All Posts
住呢間民宿呢，因為樓下就係cafe
所以好正咁入住嘅日子都會有杯free drink
瞓完個晏覺食晚飯前搵D嘢墊墊肚
lunch飲過咖啡就唔再飲
又响食飯前不如飲杯開胃嘅檸檬汁啦
甜甜酸酸又酸酸甜甜咁，又幾好味喎…
好喇，雖然我寫嘢不嬲都好Q無聊
但係點解連杯咁普通嘅嘢都寫？
其實我只係想記錄低旅行中有條低B友嘅事：
話說呢有條友話想飲hazelnut coffee喎
然後侍應嚟之前又問自己定係飲另一樣好呢
而最後就order咗杯cappuccino咁啦
咁你叫杯cappuccino，無落錯單咁梗係會嚟杯cappuccino
（嗱即係圖中右邊紅色嗰杯呢…）
好喇，而當條友飲嗰一刻就覺得怪怪地咁問我
「唔… 點解我杯hazelnut coffee無hazelnut味但係有玉桂味嘅？」
「你叫cappuccino梗係無hazelnut味啦」（wakakakakakaaaaa…）
3B呀，我絕對會笑你一世 XDDD
旅行嘅日常就係既平淡又普通不過又會加少少微笑 :)
雖然响火車度要隊咗少少生果
不過由火車站去到市中心
再拖行李去民宿
無咩嘅，有D眼瞓呀有D攰同有D餓咁囉
係就係幾折騰
但係又未去到要大魚大肉鯨吞老虎嘅地步
light D食沙律啦
雖則個size一D都唔light
體積比我個頭更巨型（講好咗唔鯨吞好似無咗回事）
一大盤雞絲，真係有好多好多好多雞
咪睇兜嘢個樣好似好柴好雞胸咁
D肉都幾滑㗎喎衰鬼！
再配滿滿新鮮生菜絲
同埋紫椰菜呀苗呀同粟米等等
fresh爆之餘仲有自家製超yummy他他醬
唔只因為餓而覺得好食
係好實在嘅幾好食
菜湯唔算好特別，足料囉
（3B碟燴牛肉飯都係超大盤）
話晒都叫做未瞓醒
espresso走唔甩啦
都係set，3B壺蜜糖桂花茶睇落抵飲好多（哈）
好，懶懶行抖陣先～
-———————————————-
好白癡咁平訂臺中機票
但走去另一邊嘅臺東
仲要訂唔到八點嗰班火車
攪到上六點九開嘅371自強號
咁鬼早，車站便當店未開
車上都係無得賣便當
（我真係好想食臺鐵便當呀 T-T）
終於，响坐吓瞓吓再睇吓風景五粒鐘多少少之後
到喇到喇，臺東我嚟喇～～～（好滾動嘅故事係咪？）
-———————————————-
延伸閱讀：臺東瘋食遊（8D7N）
响呢個對於人體存摺兩難之間選擇嘛
我當然會揀「乜都要晒」！
無計啦，貪平搭晏晝機黃昏到臺中機場
然後再搭巴士去市中心
攪到夜一夜check in
先落樓搵嘢食（唉）
條街好鬼靜，有檔口嘅不過無乜人
加上D嘢食唔吸引食慾
好彩有間24小時家樂福
大大間幾好行（仲要無乜人先夠正）
當然要買嘢食啦
乳酪啦，做早餐宵夜下午茶都OK
有飲嘅食嘅統統都買
好鬼健康係咪？
咪傻啦，睇唔睇到左邊微微入鏡嗰碗？
無錯！我十世都唔食一次嘅大碗麵
响臺灣嘛，買滿漢全餐實無死
（加上有特價哈哈哈）
宵夜，當然要高脂高熱量低纖維啦
好足料有大大舊牛肉㗎死未？
好健康嗰堆乳酪？明天請早啦～
（食完沖涼瞓覺，聽朝一早要爬起身…）
-———————————————-
延伸閱讀：臺東瘋食遊（8D7N）
