[臺東瘋食遊] Day2：田園米膳坊－麻油雞火鍋、宮保杏鮑菇set
有D夜加上落雨同埋未熟路
好似搵唔到食顛嘅鋪頭咁（但hidie不哭）
見到有間嘢仲未閂咪入去囉
吖～ 終於有嘢食喇
呢個麻油雞湯底嘅火鍋嘛
係細人仔3B嘅
湯底好香，邊罏料有菇啦菜啦瓜啦
又有丸啦海帶啦粉絲啦
仲有海鮮啦… 啦… 啦…好Q多嘢
有排打，打到個爐火都熄都仲打緊
加火加火please～
（白飯都好大碗滿滿滿）
我呢，就食宮保杏鮑菇set
配四碟小餸（番茄蛋、蝦米椰菜、燙青菜同唔記得係乜）
加碗蘿蔔清湯
除咗個宮保，全部味都較家庭式不太重口味
所以走飯is okay，反正唔係好有飯癮
本身一入去就有嘅桂圓紅棗茶
太好飲，一直refill囉
個set最後嘅超甜起沙黃西瓜，好滿足呢～～～
-———————————————-
延伸閱讀：臺東瘋食遊（8D7N）