All Posts
臨走都要無料足湯！
有個假桜島噴出來嘅溫泉水
俾我再一次望住個桜島
反正等過關條龍好長
一早排隊都冇意思
不如坐响度慢慢等啲人散咁啲先啦…
然後，就要同鹿児島宮崎講byebye喇～～～（揮手）
-———————————————-
延伸閱讀：Happy Days！鹿児島宮崎！ (10D9N)
鹿児島梗係要玩指宿砂浴啦～
砂むし会館 砂楽
備受遊客同旅遊書歡迎
裡面有最緊要嘅砂溫泉之外
仲有好普通公眾浴池式嘅溫泉
換好件浴衣就可以落去玩砂
沿海邊嘅砂都係出哂煙㗎
佢係因為呢帶地底嘅溫泉水熱埋啲砂
而人呢就「浸」响啲熱砂度
同浸溫泉一樣都會出晒汗
熱啦總之就係
熱砂之外，一大個海景真係好靚
仲要係咁好嘅天氣
然後入去呢間茅屋
成日响啲poster上面見到露天先有嘅遮仔冇得上場
～呢條hihi就係咁被活埋喇～
工作人員一路炒砂
唔係要炒熱啲砂
相反係要令到啲砂同空氣接觸多啲
等佢地降吓溫
越深嘅砂就越熱所以佢哋一直响度炒炒炒
當然啦活埋你哋呢班契弟都係好重要嘅工作（！）
如果唔係老細做乜要開舖做生意呀
瞓咗大概廿分鐘先起身
去旅行，搭車又搭船之後
行去碼頭隔離個商場仔浸吓腳先
木建築再加開晒燈咁都幾靚㗎
咪睇佢個樣咁清以為係普通熱水呀
佢係溫泉水嚟㗎，仲要免！費！喎
嚟到唔插對腳落去浸吓
真係會後悔七七七世囉
雖然宜家係夜晚睇唔到咩海景啦 XDD
浸完求其行兩行D舖頭就走喇
（賣嘅嘢唔算好吸引）
兜過正門呢邊
有棵高高大嘅燈燈聖誕樹
咩角度都影得唔靚
所以走lu，去搵嘢食先～
-———————————————-
延伸閱讀：Happy Days！鹿児島宮崎！ (10D9N)
就算個天刪咗個水泵
佢都仲會留返個鏟俾你自己挖嘅…
（個鏟要畀錢買㗎，唔係個天就咁擺低 TT）
登登登凳，就係呢套挖溫泉套裝喇
膠袋裡面有指南啦毛巾同埋最緊要嘅鏟
硬身鐵鏟，好似好有實力咁
好啦好啦去挖喇挖喇～～～
…由遊客中心走返出去
再行出大路口先可以上到巴士
* welcome cute唔包㗎要另外俾車費
再跟住個手繪地圖响呢個站落車
好啦，天氣好好又冇人
行啦…
再沿住條車路（たいかん橋）行啦
哇D車大大架轟轟聲仲要係勁快飆過
响佢哋側跟行我都覺得震震哋
過咗條大車路就轉小車路兜個大靚彎
呢邊係南岳嘅大屁股
再行呀行呀行…
呀～ 沙灘呀！終於行到喇（好滾動）
有村海岸
呢一站係去溫泉浸吓腳同去吓visitor centre
見到人行嘅入口，走過去實無死
望到個亭就代表到達 「桜島」溶岩なぎさ公園足湯 喇
呢度係公園所以有一大片草坪
面向錦江湾
後望桜島火山
：：：：：：乾旱：：：：：：
不過好可惜呢排個bump壞咗
無得浸呀 TT
（免費足湯呀呀呀～～～）
好啦，既然無俾我咁容易就浸到
就走去桜島ビジターセンター
買呢套温泉掘りセット
實行自！己！掘！溫！泉！
（e？火山灰アイス？？？）
拎埋好可愛嘅手繪地圖
搭桜島路線バスgo go go！
（* 呢隻巴士welcome cute pass唔包，要另外畀錢㗎）
係呀，又去極楽湯浸溫泉喇～～～
鬼叫行一陣就到
鬼叫個限定養命酒湯好過癮
鬼叫瞓石板好得意
鬼叫露天同室內都有好多種浸
鬼叫…
有100円off嘅優惠劵，哈哈哈！
然而入去裡面有嘢食之餘仲有嘢賣
除咗最普通遊客式芒果曲奇、蕃薯脆粒同出面一樣價錢之外
農產品呢度買得平好多又新鮮
宮崎県の白水舎乳業 | 牛乳甘酒 百白糀
首先，浸完溫泉飲牛奶甘酒
呢隻made in宮崎嘅奶 x 甘酒
標榜「 遊離アミノ酸は牛乳の１００倍。ヨーグルトの２５倍以上。」
完全適合浸完溫泉飲用補充養分
味道都幾濃郁，天然甜但甜咗少少
都香嘅，不過擒日朝隻自家製甘酒實在太驚豔
係有D比下去，所以唔應該拎嚟比較
星期六嘅宮崎，响應該頗繁榮嘅橘通人都唔多隻
原來呢度D人比起行街買嘢
會鍾意一家大細一起走去浸溫泉多D
宮崎嘅宮崎市
一係就去貴D嘅大淀川D酒店浸
平民如我，平平地但係都非常爽嘅
當然要嚟極・楽・湯！
如其名真係爆極樂
不過嘛，居民式浸係要自己帶毛巾
無咪買囉都OK嘅，反正唔貴…
但係
.
