All Posts

tomoguchi

貝ひも - 谷貝、なるみ、TOMOGUCHI

又係Hello送酒好朋友系列 － 帶子裙邊！！！ （左至右整齊排列） 谷貝 焼きひもバター醤油 なるみ ほたて焼貝ひも TOMOGUCHI 国産ほたて貝ひも 谷貝 焼きひもバター醤油 顧名思義，有牛油味又有醬油味 只係剩返些微帶子邊香味 不過都算係好味嘅… なるみ ほたて焼貝ひも D裙邊唔會好乾身 味道純粹帶鮮，唔錯唔錯 TOMOGUCHI 国産ほたて貝ひも 呢隻都幾好，乾乾哋食落香D咁 OK鹹，送酒就啱啱好！ 吖～ 酒呢？？？

2015 年 12 月 3 日
natorisalmon

なとり 北海道產 鮭とば

做人要multi-task；做三文魚都要！ 同我對蘿蔔腳差唔多長嘅連皮三文魚乾 （係條魚本身好長死都唔認係自己腳短！） 勁深紅色，擺明夠濃縮夠鹹香 可以直接食，加酒後燒嚟食焗嚟食 亦可以掉入湯掉入飯一齊煮 講究D用酒醃一晚先整仲香 鍾意點整就點整 務求令到條魚死無全屍得有七七四十九種變化 用嚟送酒超一流 又鮮又鹹送啤酒又得送烈酒亦得（得咗）

2015 年 12 月 2 日
ringootome

[お菓子] りんご乙女

當突然有選擇困難症嘅時候 揀攞過D咩食物獎（iTQi: International Taste & Quality Institute） 仲要一攞就連續攞七、八年 三粒星最高評級嗰隻喎 應該無死錯人喇啩… 平凡樣嘅包裝 包裝裡面都係包裝 通常統稱獨立包裝咁 好簡單嘅蘋果片同薄曲奇底 薄囉～ 脆囉～ 清甜囉～ 都幾好味㗎，又係嗰D食完忍唔住再開多塊嗰種 無咩嘅，除咗個價錢貴咗D無缺點嗰類囉 咁又未去到超級好食嘅 試吓無壞吖，就咁。

2015 年 11 月 25 日
tomizchip

[油菓子] TOMIZ (富澤商店) - 紫いものチップス

我又唔係成日入廚房焗焗焗 去呢間烘培專賣點做乜Q呢？ 仲要專程响日本買，真係買嚟托… 哈！乜你見過香港有呢包嘢賣咩？ 一來香港只～ 專賣烘培食材 二來有得你賣都無可能咁新鮮（同抵食, OK？） 係呀，是即時包裝貨 日本網上店都買唔到㗎 隻紫番薯比一般厚身 又硬又脆食落覺得好夠份量 唔似食陣風嗰種啦 味道唔太甜，啱啱好食得出糖味 同淡淡番薯味道 一盤過賣晒就收檔 簡直係期間限定極致版，耶～ -———————————————- 延伸閱讀：GO! GO! NaGoYa～（8D7N）

2015 年 11 月 20 日
jagabeewings

Calbee Jagabee (じゃがビー) 東海限定 手羽先味

好薯嘅じゃがビー，喂有好多款味喎 屬於東海地區嘅名古屋 當然係食返東海限定味道 YES！名古屋隻金鯱樣嘅包裝 就係手羽先即係雞翼味～ 會唔會食到風来坊嘅味道？ Mmmm… 都食到鹹味甜味同胡椒味 脆過D雞翼咁囉（廢話） 做零食OK嘅，OK囉… OK？ -———————————————- 延伸閱讀：GO! GO! NaGoYa～（8D7N）

2015 年 11 月 18 日
bankaku

坂角総本舖 ゆかり

試咗機場買嘅平價海老せんべい 點少得食返D貴嘢溝吓貨呀 由江戶時代傳承嘅古早味道 材料離唔開蝦呀小麦粉呀でん粉呀糖呀塩同調味料咁樣 因為簡單所以味道香 係呀，個蝦餅真係帶有好濃郁嘅蝦味 濃到有D似食緊風乾無鹽蝦膏咁 可惜我應該係一個唔太識食嘅現代人啦 呢隻餅好硬，又脆又硬真係好切合古代人嘅飲食文化 我呢個現代人到算鍾意咬嘢 但係硬到呢個地步嘛，Mmmm……….（皺眉） 好在一袋得八包好珍貴 呢D貴嘢試少少就夠 無咩事我都係出返去食返我包機場蝦餅算喇～ -———————————————- 延伸閱讀：GO! GO! NaGoYa～（8D7N）

