All Posts

pixar30years

Pixar 30 Years of Animation（彼思動畫30年：家+友・加油！）

上次冇嚟到睇，點知佢載譽歸來 呵呵呵，終於嚟到喇！ 由The Incredibles一家迎接 搣飛～ 主題畫都係Monster University嘅墨水筆同marker畫嚟嘅 紀念品中仲有右下角綠色嗰樣… memo紙嚟㗎！ 好喇，入場Let’s go～ 首先係Inside Out 原來原設嘅Sadness係咁大隻 Sadness實在太吸引 忍唔住影完又影 色彩繽紛嘅腦世界 到Toys Story 望住每幅到諗起套動畫啲scene Hamm嘅X-ray 裡面真係有錢㗎 好可愛嘅細路版鄧梓峰Buzz呀呀呀 噢～ 係冇睇過嘅The Good Dinosaur

2017 年 12 月 25 日
jacquotcalendrier

[chocolate] Jacquot - Calendrier de l'avent garni de chocolat au lait

氹細路用嘅朱古力 由十二月一號開始 一日一粒食到去廿四號 然後廿五號聖誕節就變得一無所有(!!!) 普通甜椰椰牛奶朱古力之嘛 一次過食晒佢啦都係 哈哈～

2017 年 12 月 24 日
hakugencusion

白元アース - ゆたぽん レンジでゆたぽん

呢幾日朝早已經唔再凍 不過夜晚都係鍾意對腳仔暖笠笠咁 橙色叮叮保暖包 18 x 25 cm 夠擺晒兩隻腳踭 擺個內膽 (又係橙色嘅) 入微波爐叮一陣就OK （500W x 3分10秒；600W x 2分40秒；1000W x 2分鐘） 液體發熱，啱啱叮起好熱㗎 要即刻擺返入個橙色毛毛袋度 產品聲稱keep 7粒鐘暖 但可能我係擺被竇裡面啦 瞓完8粒鐘拎起都仲暖暖地 呢舊長方嘢除咗用嚟暖腳

2017 年 12 月 23 日
cheungchau

[小島怡情] 長洲・日全食

相對新款嘢食 睇黎我都係鍾意屹立多年嘅檔鋪 長洲～ いただきます。（仰天長嘯） 落船先去張記食碗魚蛋 魚味濃又唔太鹹 最緊要係手打魚蛋彈彈牙 相比依家新興嘅長洲（其實係新加坡）大大粒炸魚蛋 都係呢款白魚蛋好食多啲 Don’t miss the 炸魚皮呀 新鮮油炸冇油膉味㗎 食完鹹嘢就去日本人店故鄉茶寮 買返件熱辣辣嘅紅豆餅食先 餅皮唔太厚；紅豆飽飽滿滿有唔會甜到升天 又香又甜又好味，啦啦啦 再行吓行吓，就去到流動歷史遺產嘅長洲婆婆度 搵到唔知幾時期間限定嘅黑蚊蚊雞屎藤 呢仲傳統嘢同班婆婆一樣買少見少喇 個人覺得呢種甜點比長洲糯米糍更長洲嘅 微微嘅草香加埋細磨餡料 每人粒都食得出個手藝 去旅行當然要買手信俾自己啦

2017 年 12 月 23 日
minnanotabo171222

大口仔鐵盒餅仔

好似大口仔咁 同一堆鍾意嘅人(?)聚埋一齊過冬就好開心喇～ 今年 (17’)港版啦 黃色底好有活力呢 打開盒有張閃咭 下面銀色袋嘅餅仔係MIC嘅 直接丟棄唔心痛（嘿） 閃咭背面係是日心情同開心指數 得三粒心咋喎 係啦係啦我都覺得我仲未夠休息同放鬆囉… 拎開包餅，個盒底仲有張貼紙呢 好靚囉呢盒嘢！

2017 年 12 月 22 日
portugal4g

[抱抱葡萄牙] Day4：Casa da Música

同一路以嚟睇到嘅葡萄牙建築唔同 呢個音樂廳個樣好新潮 似一間屋子俾人反轉咗咁… 個地板感覺好木塞咁 飲完酒唔好嘥啩 (?) 然而塊地唔係平而係有彎曲起伏嘅 （小朋友s係嚟參觀定排練呢？） 入到去啲金屬式顯得個科幻感好重 唔似一般嘅音樂廳咁古典 上到去買飛嘅地方 兩件極級大嘅俄羅斯娃娃好吸睛 簡潔整齊又闊落嘅環境 個現代感爭啲令人忘記出面全部嘢都好舊好有歷史 呢個時間冇表演場次 咩都冇開呀 唯有走返出去搵嘢食啦～～～ ----------------------------------------------- 延伸閱讀： Day1：Hello Lisbon Day2：Lisboa → Porto Day3：Porto ↔ Vila Nova de Gaia

