All Posts
為一片枯萎嘅葉講故事
心病還需森藥醫
－李心悅
原本只係因為啲畫嘅用色靚而吸引嚟睇
個故事好短，由枯葉「木子」死咗而開始
「木子」同一般後生仔一樣
諗過做偉人、結婚、環遊世界…
可惜未曾實現就已經離開呢個世界
但係又好好彩
佢嘅靈魂有份參與自己嘅喪禮
喪禮睇到自己被化妝、著衫
又有friend子佈置佢鍾意嘅嘢响喪禮度
再播佢鍾意嘅音樂
仲有，佢心儀嘅女仔都嚟觀禮…
死亡同喪禮，好似好沉重咁
平日會用黑白頂多藍色嘅調子
畫家就用咗療癒嘅色彩插畫去呈現
明明係有種安撫人心嘅用色同畫
不過一路睇，個心都仲係有啲戚戚然…
搵日冇咁熱去森林呼吸吓先～
如果知道個主題係乜
咁樣睇抽象畫會唔會易明啲？
因為都好明確咁話明係邊緣
所以，啲畫都係有住好分明嘅線條
係藝術家呢30年嚟嘅作品
都有係為咗今次展覽而創作
作品嘅媒介都唔少
有油彩鋁板畫、布同紙油畫、攝影作品等等
size都有細、大同好L大
（呢兩幅已經係兩種唔同物料而成）
直直斜斜咁，呢幅咪斜路囉！
灰灰紅紅嘅顏色
唔止平面橫橫直
都有立體款式
樓上大幅嘅板畫
呢層嘅係布油畫
有條子；又有格仔
究竟响呢啲平衡線上
邊度先係自己企嘅位置？
定係回頭一望
已經係企咗响邊緣
下一秒就會跌落
會跌到落幾深？
有無盡頭？
抑或… 根本從來都定位呢？
就算係黑白色都掩藏唔到佢嘅可愛
佢唔止得意，仲好好笑
…入去喇～
呢次展覽除咗有佢啲手稿
仲有噴畫
大部分都係上年嘅畫作
一路行慢慢睇但係一路笑
構圖同字句都係易明
卻要用個腦load load
去消化吓呢啲英式幽默
只係白紙白布再加黑色線條
擺响藝術家手上就已經變得好有趣
最後post呢張，因為我鍾意！
用展覽去留住式微行業嘅片段
(In)tangible Reminiscence 觸到的回憶
觸得到，因為個主題係紡織品
即係平日最親膚嘅衫褲襪啦
由港日韓三地藝術家展示三組展品
擺最近出入口嘅呢組
係來自日本嘅藝術家岩崎貴宏嘅作品：
左邊白色嘅係《混亂以外（變遷）》
Out of Disorder (In Flux), 2018
右邊黑色响牆身嘅係《星座（香港）》
Constellation (Hong Kong), 2018
以「變遷」為題材
係呢位藝術家嘅常見項目
雖然驟眼睇落得一隻色，好似冇咩嘢咁
但細心睇就發現有好多detail位
一般光線都係觸摸唔到…
但交喺藝術家手上就唔同講法！
入去韓國藝術家崔正紋嘅光、線空間
Fault, 2018
入場直望已經見到佢
白色嘅底，遠睇覺得佢係一個懸浮嘅球體
近啲睇就望到個黑色圓形
中間俾條斜白色線劏開
（可以除鞋換拖鞋行入去睇）
响相度睇落似平面
所以作品呢家嘢真係親身睇會好啲
從另一個角度睇
雖然由側跟睇，成幅構圖就亂晒
不過就會見到件作品
其實係由好多好多條線而成
一條條嘅線係由最後一層一路向前排釘上去
佢哋唔係就咁水平直線
係唔規則咁放上去
加埋啱啱好嘅黑 x 白
先成為呢件作品㗎！
去完光亮淨白肌嘅空間
走入黑房 x UV燈嘅空間
拋開日常嘅煩惱
置身天馬行空之中
佢嘅畫作只係黑白底之中帶少少色彩
但係就已經感受到嗰種寧靜喜悅
跟住獨角仙入去另一空間
（牌嘅背面係Mio Asahi另一signature三ツ月）
～入去喇～
呢度分享咗畫家响二十年嚟嘅創作
裡面有主軸嘅女子
有神龍、有另一個地方嚟嘅朋友
城市入面有種無重嘅狀態
好似童畫故事咁
主色深沉生物形狀怪異
卻滲出快樂、令人會心微笑嘅感覺
令周圍都創造咗個好微妙嘅空間…
啲畫作有得賣嘅
不過屋企係無位擺嘅
拎張card仔做紀念品都好
唔開心同思緒混亂嗰陣都可以拎出嚟睇吓！
落閘放狗係保安
落閘放畫係藝術
今次行到去旺角油麻地繼續聽人講故
出發！@紅磚屋
一級歷史建築嚟㗎
呢間賣秤嘅冇畫閘嘅
不過呢種舊式店舖（連阿婆）
都係好有歷史㗎
到油麻地果欄
導賞員由電視劇開始講
但係我冇睇過套劇
加上一直暴曬中
所以完全唔想聽佢講，遊魂中…
