All Posts
Mmm… 如果唔係有個陪行嘅tour
我應該係唔會嚟呢個咁悶嘅離島
坪洲
係咪都搭船入架啦
通常啲人都會由中環去
不過其實由稔樹灣入會舒服啲
睇你點睇啦…
本身碼頭嘅指示唔會好清晰
但係船頭雞乸咁大隻字
咁都望錯梅窩船嘅話我都幫你唔到
啊！就係參加咗呢個冇嘢食嘅「日日為食坪洲團」
係香港同印度嘅藝術家交流活動咁啦
咁坪洲真係冇咩好講
係客家潮州蜑家三分天下嘅島
興盛時期係响好多年前做廠嗰陣
話說呢間好厲害嘅火柴廠
請二千幾人入嚟坪洲打工咁
而家當然冇晒啦
又會填海起堤壩起啲公共設施起吓樓咁
唔太現代又唔多舊嘢冇咩島特色
個tour guide話老島民介紹嘅舖頭涼茶
（然而佢自己係冇幫襯過）
飲咗銀菊露同手上呢支夏枯草
浮世絵 － 源於17世紀嘅日本畫風
用色同風格都好獨特
直到而家嘅日本
都仲有大多數嘅傳統紋身師
要學習一定程度嘅浮世絵之後
先可以夠資格去幫人紋身
然而當代藝術得以承傳
梗係唔少得新舊交融呢個階段
噏完一輪無聊嘢，入去喇… 終於～（嘻）
有幾位artist嘅作品
雖然都係浮世絵但係畫風好唔同
幽默感十足嘅一系列畫作
去澡堂玩嘅美人圖
點解係玩？有水槍有黃色膠鴨仔
一路睇一直忍唔住笑咗出嚟囉
著nike食抹茶扭紋軟雪糕同扮聖母
玩得幾盡吓喎老細，哈哈
响浮世絵中廣為人知嘅一幅
葛飾北斎嘅《神奈川沖浪裏》
藝術家當然唔會放過
硬插個驚訝表情嘅美人落去
不過唔算好突兀嘅
唔同人睇嘢嘅角度都唔同
咁五呎二同萬一呎望嘅香港
梗係好大分別啦！
係就係YellowKorner
不過今次Le French May擺嘅唔係呢邊
個展係响PMQ嘅
（不過YellowKorner先有張大燈箱poster嘛）
同Le French May最大關係
除咗YellowKorner呢間法國相舖之外
梗係法籍攝影師Alex Reyval嘅作品
攝影高人响咁高空影嘅香港
俯瞰呢個香港感覺較整齊
唔似得平時睇落周圍都巖巖巉巉咁
果然換個角度，睇嘅嘢完全唔同…
「究竟我去咗個咩地方呀？」
係一路响場裡面行嗰陣嘅os…
一堆有燈嘅裝置同俾細路家長放吓電嘅空間
啲公家凳仔係要爭嘅
絕對係塊考驗公民教育同家教嘅現形鏡（笑）
咁除咗啲即晚已經壞燈唔著嘅搖搖板氹氹轉
仲有呢種踩呀踩仲未壞嘅七八十年代舞池
踩得夠大大力咪變色囉
如果以九十年代跳舞機跳butterfly嘅力度
個sensor就感應唔到㗎喇
呢邊廂那些年代嘅玩兒
那邊廂仲有呢種哎吔吔唔好掂到呀嘅通電條條 《考驗》
响熱到癲嘅天氣下
肯用力踩單車去動力發電嘅人堅厲害
空蕩蕩嘅area
有落力抱頭打碟炒熱氣氛嘅DJ
可惜音響壞壞地，時有時窒時停咁啦
場內signature藝術品係呢件
《怪獸》－ Jay Hofmann-Forster
無得入去玩嘅吹氣公仔一隻
再加一系列LED藝術裝置
《母》、《蛇》、《樹》、《獸》、《靈》 香港嘅空間設計師葉小卡
自細唔鍾意寫毛筆字
因為覺得啲墨搞到周圍好污糟
收拾起嚟非常麻煩
但係，由最黑嘅液體
造成令人有安心平靜嘅字
就咁睇，都係件賞心樂事吖～
「係愛呀哈利～」
用畫講鍾愛同珍愛嘅嘢
啲一條條真係好鬼得意，嘻
童話風嘅畫風同用色
入去喇～ 終於…
有唔同界別嘅作品
地下都有裝飾
每樣物種都有自己好鍾意嘅嘢
無論係玩具食物石頭甚至係一條爛氈
响作品裡面充分感受到
當你擁有自己喜歡嘅嘢嗰陣
嗰種從心底嘅光芒同笑容
歡悅之中帶著溫暖
然而我哋擁有嘅可能真係太多
會唔會就係咁少咗嗰份得到鍾意嘅嘢嗰時
喜悅嘅心情珍惜嘅態度都會分薄咗呢？
呢排係俾French May圍住嘅
不過都仲荷蘭緊㗎
今次去睇呢位荷蘭藝術家Merijn Kavelaars
響應返Dutch Days，响香港擺嘅首個展覽
