All Posts

lottechumchurumcitron

[cheers!] 롯데 - 처음처럼 순하리 유자 (Lotte - Chum Churum Citron)

好極端嘅對比… 韓國啤，乜味都冇； 韓國燒酒，嗆到爆同飲火酒冇分別！ 係㗎！真係對韓國酒冇乜好感… 好彩家陣有呢啲水果味燒酒 係甜咗啲嘅但至少入到口 十四度㗎咋飲唔醉人㗎放心啦，건배～ -———————————————- 延伸閱讀：（唉～） 冇味一號 cass draft beer 君子二號 hite dry finish 人類總要重複同樣的錯誤 hite max all malt beer

2018 年 1 月 5 日
girigiricurry

[card game] ギリギリカレー (GiriGiri Curry)

天氣凍凍哋就會想食吓咖喱 （黃明志：「讓我們一起吃咖哩咧…」） 食咖喱前不如玩玩呢個咖喱game暖身 好搞笑㗎又易上手喎！ 可以睇一個落幾多料嘅煲 另一款係睇佢喺咩材料嘅咖喱 然後就抽牌擺牌落啲煲度 但求唔爆煲之餘個taste夠多味 認為哎吔吔會爆煲點算好？ 可以搶咗人哋啲煲㗎嘛哈哈哈哈 勁快嘻嘻哈哈就一局 玩完會唔夠喉繼續玩多N鋪 極級推薦嘅game 見到唔入手都要試吓玩呀 學solar話齋：「包你一定歡喜」～ -———————————————- 延伸閱讀：回憶咖喱

2018 年 1 月 4 日
portugal4l

[抱抱葡萄牙] Day4：Antunes

食完tea，再行吓行吓shopping吓 咁又到食晚飯嘅時候喇 先嚟一客熱辣辣香脆脆嘅蒜蓉包 鹹香嘅牛油蒜蓉味，又夠脆口 完全欲罷不能呢 今晚飲乾身嘅白酒 小食方面有葡式炸物 係馬介休球 x 牛肉角嘅組合 都係好熱好熱，加上滿滿嘅薯仔 令到個鹹魚（馬介休）鮮香得嚟唔會死鹹 牛肉肉味香絕對唔會被馬介休比下去 主菜：焗豬踭（解剖中 by好好笑容嘅叔叔） 原本係慕呢度嘅羊肉名而嚟 點知今晚冇整，冇得食然後就推薦呢款 哇哇哇！真係冇介紹錯 啲肉又腍又滑 少少鹹過皮多多脆 就係呢少少嘅鹹味令到個豬味更香濃 濃還濃又一啲都唔會有豬羶味 呢兜豬仲伴咗好多薯仔 加埋跟咗個飯 個結論當然係飽到上天靈蓋

2018 年 1 月 3 日
portugal4k

[抱抱葡萄牙] Day4：Majestic Café

食個靚tea先！ 睇佢個門面就知道又係舊嘢啦 唔算非常耐嘅，1926年開業啫未夠一百年 大過我同你咁上下啦 以前就係啲知識份子呀藝術家呀名媛鍾意嚟「蒲」 近代啲咪又係阿JK Rowling囉 長形嘅空間仲有大大塊長鏡 粉色牆身、木框加埋一舊二舊詭異嘅石膏雕像 望啲雕像個樣 真係笑得令人心寒 兩邊牆嘅雕像對望住 堅有少少「嚇死人咩！個心離一離！」嘅感覺 舉頭望雕像，低頭睇檯凳 大理石臺加埋雕刻皮革卡位 再有埋雕咗同系列圖案嘅木凳，都咪話唔grand Rabanadas Majestic Style + coffee 葡式西多，煎麵包加果仁果乾再淋糖漿 OK好食嘅呢啲standard嘢 所以都係預期中嘅甜咗啲囉 咁襯杯普普通通正正常常嘅咖啡咁

2018 年 1 月 2 日
shallweha

[三角關係] 快樂無罪

每年去到年底都會有咩年度大事回顧 而以前最鍾意就係入劇場 睇笑中帶message嘅《快樂無罪》 當年三角關係嘅主演馬志豪、徐羨曾同譚國明 （兼埋創作嗰啲啦） 堅講，真係任何一個大事回顧節目都唔夠佢好睇 不過而家講咩都無用 一來當年做第十年已經係最後 （雖然半年後仲有個死唔斷氣嘅慶回歸版） 二來三個主要人物都走咗兩個 …懷念舊嘢嘅時候 又係證明自己又老咗喇 是但啦，有咩下年講～

2017 年 12 月 31 日
portugal4j

[抱抱葡萄牙] Day4：Praça da Liberdade

行呀行又返返嚟Porto市中心 Praça da Liberdade 唔知係咪見識少成日晌香港 見到條路咁闊真係身心都舒暢啲 廣場嘅左手邊 就係今朝去過嘅Igreja dos Clérigos & Torre dos Clérigos 18世紀興建，1801年再將其二合一嘅教堂Capela Das Almas 又靚又耐歷史嘅雜貨舖Pérola Do Bolhão 行吓行吓又有啲口痕口痕，去搵個tea食先！ ----------------------------------------------- 延伸閱讀： Day1：Hello Lisbon

