表達嘅「自然無為」唔一樣
呢個只係運用油畫布畫呢種西方元素
去體現主張克制、整潔嘅儒家文人精神
中間同右邊都係 《無題》（1972 | 1962）
－ 郭仁植 Quak In Sik
柏拉圖多面體：响柏拉圖嘅哲學裡面
將土、空氣、水同火嘅古典元素喻為四體
而第五原素，就係正十二面體
係對應神呀天界呀宇宙嘅「神髓」
呢個十二面體雕塑係由暗黑童話畫風嘅藝術家
Mark Ryden嘅第132件作品
用12個五角形砌成，上面有唔同嘅畫
佢形容呢啲嘢全部都係臣服於全知嘅眼
好！咁我就兜一個round去你眼望我眼啦～ （…左上直頭係肉色然後有隻寫實嘅眼）
拎住耳仔玩嘅BB
諗起之前用細胞培植隻耳嘅白老鼠…
便便蜂蜜竇
符號嚟講係心形
寫實咗少少咁（心）
紅底襯托女王頭
腿張開嘅八爪魚
彈樂器嘅小丑馬騮，可愛得詭異
胚胎… 成隻科幻片啲異形咁
毫無違和咁嘅人樣人參
叫得做柏拉圖多面體當然擺返個credit俾柏拉圖致敬吓～
上面係開得燦爛嘅玫瑰花
以上，就係十二面中嘅十一面構圖
今日…
冇嘢可以
阻！我！收！工！！！
#發藝術家脾氣
冇人會否認音樂係藝術嘅一種
而如果將肉眼睇唔到嘅作品
以有形嘅實體去呈現呢？
咁就入去睇吓啦！
展覽係以古典至現代嘅作曲家
佢哋嘅記譜模式引伸出唔同媒介嘅作品
譜模
出到嚟就係一幅幅完美嘅樂章
用筆去記錄指揮嘅動作
展品嚟自世界各地、唔同時代
無聲嘅投射video
好跳脫
好似棋盤咁呀哈哈
用歌詞去形容樂器
响亡父嘅100張樂譜上面畫畫
成就咗兩代人嘅跨時空創作
全部36樣作品嘅詳細資料都响場刊度搵到
左邊，係現場演奏節目表
今個黃昏係香港小交響樂團嘅演出：
The Strings Aligned
第一首係String Quartet No 4 in D, OP 83
平日我用腳四圍走…
睇今次啲藝術品呢？
就係睇佢用二維整到三維咁
A world between 2D and 3D
介乎平面與立體之間的世界
即係2.5維(D)嘅錯視效果～
（用平面呈現立方體再响面頭畫圓形）
作品顏色就以黑藍白為主
而形狀嘛… 即係Jump From Paper囉（呵呵）
（話時話我幾鍾意↑↑↑啲袋㗎，所以呢輯展品我覺得幾靚）
不過佢係雕像版啦
除咗雕像仲有畫
白板上面有啲黑呀藍呀嘅顏料咁
係幾得意嘅，行過咪兜一round睇吓囉～（笑）
當你睇緊我打嘅呢啲字
就證明你並唔係失明
然而有好多人唔似我哋咁睇到嘢
平日用眼去睇雕塑、睇表演
失明人士又會點去欣賞藝術品呢？
今次就從佢哋角度出發去接觸藝術～
場地，就係响呢個倉裡面
缺少咗一種感覺（視覺）之下
會令觸覺聽覺甚至嗅覺更敏銳
視障人士同其他人一樣
生命都係需要水、呼吸、食、溫度同關係呢五種元素
唔係只係我睇到呢份嘢㗎
場刊有大字版 & 點字版本嘅
counter係放物資等嘅集合處
佢嘅身後面仲係個展館
「通達藝術欣賞」
除咗一般認知嘅觸感書
有點字同凸起嘅圖畫
展出嘅書有嚟自美國韓國同日本
而呢度就講解咗視障人士係點感受藝術
好喇，戴住眼罩拎埋白杖
就由視障嘅導賞員帶入藝術倉喇！
～漆黑一片嘅環境～
沙畫，比舞台表演更一期一會
因為佢係種一瞬即逝嘅作品
要留住佢，就要靠當時嘅相 or 片
之前見識過嘅即場創作
而今次呢套就結合stop motion
配埋色彩音樂聲效後
整成一套沙畫動畫
除咗睇呢個作品嘅放映會之外
仲有佢哋嘅創作分享
同幕後製作花絮
另外，展覽板敘述故事簡介
介紹吓沙畫呢樣嘢 & 展示今次套片嘅手稿
製作單位
（導演海潮 | 編劇莊梅岩 | 監製張月明 | 創作總監有耳非文）
藝術唔遙遠㗎
只要肯行出去就連維港都有啦！
無人話過藝術品一定要擺响館裡面嘅
而家一件二件廿一件藝術雕塑
（updated：展展吓多咗件，total廿二件）
就擺晒响海濱長廊到藝術中心一帶
Ernest and Ruth, 2015
（Hank Wills Thomas）
平時只係活存响漫畫世界嘅話框
由虛幻帶到嚟現實
仲可以置身其中
（可以响裡面隨便坐呀瞓呀彈都得）
會唔會諗到自己平日所講嘅言論意味住啲咩？
Truth Bubble Sign Tree, 2015
（Hank Wills Thomas）
