All Posts
响淳樸滿滿嘅地方
揀條雪條都揀得vintage啲
丸永製菓 あいすまんじゅう
仲拎埋國際品質獎Monde Selection モンドセレクション 金賞喎
味道點都會有保證嘅
梅花筒嘅形狀
牛奶雪條裡面包住粒粒蜜煮紅豆
啲北海道紅豆大大粒
皮薄內沙一咬融化
牛奶冰內有煉奶嘅甜味
根本就係雪條狀嘅紅豆冰走冰
好好味呢～
浸完溫泉食埋雪條就去瞓喇
聽日再去殺過（吼吼吼）
-----------------------------------------------
延伸閱讀：食の四国ツアー (8D7N)
Day1：香川（高松）
Day2：香川（高松、丸亀、琴平）
Day3：香川（高松）↔ 徳島（鳴門、徳島）
冇好似「少爺」(坊っちゃん) 咁嫌棄松山呢個所謂鄉下嘅地方
不過同佢一樣：我都好鍾意浸溫泉㗎！
呢個溫泉係日本三古湯之一
而依家見到呢個道後温泉本館
係响1894年（明治27年）落成嘅日本重要文化財
除咗1906年畀「少爺」無比嘅讚絕
1950年（昭和25年）仲有昭和天皇入浴過
都有形容過幢嘢係《千と千尋の神隠し》 （千與千尋）嘅「油屋」原型
樓高三層，溫泉有地面一樓嘅神の湯 階下、霊の湯、2階 ・ 3階休憩室同又新殿
因為夜晚所以只係神の湯開放
貴嘢皇族嘢唔關我樹～
左下嘅人力車車夫
以前代步用而家觀光用啦（我行路嘅）
-----------------------------------------------
延伸閱讀：食の四国ツアー (8D7N)
Day1：香川（高松）
Day2：香川（高松、丸亀、琴平）
Day3：香川（高松）↔ 徳島（鳴門、徳島）
食飽就嚟松山之中最重要嘅地方：道後温泉
道後温泉駅
架路面電車JR pass包埋嘅
個站於1895年開業
1911年要改闊軌距就起第二代站舍
而家呢個係1986年落成嘅第三代站舍
部分材料都係用第二代嘅
個外型都係仿照第二代重新設計
坊っちゃん列車
响溫泉站隔離條路軌泊咗呢架「少爺列車」
《少爺》(坊っちゃん)係夏目漱石嘅小說
小說主角坐嘅「像火柴盒般的火車」前往四國松山嘅中學
所講嘅就係當時伊予鐵道所採用嘅列車
呢架係蒸氣機車頭再複製後改為柴油引擎推動嘅
佢仲運行緊㗎但係一日唔係得好多班
要遇到佢都唔易呢～
坊っちゃんカラクリ時計
都係同「少爺」有關嘅少爺機關鐘
响1994年即係道後温泉本館建設100年周年嗰陣嘅其中一樣紀念品
個鐘會响唔同時間報時播歌
（「この街で」、「伊予万歳」、「坊っちゃんのテーマ」同「子守歌風伊予節」）
播歌嘅同時會鐘門大開
少爺啲情節公仔會郁郁吓
鍾嘅右邊仲有個好受歡迎嘅足湯
創業380年有多嘅鯛魚素麵老店
鯛そうめん當然係必食㗎啦！
松山ハイボール | みかんビア
兩隻都係「愛媛蜜柑」味
左邊highball右邊啤酒
蜜柑啤酒味道非常清香，好好飲呢～
地ダコの唐揚げ
冇諗過嗌嘅在地八爪魚
好彩有叫，又爽又彈牙外面輕炸夠晒味
加上八爪魚本身味道夠鮮，絕品！
伊予和牛のおろしポン酢仕立て
愛媛以前叫伊予
伊予牛即係呢度嘅牛
半生嘅和牛撈撈食
肉嫩汁酸真係好開胃呢
伊予佐妻
係愛媛縣嘅魚同味噌加埋嘅郷土料理
即係木桶隔離兜類似湯嘅物體
味道都幾香不過以第一次食嘅嘢嚟講就唔太驚艷
兜飯粒粒亮澤發晒光咁，靚到吖…
鯛そうめん （姿身）
要揀就揀食得最好兼最豪嘅成條鯛魚款
作為一枚animal lover
去親近吓佢哋真係無可厚非㗎（心）
秘・燒黑松露吉列牛
牛肉以黑松露麵包糠包住
外面就變得脆脆咁再加搶味嘅黑松露香
吉列牛係幾得意嘅
不過個牛味就俾松露味搶咗
啊！隻楓糖流心蛋好好食！ 秘・朴葉味噌牛肉
呢個由生煮到熟都要一段時間
肚餓就唔好叫佢
同吉列牛一舊舊嘅唔同
係大塊啲嘅牛可以撈勻兜埋一堆
燒過嘅朴葉會微微滲出香氣
麵豉醬有啲重手可完全沾滿每一片牛
都唔錯嘅係等食嘅時間長咗啲…
鐵板安格斯牛
Mmm… 以個人口味嚟講
最原始嘅味道係最好味
啲肉新鮮嘅話
就咁直燒已經夠
根本就唔駛加呢樣嗰樣嘛…
清酒煮活托托蜆
未到食晚飯時間喎
咪去便利店食少少甜嘢坐一陣囉…
ロッテ kiri 濃厚クリームチーズアイス
cream cheese雪糕
都係用kiri嘅芝士啦
