All Posts
本身心情一般，走落樓諗住買燒賣皇后試吓
點知閂半閘話整緊無咁快
唯有過隔離買腸粉啦～
石磨豬膶腸粉加雞蛋
上次食唔到，今次終於食到
仲係好好味嗰隻
「唔該想要豬膶腸粉加燒賣」
「燒賣未返貨呀，不如加餸？」
（吖～ 今日冇燒賣日呀？）
「咁加雞蛋啦，我畀個盒你…」
「我响你啲腸粉度加咗料」 「唔？」
「加咗我嘅心意」
「XDDD」
「仲加多少少豬膶」
「哇你唔單止靚仔，仲好有心肝」（心）
結論就係：心情麻麻就落鳳鳴買腸粉啦！
點知返到去收到全宇宙最索條腿仲要長過我個人嘅同事個message
話買咗燒賣皇后返嚟開心些牙
係原味日日手工包嘅冬菇豬肉燒賣
雖然佢哋嘅燒賣係黃色嘅
但係當然唔可以唔畀佢哋隻辣椒染紅
哈哈，個味係鮮嘅
不過我本身係唔鍾意食豬肉燒賣
出館後去返鳥取砂丘
夜晚先開嘅攤檔
仲會有人打碟
食返件鹿カツ暖暖身先
等食期間仲有熱辣辣嘅湯，好和暖呢～
-----------------------------------------------
延伸閱讀：ドキドキ鳥取（8D7N） Day1：米子鬼太郎空港 → 米子
Day2：米子 ↔ 境港
Day3.1：米子 → 由良
Day3.2：由良 → 倉吉 → 三朝温泉
Day4.1：三朝温泉 → 倉吉
Day4.2：倉吉 → 鳥取
鍾意食新鮮爆谷
而預先包裝嚟講臺灣嘅星球工坊都唔錯
冬陰功爆谷 | 麻辣芝士爆谷
不過香港貨都有正嘢呀 @Pow Cook 爆谷
樣衰衰嘅畫作幾搞笑
裡面啲嘢都唔係求求其
兩隻味都係好濃郁嘅味道
（照字面寫住嘅咩就完全係呢個味）
細包就細包啲，費事食過量啊！
因為真係會停唔到口㗎
雖然札幌おかき Oh!焼とうきび已經好很好食…
北菓楼 北海道開拓おかき 野付北海シマエビ
但係呢隻睇落再新鮮啲
仲要係蝦味含扁蝦乾嘅脆脆米果
真係無敵無得輸！！！
道東野付産の北海シマエビ
隻蝦係每年嘅期間限定品
蝦味甘甜濃郁，點食都唔會厭 加上呢隻米菓每粒都係用北海道嘅米同鹽
經過煮呀打餅吹乾熟成工序
整個過程需時七日，每粒都係精緻貨
太好食喇實在～（大心）
由細到大都好鍾意食蝦條（心）
calbee かっぱえびせん 山わさび味
呢隻係北海道地域の定番商品
係山わさび味道
有wasabi嘅香味而只有微微嘅辛辣
芥辣同蝦（海鮮）個味點食都咁夾，正！
寫住「北海道限定」又「大通公園名物」咁，好難唔買嘅…
札幌おかき Oh!焼とうきび
焦香醬油粟米味嘅粒粒鬆脆米餅
哇哇哇！呢啲嘢堅邪惡
完全忍唔到口一粒接一粒接一粒接一粒咁
然後「啊啊啊～ 食晒嗱？！」
昭和5年（1930年）至今嘅美味…
千秋庵 山親爺
本身千秋庵係响大正10年（1921年）創立㗎
塊餅上印咗隻孭住條魚嘅熊
餅身硬脆嗰種，牛油同牛奶味濃郁
仲有住淡淡蛋香嘅超vintage風味
同有過百年手藝嘅台南煎餅有得揮喔！
落住雨咁一口氣行咗2公里…
就係為咗嚟五坪食厚岸産のカキ呀～～～
生嘅同燒嘅「我全部都要」！
好大隻又肥肥厚肉好好食啦
仲係好好好抵食
加上老細係超～ nice～ 嗰隻
真心極級推介！！！
-----------------------------------------------
延伸閱讀：食道鉄道北海道（8D7N） Day1：新千歳空港 → 帯広
Day2：帯広 → 釧路
Day3：釧路 → 塘路 → 網走
Day4：網走 → 旭川
食咗鹿肉包包…
响市場中央咁啱撞正「秋の鯨肉普及キャンペーン」
by 釧路くじら協議会
先有無料派發嘅くじら汁
（鯨魚麵豉湯）
個湯好多料呀仲解決到食完漢堡啱啱有啲口渴嘅狀況
仲有鯨の竜田揚げ
舊炸鯨魚仔又幾好食喎
無咩濃烈嘅味道肉都唔嚡嘅
-----------------------------------------------
延伸閱讀：食道鉄道北海道（8D7N） Day1：新千歳空港 → 帯広
Day2：帯広 → 釧路
Day3：釧路 → 塘路 → 網走
Day4：網走 → 旭川
話說9月28日係孔子birthday（公元前551年）
食返包偽長壽麵賀賀佢～
台南市文化局「至聖點心麵」
其實裡面係童星點心闊麵（模範生點心麵）啦
屬於臺南古蹟嘅限定商品
問米都唔駛就搵咗至聖先師孔子代言加持
仲有佢嗰兩句「讀書要多用點心」同「一定要致勝」嘅正能量口號
背面則係《論語‧學而篇》首章嘅「學而時習之，不亦說乎！」
不過食完又冇覺得自己叻咗
反而奇怪在9月28係天秤座
點解佢生得一啲都唔靚仔嘅？
亀田の柿の種
原味唔駛去日本都隨時買到
啱啱投完票柿の種同花生係7：3比例
然後啲6：4比例嘅就即時停產
亀田の柿の種 梅しそ
又係唔駛飛都買到嘅恆常味道
响原味再加紀州産南高梅嘅乾燥梅肉
酸酸地食幾多都唔會厭
亀田の柿の種 わさび
亦係唔飛都OK嘅味道
加咗安曇野産本わさび嘅wasabi粉
一食就停唔到口，太爽喇～
亀田の柿の種 チーズ味
係キリン工場限定品
特登唔開晒嚟食運返包畀HIMHIM㗎
亀田の柿の種 旨辛パドロン風味柿の種
都係响KIRIN工場入手
辣味 x hop，送酒一流～
亀田の柿の種 STAR WARS
臨上船前又聞到好鬼香嘅味道…
係燒汁串燒蠔！！！ 喂呀响嚴島唔食新鮮蠔真係會對自己唔住㗎！
搭返JR宮島フェリー回程
見到遠處大鳥居潮退
啲人就行埋去
不過咁曬嘛最後都係秒skip
情願早啲走返去好過
返到嚟宮島口駅
又係漫長返去市中心嘅車程
-----------------------------------------------
延伸閱讀：広島！食紀行（8D7N） Day1：尾道らーめん 三公 | 季節料理 なかしま
Day2：e's time cafe & ANDERSEN | 酔心本店 | 幸せパンケーキ | 徳ちゃん