.
.
.
.
.
我嚟之前已經google過
知道係要帶定毛巾
所以我執行李嗰陣已經包好條毛巾入喼
可惜世事就係咁
當你張條毛巾安安穩穩咁帶去宮崎嘅酒店
就真係會放咗向酒店囉囉囉
莫講話帶去溫泉；連酒店房門都無出過囉（唉～）
咁樣買毛巾真係好唔抵㗎嘛 TT
搭巴士由霧島神宮到霧島神宮駅
然後買飛等JR
去呢個旅程嘅下一站
きりしま足美の湯
買完飛唔駛急住去月台等車嘅
車站隔離有足湯浸吓
都係溫泉水嚟㗎！（冒煙冒煙）
正！
浸吓腳仔先～～～
好，浸完就入站喇
呢個站好有特色咁有鳥居、燈籠同條布
上到月台lu，等車走喇
天氣好好風景又迷人連吸啖空氣都覺得好爽
其實仲想去埋霧島温泉市場行吓街啦
响丸尾滝睇吓瀑布啦
甚至係高千穂河原睇火山口通山跑 … … 㗎！
奈何真係唔夠時間
要繼續去下個地方啊
因為搭早D出發（加上平D）所以要响都城駅轉車（嘻）
好，到宮崎駅喇～（hello宮崎！）
雖然要拖住喼由宮崎駅到橘通り
（住呀食呀浸呀都係集中响呢邊嘛）
我・愛・溫・泉
日浸夜浸真爽皮，啦啦啦～
泉水係霧島温泉
（附近有日当山温泉、妙見温泉、国分温泉…）
而最大特色係呢間嘢會挖附近火山泥
D泥充滿硫磺味
可以敷頭敷面敷晒全身
擒晚敷足全身
因為本身室溫較低，好鬼凍
今朝醒D喇，一邊浸住溫泉一邊敷面
又舒服又可以靚～～～
（係呀！敷完隻泥皮膚乾乾淨淨白白滑滑！）
浸完喇，梗係要食早餐啦
呢度係自助式
不過唔係求求其其嗰種
話說我每樣都想食
而且基本上都唔錯食得人嘅
個豆渣salad好好食，好想試吓自己整
溫泉蛋溫泉蛋溫泉蛋！！！
但係最最最正係呢度自家製甘酒（！）
超～ 好～ 味～！
甜甜蔬菜汁都OK
嚟霧島飲霧島水
擒晚响房舒舒服服浸溫泉
雖然之後唔算好早瞓
不過一早就已經精神奕奕
尤其睇吓，個天咁鬼靚
真係早起D望多兩眼都好吖
（左邊舊雲好似隻馬！）
酒店有包自助早餐（筍lover！）
食少少晾吓個肚（無聊到呢D嘢都影…）
因為又要出發去食個brunch，哈～
-———————————————-
延伸閱讀：臺東瘋食遊（8D7N）
响臺東無行吓山做吓yama girl
嚟到知本就行吓啦～
人哋認真保育咁俾吓路費都OK
（唔似某D國家咁求其封個山封條路就話要收費但又唔執吓囉）
GOGOGO～
好山好水唔太曬，perfect！
就算唔係行山，行吓呢D闊平地都好爽
同埋唔怕行得辛苦
嬉遊林間區 高空棧道
呢度叫得森林遊樂區當然有嘢玩
响呢堆木道跑跑吓
大人細路都可以玩得開心
呀～ 繩網吊索橋呀
仲要無人玩，可以喪跑喪un喇！哈哈哈～
（乖孩子唔好學呀！）
好喇，玩完就終於開始真・行山
呢度行山路徑有：
－ 頭先已經經過嘅景觀步道
－ 總長1.8公里嘅森林浴步道
－ 長2.
特登比平時再早多兩三個鐘去機場
當然唔係擔心遲check in會無機坐；
買無切手信要去機場最後衝線呢D問題啦
呢個機場其中一個特色就係：
有・溫・泉・浸
仲要係可以睇住飛機起飛嘅位置
我呢個溫泉控去日本無浸過硬係有遺憾
為咗唔令到自己去旅行會有丁點不滿
所以呢，溫泉is a MUST
入口自己除低鞋入鞋櫃
然後篤篤篤個自動售票機
畀完錢出咗飛就去counter拎毛巾 & locker key
分男女，行啱自己個性別就OK啦
裡面不大但都有齊熱泉更熱嘅泉冷泉同按摩泉
鍾意更可以走出去露天風呂親親飛機
正爆！！！
-———————————————-
延伸閱讀：GO! GO! NaGoYa～（8D7N）