2015 年 11 月 11 日
ebisato

えびせんべいの里 - えびせんいろいろ

唔單止「唔駛急有咩手信機場買就得」； 而係「你唔宅配嘛，只有機場先有得買喎～」。 名古屋呢個蝦city嘛 臨走當然唔可以唔買返包えびせんべい送禮自用啱啱好啦 呢包正呀，咩味都有唔駛煩惱 蝦有鮮味梅夠酸味醬油有甜味紫菜有香味わさび有辣味 仲有芝麻有魷魚等等等等啦一共11款味唔講喇你自己去買嚟食 又平有好食，C/P值爆廠 加上食完個袋唔好急住拎去廢膠回收 佢夠硬淨又zip得夠實，裝嘢一流 （防潮都好Q大包，用得返唔好徒） 去名古屋機場浸個風の湯 然後個門口隊出就係佢，買啦買啦買啦～ -———————————————- 延伸閱讀：GO! GO! NaGoYa～（8D7N）

2015 年 11 月 10 日
nagoya8d

[GO! GO! NaGoYa～] Day8：伊賀の里モクモク手づくりファーム

坐完巴士到機場，除咗check in當然又要搵食啦 ぐるぐるウインナー 波板糖形狀嘅脆皮腸 即叫即整熱，外皮脆內裡juicy肉嫩唔會粉 モクモク本身係經營農場 所以肉食呀牛奶呀菜呀都係新鮮直送 唔怪得咁好食啦 個等食豬牌好鬼cute～ -———————————————- 延伸閱讀：GO! GO! NaGoYa～（8D7N）

2015 年 11 月 2 日
nagoya6b

[GO! GO! NaGoYa～] Day6：伊藤軒 揚げ銀杏

秋天的味道啊～ 除了最愛的栗子，還有銀杏呢！ 去除了殼跟芯的銀杏 退水乾炸，爆脆！！！ 面層有鹽加上淡淡銀杏味 這種香嘛… 啤酒please（cheers！） -———————————————- 延伸閱讀：GO! GO! NaGoYa～（8D7N）

2015 年 10 月 21 日
nagoya4e

[GO! GO! NaGoYa～] Day4：新雀本店 お団子

很喜歡食煙韌食物的我 看到即燒的団子真的好心動 （而且是大須名物喔！） 醬油顏色閃閃的樣子非常誘惑 醬汁味道微鹹中帶濃甜的不錯不錯 反覆燒了幾次外層燒的焦脆 可惜… 不是韌的 T-T 這不是糯米是米打成的吧 總之它是很好，卻不是我喜愛的東西 伯伯一直燒燒燒，忍不住就買了～ 日本很少街頭垃圾桶 所以吃完的籤就放在圖右的收集筒就OK！（綠圈圈） -———————————————- 延伸閱讀：GO! GO! NaGoYa～（8D7N）

2015 年 10 月 6 日
calbeehoneybutter

calbee 蜂蜜牛油味薯片

其實也只是趁墟而已，嘻嘻 也可能韓國本身的版本會濃味些 港版的味道不算非常突出 蜂蜜跟牛油味也有 少少甜OK香中又稍微鹹的味道 因為除了蜂蜜跟牛油 還有香草同軟芝士 所以又鹹又甜不過沒有衝突就是 吃過就算，不必大手掃貨啦（遠望）

2015 年 6 月 4 日
gargendurianwafers

嘉頓忌廉威化 榴蓮味！

連我都買到喇終於～（激動） made in HK的榴蓮味威化 一打開包裝香氣四溢 要令一屋榴蓮味完全無難度！ 鬆脆的威化；creamy的夾心 能有不喜愛的理由嗎？（哈） ps. tak，這包是你的喔～

2015 年 5 月 21 日