過埋馬路就去到有畫閘嘅舖
偉訊廣告工程
開咗舖，要即時睇可以用app睇
做鎅字膠廣告牌嘅
呢度附近有好多呢啲膠招牌㗎
勤記不銹鋼工程
真正式微嘅打鋅鐵行業
香港嘅師傅得返一兩個咋…
同利玻璃
好少有道閘上面寫咗好多字
因為要留低「拉砂」即係切割玻璃手法
手要定兼且快、狠、準
睇雜誌响室內睇；睇「閘誌」呢？要出街睇！
深水埗篇嘅導賞起點係新亞書院
唔係而家中大馬料水嗰個
係原址(隔離)嘅舊址
戴好耳機，出發！
跟住導賞員，由佢去口述呢度嘅歷史
深水埗以前係有成行成市嘅布行
咁布碎嗰啲就去棚仔度搵
（based on政府唔收地嘅話…）
個深水埗警署基本上同呢個tour無關係
不過其實佢嘅建築同歷史都係呢度嘅一部分
唔應該俾人忘記㗎…
講開以前深水埗同製衣嘅關係
又唔會唔提吓啲細細山寨廠
終於到第一間有畫閘嘅舖
但係佢有開舖，可以用app睇
或者去返展覽場睇相
再唔係就搵日佢唔開舖先睇啦
祖記 by Smile Marker
吖！又係開咗舖
但係都駐足緊因為要聽導賞員講舖頭嘅歷史
其實灣仔上環西營盤係上年嘅作品
不過個展館本身响動漫基地
所以都會有灣仔嘅導賞團
出發喇！@動漫基地
先落樓就响佢隔籬嘅豪華咖啡茶室度
係呀而家開緊舖就睇唔到道閘
可以用app睇嘅
導賞團得意在唔係去睇啲閘
而係睇個社區
好似呢種六十年代嘅鐵製T形街牌咁
都係買少見少嘅貨色喇
蔡太乾貨 by Smile Marker
原本幅畫嘅蔡太係嚴肅樣
但畫畫吓周圍檔嘅人同artist講
蔡太平日好好笑容㗎
然後最後出嚟個蔡太就變返有笑容喇
完咗導賞團就可以自己周圍行吓…
峰哥袋檔 by何文蕙
用檔主好鍾意嘅貓貓做主題
雨天晴天都有遮擔嘅潘仔記
錦波印務
舖頭要開閘先有嘢睇？
開閘係有嘢賣嘅；不過刪閘都有嘢睇㗎！
城巿閘誌 HK Urban Canvas
呢個project係藝術家响啲閘到噴畫啦
啲artist會同店主溝通後先去噴（& 修改）
落街睇閘前先睇展覽
第一個展廳有今次嘅噴閘
相裡面除咗道閘
仲有老闆 (sometimes +店員)一齊影
第二個展廳《社區遊記》
係藝術家加埋同學仔一齊整嘅立體拼相
佢哋去啲舊舖考察、影相
再剪相同拼好
好似呢張咁
就將個果欄活生生咁呈現咗出嚟
呢件作品，用咗好多唔同物料造成
响深水埗油麻地旺角取材
所以裡面有鈕扣、布版、齒輪等等
第三個展廳，有artist同中學生們嘅寫生
話說呢幅畫係佢用咗三個通宵時間畫…
一堆洋紫荊同心心點點咁
有條擘大口嘅龍
再加啲維港景，有大廈呀帆船嗰啲
仲有隻黑色公仔、+852
寫住微笑又有隻手印…
唔覺得好靚咋喎
同啲高小學生嘅求其交嘅勞作話差唔多
咁港府當然因為佢嘅名氣先搵佢畫
對於香取慎吾，應該唔難停留响前SMAP成員嘅階段
畢竟隊嘢真係有好多年歷史
咁多年嚟都有睇過幾集《SMAP x SMAP》
亦都哼得出《世界に一つだけの花》嘅旋律
（melody only，從來冇認真睇過歌詞）
而佢本人，最印象深刻係主演《薔薇のない花屋》
同埋佢嗰首好恐怖但好洗腦嘅《慎吾ママのおはロック》
無喇，係咁多喇。
是但啦，因為硬係要分派別嘅話
我好大可能係埋木村拓哉嗰邊，就咁。
從失明人士嘅角度
欣賞中環景致同藝術品
《中環的標誌性建築及地標》
平日由尖沙咀望著維港
呢次就係摸同聽
圖嘅右下箭嘴上有個掣
撳咗頭頂個罩就會有聲音導航
瞌埋眼照著播音一直摸啲凸起嘅圖
《將中環各大廈互相連接的行人天橋》
响條天橋行就行得多
未試過俯瞰嚟睇
用摸同聽，果然有另一個唔同嘅角度
充滿殖民風味嘅建築
（右至左）
《舊中區警署》：响裡面兜過
《舊最高法院大樓》：响出面望過
《藝穗會》：有入過去參觀過
就係未正式感受同摸過（個外圍）
《聖保羅堂》：e？响邊㗎？
《銅獅像，by W.W.Wagstaff，滙豐總行大廈》
啊！滙豐樓下對獅子
《石獅，中國銀行大廈》
唔係今日咁摸我係唔留意兩間銀行嘅獅子
滙豐係西式獅，以銅像方式呈現
