[麵] 鶴亀 - 黑松露慢煮安格斯牛沾麵、海老帆立貝沾麵
好negative咁將DNA送中
結果係negative就出返去食嘢
黑松露慢煮安格斯牛沾麵
黑松露就係味道好搶
不過啲牛肉大大塊又腍身
就唔會畀菇食晒成兜嘢個味
麵條爽滑彈牙夠掛湯，好好食呢～
個沾麵汁骨湯味奶白味道濃郁
仲有隻帆立貝响裡面，駛唔駛咁足料呀？
海老帆立貝沾麵
碗麵啲料都多成個碗蓋咁
海鮮們帶住絕頂鮮甜嘅味道
沾麵湯汁係滿滿櫻花蝦sss
其實响牛肉沾麵同佢之間真係好難揀，全部食晒就最好～
特濃豚骨沾麵
唔沾沾吓爆濃香豬骨湯麵都好好食
鹽味雞湯拉麵
要清嘅仲有呢種
日式煎餃子
拉麵嘅好朋友，話煎啫其實係氣炸鍋炸嘅
唔會油膩膩咁都唔錯嘅
吉列芝士蝦球
但小食之最一定定定係呢個芝士蝦波波！！！
彈牙蝦球裡面係流心芝士
正到暈啊！食幾多粒都唔會夠喉呢哈哈哈～～～