All Posts
宵夜食甜嘢好正常吖～
對於左邊嗰杯つぶあんミルクカップ
即係之前响日本食嗰隻 法官大人我無補充喇
今次仲俾我周到同紅豆最夾嘅抹茶雪糕！
仲要係有上下餅嘅最中
裡面加埋都係韌韌嘅湯圓
吖～ 好好食呀（爆心）
-———————————————-
延伸閱讀：臺東瘋食遊（8D7N）
香味料真係一種可惡嘅嘢！
呢粒糖，明知唔會俾到100%純蜜瓜汁
亦都知道鬼死咁多糖
唯一好dd都只係算用到少少奶
不過就係好蜜瓜好caramel味囉
好食囉就係，星期五係更需要甜味開心吓囉
呵呵～
秋天！有芋頭有番薯有栗子
當然唔可以無咗柿啦～
係呀，又係𥄫到D食物獎買嘅
細細一粒不過都幾重身喎老細
柿上面有糖結晶
一堆完熟柿再日曬兩日
然後去核後一齊排好捲成一大條
經過2個月冷凍乾燥
最後切成一舊舊包好OK跳起yeah
あああ～ 係濃郁嘅柿味呀
柿味係濃，但甜味都算係清甜
入口又漿又韌，咬得好過癮
好好味呢～～～
當突然有選擇困難症嘅時候
揀攞過D咩食物獎（iTQi: International Taste & Quality Institute）
仲要一攞就連續攞七、八年
三粒星最高評級嗰隻喎
應該無死錯人喇啩…
平凡樣嘅包裝
包裝裡面都係包裝
通常統稱獨立包裝咁
好簡單嘅蘋果片同薄曲奇底
薄囉～ 脆囉～ 清甜囉～
都幾好味㗎，又係嗰D食完忍唔住再開多塊嗰種
無咩嘅，除咗個價錢貴咗D無缺點嗰類囉
咁又未去到超級好食嘅
試吓無壞吖，就咁。
栗子！栗子！栗子！！！（非常重要所以講三次！）
秋天就是要食栗子
配埋煙韌嘅大福
呀～ 爭杯茶喎…
我又唔係成日入廚房焗焗焗
去呢間烘培專賣點做乜Q呢？
仲要專程响日本買，真係買嚟托…
哈！乜你見過香港有呢包嘢賣咩？
一來香港只～ 專賣烘培食材
二來有得你賣都無可能咁新鮮（同抵食, OK？）
係呀，是即時包裝貨
日本網上店都買唔到㗎
隻紫番薯比一般厚身
又硬又脆食落覺得好夠份量
唔似食陣風嗰種啦
味道唔太甜，啱啱好食得出糖味
同淡淡番薯味道
一盤過賣晒就收檔
簡直係期間限定極致版，耶～
-———————————————-
延伸閱讀：GO! GO! NaGoYa～（8D7N）
係呀，又係栗子呀，秋天嘛…
栗甘露煮入りのチョコレートパウンドケーキ
（CODE C POUND CAKE CHOCOLATE AND MARRON）
長方一條朱古力pound cake
話就話pound cake，但佢係無落牛油
即係根據「商品說明條例」呢
就可能犯咗法咁樣囉
無咗牛油味嘅蛋糕依然厚身溼潤
朱古力味香醇濃郁
甘栗夠多，邊面切開都見到佢嘅蹤影
而且大大粒又夠晒甜
耶～ 大滿足！
（個些停完全無咩廚囉，想點呀？）
-———————————————-
延伸閱讀：GO! GO! NaGoYa～（8D7N）
係呀，我只係衝住個monde selection連續11年金賞而買
之前完全無任何idea呢盒係乜Q嘢
日文同英文一樣啦，名古屋法蘭西
好明顯係兩樣嘢溝溝吓咁，即係咩呢咩呢吓？
「開嚟見我！」
似曲奇樣又有D似macaron嘅嘢咁囉