主題係講爆破同勇氣
Bursting Bold
好得意嘅自創字體呀
每粒字都拎嚟玩，好細路feel
（頭一個B字反轉咗，會俾怪獸家長評為讀寫障礙㗎）
Dogma the Dog
封面作品，但係真跡最大嘅分別係顏料
金色嘅部份落入普通印刷品
就會變咗啡色㗎喇
（booklet都係咁）
Isind
展館係俾佢將畫作無邊際延伸
如果平日咁樣畫牆法實俾阿媽鬧死
然而唔係現場睇
之後就只見到一幅畫
一般嘅品牌活動都係賣嘢為主
所以冇咩消費本錢嘅我好少會去
不過今次就係專登報名嚟嘅
LUSH Live Central 2018 @PMQ
唔會話你知因為事先報名會有舊LUSH嘅鹼送
係純素鹼加低污染包裝（張label紙係黏膠）
啲booth主要唔係賣嘢咁做咩㗎呢？
先進入人權探索區
身為人類就要講嘅人權
一開二嘅攤位一邊係居港難民面對嘅問題
另一邊係講世界各地LGBT+平權嘅現況
然後係環境保護探索區
講人類點破壞生態真係講到喉嚨都出血
香港嘅話，沉香都係成日俾人砍伐嘅品種
你唔要我唔要嘅垃圾去晒邊？
冇嘅，咪响返你身邊囉
方便係有代價㗎！
唔！好！再！食！魚！翅！！！
當然最打大佬可以考慮茹素
嚟到動物權益探索區
每次見到啲海洋館都會有好殘忍嘅海洋生物表演
「三千煩惱絲，一絲勝一絲。」
頭髮，經常比喻為煩惱
咁點解身處於毛島中仲會風光好？
畫作主要由長髮西面裸女
加埋同樣係藝術家梁嘉賢寫嘅打油詩
《凡谷》中睇到處於不滿現狀嘅牆內人
但視線並唔廣闊
居高臨下嘅我就覺得佢自尋煩惱
响度笑緊佢哋嘅同時
不過我自己又何嘗唔係？
仲有一系列睇落似用鏡頭窺探嘅作品
黑白中又有金浮雲
用色柔和；話中畫中有意景
每絲頭髮仲畫得好細緻
《下次》
啊！個展啱啱完咗
要睇佢啲作品就要等下次喇～
五月，Le French May嘛
咪去襯吓墟囉…
Nice (尼斯)係法國南部嘅地方
係個有藍藍海灘嘅度假區
而今次展覽就係嚟自嗰度藝術家嘅作品
第一部分係蔚藍海岸（Côte d’Azur）
一入嚟呢區就俾地下大大盤藍色沙吸引住
一般作品都眼看手勿動
呢堆沙就更甚，因為係有毒㗎！
隻色係註冊咗嘅International Klein Blue
（mon睇一定有色差）
係Yves Klein創製嘅顏色
有咗呢隻色，佢當然會用來創作
Untitled Anthropometry (ANT84), 1960
用兩個上咗色嘅model做「筆」
鍾意佢嘅用色同得意中帶啲壞嘅妹妹們
就連同事都批中我一定會嚟睇呢個展覽！
呢次嘅畫作算係其次
因為奈良美智話相比畫作同手稿
陶藝係更真實，令作品更釋放
而佢嘅故鄉弘前係出陶土嘅地方
做陶藝應該會有種reset返細個嘅感覺啩…
除咗一批好raw嘅白陶妹妹頭
仲有呢個全新創作
獨特雙面陶藝雕塑嘅作品
一面係瞌埋眼
另一面當然要有呢個壞壞樣啦（心）
不過話時話，H Queen’s嘅格局
比想像中差好多
可能我去嘅時間都peak peak地啦
行落真係覺得好唔自在
原本仲想去另一層樓再去睇展
但係完全頂唔順只係想快快腳走人
之後如果冇咩超級引嘅展覽
應該唔會再去呢度喇…
想進入夢幻國度一啲都唔難…
推開門就有㗎喇！
DREAM | 夢幻
－Robert John Davidson
好難唔俾呢啲畫風同用色吸引
有住柔和嘅色彩
有天有地同大量生物
雖然俾好多對眼望住
又唔覺得毛管戙喎
畫家呢一兩年嘅畫先咁迷濛
之前啲畫色彩繽紛同實在好多
除咗20幅油畫
呢度仲有40張手繪素描畫
相對望住黑白色去諗意境
個人都係鍾意色彩豐富多啲（笑）
畫作遊走於現實同童話風之間
走入一個個繽紛絢爛嘅森林
夢幻卻不失可愛
左右兩幅畫嘅畫作時期差幾年
不過畫風都無好大分別
睇畫睇到以為時間靜止咗
