[ドキドキ鳥取] Day1：大山黒牛処 強小亭

走過陰森嘅路段

終於嚟到今晚晚餐嘅地方

大山黒牛処 強小亭
肚餓就唔諗太多，揀set啦 （強小亭プレミアムコース）

食大山牛梗係配大山手工啤 Daisen G Beer（心）
左邊係香甜濃郁果味重嘅Pale Ale
右邊係甜甜滑滑身最後帶微苦嘅Weizen

炙り牛さし握り 雲丹添え
（牛肉手握壽司配海膽） 醋飯上放上生牛大髀肉同海膽
塊肉入口即溶
肉嘅味道同海膽一樣濃郁但唔互相搶味
配埋醋飯就唔會太膩，超～ 正～

焼きしゃぶ
燒嘅shabu牛

薄薄嘅牛肉唔拎嚟烚拎去快速燒

好快就轉色喇

大山牛… 無咩㗎，拎過日本第一黑毛和牛獎之嘛…
燒完之後油花咇出香而不漏咁囉
加上個汁係柑橘醋、高湯同紅葉泥（蘿蔔泥&辣椒）混合
就算連埋燒唔走晒嘅肥油食埋都仲係唔油膩膩

焼きすき 烤壽喜燒suki牛，將すき焼き燒嚟食

牛肋眼先以砂糖、醬油同味醂醃製

有糖所以易燒得焦香啲

平時食すき焼き會蘸蛋汁
呢片すき牛都有
不過係再用心機啲嘅全發起泡泡蛋白
連埋濃郁蛋味嘅橙黃色唔腥蛋黃
將肉片美味層次再再再推高呢～

ホルモン盛り合わせ
視心血管健康為無物

再加咗個內臟盤燒呀燒（呵呵呵）

啲烤腸好好食就預咗啦
估唔到啲牛膶更驚喜
外層燒到焦焦脆
裡面微軟膶味香濃新鮮唔會羶，好L好食呀頂！

お口直し
好似法式料理咁有清口菜

好似細細棵蘆薈咁嘅佢叫做石蓮花
味道帶酸，果然好清新

季節の紅色サラダ
連埋兜沙律（調味汁都有兩種）
可以繼續迎接牛牛sssssss～

本日の稀少部位四種盛り
ハネシタ | イチボ | 外カルビ | ウワミスジ
….邊打字邊流口水

好在燒牛嘅時間唔漫長

燒吓又食吓

食吓又燒吓

唔講唔覺就已經飽飽地

特製ガーリックライス | テールスープ
完全唔記得咗個set係仲有蒜香牛肉炒飯同超讚嘅牛尾骨湯
但係個飯超超超香，點都扒啲落肚
牛尾骨湯… 湯之嘛，飲得晒啦！
話時話個湯係嗰啲睇落清但牛味勁濃，好好飲～

自家製デザート三種盛り
係好很飽嘅，然而滑滑pudding同mousse點都啪得落

飲杯茶就夠啦（嗝～）