咁個芝士味都算濃嘅
-----------------------------------------------
延伸閱讀：食の四国ツアー (8D7N)
Day1：香川（高松）
Day2：香川（高松、丸亀、琴平）
Day3：香川（高松）↔ 徳島（鳴門、徳島）
Day4：香川（高松）→ 愛媛（松山）
Day5：愛媛（松山、宇和島）
Day6：愛媛（松山）→ 高知（高知）
Day7：高知（高知、中村、須崎）
Day8：高知（高知）→ 高松（高松空港）
坐住架アンパンマン列車
兩個半鐘多啲就嚟到松山
個松山駅都有アンパンマン㗎
（後面仲有唔少poster呢）
隔離紫橙色宇和海アンパンマン列車聽日會搭啊！
松山，以前叫今治雞
而呢隻今治雞バリィさん就係呢度嘅吉祥物PR
松山驛
同台北嘅松山站係姊妹車站喔！
JR松山駅前電停
唔係JR係電車站
遊松山市嘅話靠佢好方便
→ 大街道駅
去酒店check in先…
-----------------------------------------------
延伸閱讀：食の四国ツアー (8D7N)
Day1：香川（高松）
Day2：香川（高松、丸亀、琴平）
Day3：香川（高松）↔ 徳島（鳴門、徳島）
Day4：香川（高松）→ 愛媛（松山）
本身對賭博毫無興趣
不過呢套漫畫同真人版電視劇就一集不漏咁睇（無睇動畫）
真人版嘅還原度超高！
唔止講緊主角浜辺美波喎
係松田るか、森川葵、岡本夏美、柳美稀以至池田エライザ都同漫畫（上色後嘅動畫）好似
由樣到神韻以至氣場好似嗰種
電視版係跟原裝動漫好好睇
不過呢套電影版就NG喇
條線扯開到連外傳都不如
用賭博去對抗賭再明顯地變節係咩玩法
唔好話桃喰綺羅莉睇唔落去
我都睇唔落去… 唉～嘥晒啲演員 T-T
同細路「爭返嚟」嘅弁当特別好食（ROAR！）
咁啱坐喺第一排
又要咗最後一個便當喎
後面同之後嘅細路冇得買啫
食之前梗係會喪影相
個飯盒嘅價值大部份都係响個包裝度嘛
紙盒嘅邊都唔放過
有橙色列車
有過幾日會搭嘅綠色列車（土讃線アンパンマン列車 グリーン）
另外兩邊
影完就快啲開箱啦，肚餓喇！
哈哈，光頭阿伯咁 XDDD
支硬膠叉都刻咗佢
兒童餐弁当，味道OK嘅個盒可以用返，個分格可以拆開
成個圓形咁用有得；一格格當攢盒用亦得！
-----------------------------------------------
延伸閱讀：食の四国ツアー (8D7N)
Day1：香川（高松）
Day2：香川（高松、丸亀、琴平）
Day3：香川（高松）↔ 徳島（鳴門、徳島）
Day4：香川（高松）→ 愛媛（松山）
响栗林公園急急腳走
返酒店check out拎埋行李
栗林公園駅 → 瓦町駅（拖住行李）→ 高松築港駅 高松築港駅（拖住行李跑！）→ JR高松駅
予讃線 8000系電車特急 アンパンマン列車
啱啱好趕得切上麵包超人列車（喘）
高松 → 愛媛
白色車彩虹裝飾
加上滿滿麵包超人角色真係超超超可愛
上車喇！
車廂裡面都有好多㗎
普通席車廂入口
天花裝飾
同車身一樣係白底彩虹畫
車廂連接通道嘅公共空間
部汽水機有佢
對七國歷史無興趣
對套漫畫都無興趣
不過真人版嘅主角係山﨑賢人喎！
擸架罉斬人嘅山﨑賢人喎！！！
當然仲有好可愛嘅橋本環奈同勁型嘅長澤まさみ啦
吖！又打得幾好睇喎
多人嘅畫面都做得好浩大
係咪會有續集啫吓？
食飽就入呢個有四百年歷史
（日本）國家指定特別名勝嘅栗林公園行個圈喇
公園依山而建，總面積約75公頃
平地面積約16公頃
經過常磐橋
就到東門入口
逗留時間唔多，南北路線只可擇一
所以揀咗南庭環遊路線
雖然公園個名叫「栗林」
但實際上庭院都係由松樹組成
公園中大約有千四顆松樹
其中約一千顆係由匠人親手修剪
到現在大概過咗三百年
呢啲親手修剪嘅松樹已經整到好似盆栽咁靚
公園嘅起源响16世紀後半
係由當地顯貴佐藤氏响西南地區（小普陀附近）做嘅別墅花園
以紫雲山為背景係响1625年左右
當時贊岐國嘅領主生駒高俊响南湖一帶造園
就建成咗而家睇到嘅栗林公園原形
讃岐民芸館
如其名，裡面放咗讚岐地方嘅陶器木工品漆器等等
好大棵雪松
樹後嘅右面係展示香川產物嘅商工奨励館
同左邊嘅意大利餐廳 ↓↓↓
