[鍋] 日常料理 - 壽喜燒（加隻龍蝦）
優雅嘅女性係會响屋企開香薰薰香間屋
為食嘅我係會响屋企開住個爐薰住壽喜燒嘅味道！
日常料理 - 壽喜燒
日常2人前：美國頂級安格斯PRIME雪花肥牛、巴西特級梅肉片、嫩滑雞件
（蔬菜籃）大蔥、娃娃菜、冬菇、粟米、金針菇、靈芝菇
竹輪卷、章魚餅、讚岐烏冬
另加「牛魔拼盤」雪花肥牛同下肩胛翼板
再要隻只係$168嘅原隻開邊青龍蝦400g
同埋炸魚皮、響鈴好豐富
深色係壽喜燒汁，淺色係鰹魚湯底
有人會覺得湯汁太少
但係真係好奇怪啊
明明就係食緊すき焼き壽喜燒
即係一次過薄薄地浸好晒一鑊熟
不過就以為係要食しゃぶしゃぶ涮涮鍋/打邊爐
要一～ 大～ 兜～ 湯汁咁所以先嫌唔夠湯
咁啦，做CS嘅話一般都唔可以窒啲客
唯有下次加多啲湯畀人囉
以我體驗計，呢兩支嘢好夠使～
完全唔需要加外來液體
肉肉肉肉肉，食壽喜燒一定要食牛！
因為係是日最早拎嗰批
右手邊嘅厚疊疊肥牛們未完全解凍鰹魚湯汁倒完都仲有冰 XD
飲食習慣因為黃店有啲轉變
以前唔鍾意但而家會去食茶餐廳
以前唔鍾意十十下但而家會打邊爐仲拎返屋企打（&盆菜）
一直都唔鍾意食龍蝦但今日會主動嗌返隻！！！
未放晒啲料已經發覺個煲仔有啲細
早知拎個Le Creuset出嚟啦～～～
就食得
隻龍蝦啲肉好鬼滑喎，唔錯！
有菜有海鮮嘅甜甜醬油加鮮甜鰹魚湯底
令本身已經好好食嘅壽喜燒甜牛肉個味更多層次
生蛋都唔駛加，夠晒味喇baby～
無漏咗佢哋嘅
兩樣都鮮炸毫無油臆味
因為一浸就會即食所以無可能影到煮過嘅相啊
相比起影相梗係食落肚緊要好多啦
食飽飽又薰到自己同間屋都充斥住甜甜嘅壽喜燒味
倒數完仲唔輪到我過個sweet年？呵呵呵！