2017 年 12 月 29 日
portugal4i

[抱抱葡萄牙] Day4：Metro do Porto (& Andante)

頭先用腳行嚟Casa da Música 都遠遠哋，加上行夠食飽有啲攰 幫襯吓地鐵搭吓車返過去先 metro - Casa da Música 真係瓹落地底㗎（哇好神奇呀係咪？） 然後買張雖然好似流流哋嘅卡紙 其實係張可以重用再重用嘅儲值卡 我絕對會讀錯al dente嘅andante 好明顯呢張相係代表而家等緊車 中途站Carolina Michaelis 啲白鴿毫無違和感咁融入咗晌個站牌度 又由Ponte D. Luís I望住Río Duero 不過今次係隔住塊玻璃

2017 年 12 月 28 日
kobayashiaromamask

小林製薬 のどぬ～るぬれマスク 夢ごこちアロマ 就寝用 ローズアロマの香り

明明出面個濕度已經高返啲 個死人office開埋晒啲中央冷氣啫 搞到成個area都鬼死咁乾 响我竟然令自己都覺得驚訝咁仲未買加濕器嘅情況下 就用呢個人哋愛嚟瞓覺用嘅加濕口罩啦！ 佢係個口罩入面再有個袋仔 俾人塞塊濕濕地嘅綿入去 好似成三四層嘢會呼吸唔到咁？ 唔會呀，佢超透氣㗎 令到吸入嘅空氣都係濕濕哋 甚至連周圍皮膚都保到濕幾好吖 最最最緊要係吸氣嚟每嘢都係玫～ 瑰～ 味～ 因為呢隻係塊濕綿裡面係加咗生活の木嘅玫瑰香薰（耶） 瞓覺用口罩我真係瞓覺用㗎 放完假响office瞓覺係常識嘛 -———————————————- 延伸閱讀：SUICAのペンギン！！！

2017 年 12 月 27 日
portugal4h

[抱抱葡萄牙] Day4：Restaurante Snoopy

食晏時間梗係繼續食葡國菜啦！ 細個响澳門嘅葡式餐 好鍾意呢味薯蓉青菜湯caldo verde 吖！有得食返突然覺得好開心（笑） 仲有滿到瀉嘅雜菜湯 sopa de legumes 唔會好鹹啲菜新鮮又甜咁 補充滿滿纖維呢 然而酒is a MUST嘅情況下 呢枝係Terras D´Alleu 香甜果味濃郁嘅厚身紅酒 唔單止配餐做配角 就連齋飲做主角都當之無愧 carapaus grelhados 燒魚配薯仔 簡單而美味 最後上菜時「嘩」咗聲嘅大大兜墨魚燴飯 arroz de lulas

2017 年 12 月 27 日
splendor

[board game] splendor

有人聚集又係玩game時喇～ 响寶物滿滿嘅日子 玩呢副"Splendor”（璀璨寶石）就最好不過 個遊戲容易上手 儲寶石儲到夠分就贏喇 不過都係嗰句易學難精啦 至少我呢庭數口極差嘅嚟講一定係 但當中又有小小運氣成分嘅 同埋要睇埋對手呀同唔同人合作等等 所以不至於數口差就唔啱玩咁 好玩又唔會太花時間 呢個game真係好嘢嚟㗎！（推）

2017 年 12 月 26 日
minnanotabo171226

大口仔儲物櫃仔

又到拆禮物嘅時間喇～～～ 今年有最最最新 (17’)嘅大口仔呀！ 雖然係港版不過個theme真係好好 去旅行… 浸溫泉… 真係超襯大口仔嘅藍色底 三個櫃桶仔 放到棉花棒棉花呀散裝小物嗰啲啦 只有未開始用嘅時候先見到嘅頂 XD 一邊係釣魚食嘢影相 另一邊有shopping浸溫泉 完全係我嘅河車 等我今年仲唔太開心冇今年嘅聖誕波波 是但啦，呢個仲實用（多謝HIMHIM） -———————————————- 延伸閱讀： 大口仔聖誕波波 2015 大口仔聖誕波波 2014 大口仔聖誕波波 2011

2017 年 12 月 26 日
coco

《COCO》（港譯：玩轉極樂園）

Pixar嘅動畫，係唔適合小朋友收看㗎… 唔係話呢套片色情暴力嗰啲 係個主體其實幾深 幾歲細路嗰啲根本都唔明 我睇嗰場仲係英文西班牙話場次 有中文字幕嘅但都唔似人仔會明箇中意思 背景係响墨西哥亡靈節（Día de Muertos） 講12歲細路Miguel (Rivera) 嘅夢想同親情嘅故事 而故事裏面以Mamá Coco (太婆) 嘅名Coco 自當然有玄機啦！ 港譯嘅極樂園，yes真係講緊極樂園（Land of the Dead）～ 色彩爆豐富故事輕鬆場面又好搞笑 加上超～ 感～ 人～！

2017 年 12 月 25 日