Mmm… 其實佢係舊夾心蛋糕
綠圈係抹茶味啡紅圈係chocolate味
乾身蛋糕夾住濃郁抹茶/ 朱古力再加もち餡
cream濃滑もち就韌，味道唔太甜… 基本上唔錯
不過兩層蛋糕真係有D太乾喇
扣晒分囉，變返做平凡OK好食蛋糕
而唔係「哇！好好食果然值得拎十一年金賞喔！」 囉～
ほっくほくの栗
限定出荷嘅栗子味，食落差唔多
不過絕對秋天嘛，都係食栗子味好味D
-———————————————-
延伸閱讀：GO! GO! NaGoYa～（8D7N）
聽講名古屋嘅和菓子無其他地區咁甜
買嚟試吓囉反正我個肚有位
五件裝四隻味：さくら、抹茶、しろ、さくら(again)、上がり
さくら - 淡淡櫻花葉味
抹茶 - 咪就係抹茶咁嘅味
しろ - 原味，米粉 x 砂糖嘅味囉
上がり - 紅豆沙味 唔單指比一般甜死無命賠嘅和菓子無咁甜
甚至係覺得糖應該係好罕有同珍貴
喂大佬無味嘅？！
米粉做嘅糕唔夠韌
各種味道都唔係好出得到
即係，食幾種味都係同一個口淡淡嘅結果
（抹茶已經係最突出自己隻味喇陰功）
期間限定嘅青柳ういろう おいも、青柳生ういろうくり
要食到拎過獎嘅蛋糕仔們要去邊間蛋糕鋪排餐飽？
去FamilyMart咪得囉，反正24小時都開
鍾意幾點排幾點買幾點食都得～～～（我直頭買返香港食啦）
（左上）フィナンシェ financier
（左下）フロランタン florentins
（右）プレミアムバウム premium baum
三款到拎咗2015年嘅monde selection金獎（之前食過拎呢個獎嘅零食）
件フィナンシェ仲拎埋最高金賞
好，就食佢先！
淡淡杏仁味配上焦香牛油味
蛋糕鬆軟帶微微濕潤，喂係好食喎
フロランタン呢
牛油曲奇餅底 + 面層焦糖杏仁片 = 香・甜・脆
個焦糖仲要好鬼焦，焦到微微苦
令甜味多咗份大人味道嘅層次
買得一塊我只可以承認係買少咗（扁嘴）
只係食兩三件稲荷寿し係未夠滿足
而且秋天嘛，一定要食栗子！
所以呢，食呢隻栗わらび就最啱喇
栗子蓉加砂糖一齊煮，香甜兼滑身
外層係プルプル嘅わらび餅
中和餡料甜味，パーフェクト！！！
-———————————————-
延伸閱讀：GO! GO! NaGoYa～（8D7N）
食碗麵做晚餐果然係滿足唔到旅行胃食mode全開嘅我
（well，唔旅行都係胃食mode全開我認）
襯松坂屋仲未打烊就買啦買啦仲等咩呀？
有好多都好正咁，最後揀咗呢兩款
（plus R咗4分1件鬼まんじゅう試吓）
首先出場係(又)名物吉芋花火
一條條幼身煙花狀
脆糖包住番薯條，夾咗一啖入口就停唔到
一路食一路食一路食，實在太邪惡（！）
再來pack唔係名物但見到忍不住買嘅大学芋（べっ甲芋）
因為見到「二度揚」 ，炸兩次喎
梗係要試吓同平時有咩分別啦
有附送糖漿不過用唔著
無計啦，佢個甜度啱～ 啱～ 好～
外面糖皮硬脆，番薯裡面又香又粉
相比花火更食到番薯嘅味道
雖然睇落大学芋顏色深D好似甜D
不過食落無花火咁漏
反而攪到呢個成pack一嘢就KO（嘿嘿嘿）
哇哇哇！好在有買多無買錯
宵夜都係唔食唔得嘅…