2017 年 12 月 22 日
portugal4f

[抱抱葡萄牙] Day4：walk walk walk to Casa da Música

由Livraria Lello行去Casa da Música 一出就係教堂Igreja do Carmo 佢嘅隔離係Fonte dos Leões 轉入R. Prof. Vicente José de Carvalho後 就見到Museu do Centro Hospitalar do Porto 擺醫學嘢嘅博物館 黐住間博物館係醫院 Hospital Santo António - edifício neoclássico

2017 年 12 月 21 日
portugal4e

[抱抱葡萄牙] Day4：Livraria Lello

呢間响1906開業 俾lonely planet譽為全球第三大最靚嘅書店 Livraria Lello，我入嚟喇～ 要畀錢入場嘅，啲錢可以用嚟買返裡面嘅嘢 入到去仲會俾本tour brochure慢慢睇住嚟行 一踏入去已經有種「哇～」嘅感覺 由天花 到天花玻璃 到樓梯（正面） （中層） （背面雕刻） 以至到啲兩層樓高嘅書櫃 無一令人唔驚歎呢… 好多好多書 然而啲嘢好有歷史 但係仲保養得好好㗎 好似呢個磅咁 仲用到㗎！ 搬書用嘅路軌 地下層除咗有好多書 仲有衫呀同紀念品 而上面兩位作家嘅銅像係唔賣嘅

2017 年 12 月 20 日
pngjoymoistcare

P&G ジョイ コンパクト 食器用洗剤 モイストケア ローズオアシスの香り

好想買panasonic部洗碗碟機呀 一來無錢二來無位三來無咁多嘢要洗 所以都係死死地氣買返洗潔精算啦 同以前啲洗潔精唔同㗎 洗完啲碗乾乾淨淨清清爽 但對手一啲都唔會乾（！） 聲稱過完水之後皮膚仲可以留低90%水份 嗱～ 有冇真係90%朕就冇check過 不過唔乾就係真嘅（滑滑） 仲有濃郁嘅玫瑰味 一路洗碗一路飄出嚟 同個樽一樣咁優雅 係就係隻洗潔精好好用好啱心水 然而好遺憾，我都係唔會因為咁而鍾意洗碗囉… -———————————————- 延伸閱讀：noesis bamboo dish pad

2017 年 12 月 19 日
uhawinencheese

UHA味覚糖 あじわいぷっちょ ワイン&焼チーズ

紅酒配芝士係一個平常不過嘅組合 但係加埋落韌身嘅糖又會有咩效果呢？ 就係甜嘅提子糖 食落有啲爆珠粒粒咁 再加少少芝士味响中間 個味唔怪嘅，好似食普通提子味嘅ぷっちょ咁囉 反正個芝士味唔係好細心食就根本食唔出…

2017 年 12 月 19 日
portugal4d

[抱抱葡萄牙] Day4：Porto - Tram Line 22

打從1872年，Porto呢個城市就開始有電車 然後，就繼續都係有呢種電車遊走呢度 並唔係咩「復古」電車 因為佢根本就係舊嘢 同一般公共交通工具一樣有分唔同路線 呢架擦身而過嘅係去BATALHA嘅22號 主要行市中心睇街景嘅 舊還舊，仲行得郁㗎 不過佢唔係呢度嘅主要日常交通工具 得遊客先會搭佢 點解？一程成三歐喎！！！ 會去嘅地方仲要全部都行得到嘅 呢啲嘢就咁睇吓就OK㗎喇… ----------------------------------------------- 延伸閱讀： Day1：Hello Lisbon Day2：Lisboa → Porto Day3：Porto ↔ Vila Nova de Gaia

2017 年 12 月 18 日
uccwinterblend

[高馡] UCC - seasonal cafe winter blend

涼少少喇終於 啲冬天嘢可以放一放出嚟 凍啲梗係比平日更懶㗎啦 煮過咖啡都懶過人 呢隻個味算OK香嘅 唔濃嘅都唔苦 當普通暖身早餐飲品都唔錯啦～

2017 年 12 月 17 日