[潮] 醉潮館
就咁同佢食容易揀嘢
一再多啲人就弊
呢個唔食呢樣嗰樣
嗰個又話唔肚餓唔好嗌咁多
好啦咁，最後個份量變得…
同佢平日我哋兩個食得晒嘅份量差唔多 XDDD
醬滷拼盆
一次過食墨魚、紅腸、豬耳、豬腩肉、溏心蛋、韭菜同豆腐
無一般潮州老舖咁死鹹
不過又講唔出有咩特別驚艷之處咁
（可能因為有我唔食嘅紅腸啩）
椒鹽孖寶一口方塊
鹹嘅椒鹽豆腐 x 加煉奶就甜嘅炸饅頭
香口嘢，正！
最正係啲炸蒜粒
所以饅頭鹹甜食都可以
冬菜粉絲蒸九肚魚
好啦個個都話自己熱氣咪揀一碟炸嘢就算
反正九肚魚滑捋捋好過癮呀
平時就食開炸嘅
估唔到蒸嘅都幾好味
然而濕笠笠加滑潺潺又真係冇炸嘅咁多層次
有得畀我揀都係鍾意炸嘅多啲，哈！
（椒鹽九肚魚die-hard fansです。）
豬油渣炒菜心
充滿油令令嘅色澤
菜新鮮夠爽唔帶苦味
豬油渣有香唔臊
鹹鹹地其實送酒就一流
但係肚入面有BB繼續禁酒中
無得試佢嘅招牌菜潮汕砂鍋海鮮粥
有冇得飲佢嘅炖湯
見到啲嘢食感覺上未到去食呢度最特色甚或係去緊食潮州嘢
雖然都算okay叫食吓大排檔嘢咁
不過是但啦，唔到你有say時係要就吓大圍㗎喇…