[串] 大門橫丁 Dai Mon Yokocho
今日我大晒嘅日子
佢話我鍾意食乜就同我去！！！
梗係想試吓响晏晝就食串燒啦，嘿嘿～
仲要豪食咁話唔要叫set，散嗌見到咩想要就叫！
汁燒香蔥牛肉卷
薄牛肉卷好乾身
所以有汁同啲外乾內爽嘅蔥墊埋係好重要
岩鹽串燒牛舌
牛脷呢家嘢係咪都會嗌㗎啦！
面頭乾身裡面因為唔太厚都叫有剩返啲肉汁咁
都滲唔少牛嘅香味嘅，算係咁啦都
汁燒鰻魚串
鰻魚鰻魚鰻魚啦啦啦
個蒲燒汁鹹甜度適中魚肉本身較肥膩
不過呢樣嘢都唔容易整得難食嘅
芥末餃子
wasabi香氣令呢隻肉餃子變得特別（啲）
不過個餃子皮都幾厚吓
同埋個底如果煎得再燶啲就好喇…
蟹皇醬蒜香燒北海道元貝
元貝唔會燒到全乾身食得出個鮮味，good～
蒜味道幾突出
個蟹皇醬個味又夠濃郁
可惜搞到蟹皇醬or調味蒜蓉其中一樣over咗
特色三文魚腩
三文魚腩本身軟綿綿
加上油香味濃
就咁燒配埋蘿蔔蓉
响香魚味同油花之間減低返個油膩感，唔錯
芝士明太子玉子燒
玉子裡面少甜軟身
外面燒過就變得乾爽
配埋明太子同芝士呢啲濃味嘢
乾爽滑加微微漿口都幾特別
岩鹽串燒雞軟骨
無咩好特別，okay啦雞軟骨好咬丫嘛～
牛油燒萵筍
爽口嘢個面又帶牛油香氣，正！
大門雞皮串
點會嗌雞皮啊！仲要有埋個招牌响個餸名度喎
呢串雞皮超級好食
個樣已經睇到好過癮
唔係一般嗰啲一塊一塊咁
外面爆出裡面唔乾嗰啲就爆雞油
勁好食最推薦（大大心）
日式叉燒手打烏冬（鮮番茄湯）
哈哈，最後竟然唔係串燒菠蘿
好似食極都未夠咁就再隊碗烏冬
都好足料吓但係講唔上有咩特別好味之處
係肯定夠飽囉，就咁（嗝～～～）