[影話戲 x iStage] 獨坐婚姻介紹所
話說呢套劇第九次公演
等我又湊熱鬧講吓先
我睇嘅場次係2011年嘅第七次公演
角色係廖啟智、鄧健泓、鄧智堅同鄭至芝
依次序男男男女咁
導演係劉浩翔
（之前啲同嚟緊呢次公演係佢做埋演員㗎喎就係我睇嗰次冇！）
編劇係羅靜雯
故事以一間密實房裡面
一個人對住一部攝錄機介紹吓自己咁
一句講晒：獨腳戲
分場（而頭先演員次序，最後一場係3+1）
第一場 扣 － 阿沈的自白
咪就係一個想自己擁有完美婚姻嘅人… 囉… …
第二場 困 － CK的自白
寂寞嘅風流男想開始搵個女人穩定落嚟喎
原來只係為咗逃避自己真正嘅需要
第三場 藏 － 卓男的自白
年輕又有腦，為咗要有「正確」嘅人生
但只不過係唔想承認自己嘅感受
第四場 放 － 會面的對象
將三個人（故事）綜合埋一齊
發現點樣先可以真正坦誠面對自己
就能夠從而得到幸福
故事夠張力，演員講故事能力都到位
好似好沉重嘅劇
其實都可以用輕鬆嘅手法做出嚟
睇嘅觀眾都從中有得著
今次公演嘅係激新版
不過有我極度唔鍾意嘅劉錫賢（藐）
是但啦，今次都無買飛…