[ドキドキ鳥取] Day6：千代むすび酒造 岡空本店
頭先食飯飲過好好味嘅上撰千代むすび 純米吟釀
千代むすび酒造 岡空本店
返酒店條路會經過嘛，入去八吓先
啊啊啊～都有鬼太郎㗎！
最最最緊要，呢度係有日本酒sake bar嘅（立飲）
首先，我係衝住門前寫著呢杯R1BY 初しぼり嘅無過濾原酒而嚟
啱啱出嘅新酒，清香味美好適合飲嘅第一杯
小食揀咗クリームチーズの醤油漬け同いかのしょうゆ漬
兩樣都係我本身鍾意食嘅嘢，無得輸！
筷子托都係用鬼太郎（角色）呢
第二杯試燗嘅完熟純米
3年熟成，琥珀色澤香氣飄逸
熱飲更完全將香味再迫出，正！
第三杯，呢杯唔係我叫係bartender請我飲嘅
因伯人(Impact) DRY GIN
請我飲嘅原因係我研究過呢支嘢
本身係俾將招紙吸引到
然後就「e？日本酒廠釀嘅GIN？」
跟住我就獲得一個shot
入口係超清新嘅青檸味
隊完一陣先覺得「哇！個47度酒精衝緊出嚟！」
好爽口！講真，好想買不過平日好少飲GIN
第四杯，猫また梅酒
隻貓貓咁過癮加上今日無點食過甜嘢嘛
飲梅酒幾好呀，梅酒濃郁香甜on rock就just right
原本間舖裡面得我一個响度飲
然後突然有三五知己嘅ee走入嚟
個個都話要杯甘酒，然後好快哈哈哈飲完就走
跟住，我唔執輸咁都要返杯
但係因為舖頭一直開著暖氣覺得熱就飲凍嘅
然而唔忍心睇住我暴殄天物嘅bartender
話甘酒熱飲會好飲好多
就二話不說再去㷫一杯請我飲
咪講笑！凍飲已經好好飲；熱飲係非常好飲！！！
飲完返唔到轉頭熱住個身都係咁話～
啦啦啦，買咩好？
酒 & 鬼太郎，啱哂我河車啦總之就
-----------------------------------------------延伸閱讀：ドキドキ鳥取（8D7N）
Day1：米子鬼太郎空港 → 米子
Day2：米子 ↔ 境港
Day3.1：米子 → 由良
Day3.2：由良 → 倉吉 → 三朝温泉
Day4.1：三朝温泉 → 倉吉
Day4.2：倉吉 → 鳥取
Day5：鳥取
Day6.1：鳥取 → 境港
Day6.2：境港
Day7：境港 → 皆生
Day8：皆生 → 日吉津 → 米子鬼太郎空港