All Posts

oxfamgames

樂施會 - 謎玩社區遊戲創作室簡介會

作為唔識正確地運用腦袋嘅我 係冇玩過咩密室解謎嗰啲game 何況係設計一個遊戲 不禁懷疑自己其實參加緊啲乜（笑喊） 但係玩完個相對簡單 而又能夠take message嘅game 再聽埋個後續講解嘅實境遊戲 同呢個創作室計劃簡介 又好似唔係想像中咁難咋喎 （呢個女人係非常容易落搭嘅） 呢種社區遊戲創作 based on樂施會講嘅社區議題 配合boardgame x 密室逃脫 x 野外定向玩法 務求有得玩之餘學到嘢睇到嘢 要堅去參加成個創造歷程 就要上多幾次堂 同埋飛去臺灣實地試玩幾日！ 個價好抵又唔駛請好多假 （平日嘅話，成個計劃只需請一日假咁少）

2018 年 5 月 25 日
calligraphy

咁啱兜過一個書法學會嘅展覽…

自細唔鍾意寫毛筆字 因為覺得啲墨搞到周圍好污糟 收拾起嚟非常麻煩 但係，由最黑嘅液體 造成令人有安心平靜嘅字 就咁睇，都係件賞心樂事吖～

2018 年 5 月 22 日
sampletalk

不貧窮藝術節 X 微批 X Sample「書寫自己、吃掉他者──食物的身分與離散」

食物同文學，感覺上冇乜交集 但都係穿插响日常生活之間 講者係作者洪嘉同Sample總編葉梓誦 話題穿梭於小說、食譜、飲食延伸至間 唔多唔少，兩粒鐘啱啱好 主題豐富唔悶不過就有啲散亂 （而且企响最後面嘅藝術節成員&編輯A一直响後面傾計有啲騷擾） 最陰功係空肚去參與 响間café一路講嘢食但係冇嘢食 去到最後十幾分鐘有啲肚餓 所以一完咗就狗衝落樓食消夜（哈） 不貧窮藝術節（4-27/5） 今年有高雄 x 香港 x 北京跨地域舉行 而香港係第一年舉辦 希望搞藝術嘅都唔再貧窮同心酸 涉獵嘅範圍都好廣氾㗎 有戲劇戲曲舞蹈偶戲親子音樂展覽交流會文學以至步行團 藝術節為表演者免費提供平台 仲唔扣除成本（場地、器材、宣傳同行政） 所有嘅收益俾返晒表演者 一個好有心嘅單位

2018 年 5 月 4 日
dutchflower

Dutch in the Neighbourhood : Dutch Flower Arrangement Workshop

話說荷蘭日响香港已經搞到第四屆… 有唔同工作坊俾人參加吓 例如木屐鎖匙扣工作坊 係俾小朋友玩有顏色嗰啲啦 所以就試吓平日同我完全冇交集嘅… ♪ 插起那荷蘭花吖呀～～～ 材料就有呢啲 個根球超似紅蔥頭囉呵呵 然後經導師教路 張啲草皮包住個花成球 （導師讚我舊嘢包得好圓呀！） 再綁起佢就完成㗎喇 呢盆係Blue Pearl 風信子，都係荷蘭花啦 响荷蘭運過嚟㗎 雖然講開荷蘭花會先諗起tulip 但係而家已經唔係佢嘅花期 因此用都係荷蘭包包花風信子 鬱金香嘅話就大大朵好靚不過唔會好香 而風信子細就細朵啲，但係個花味就勁香 同場仲有教整荷蘭小鬆餅Poffertjes 牛奶都係用返Dutch Lady㗎 XD

2018 年 4 月 22 日

香港潑水節 古式仙女巡遊 + 激fun水戰派對

哇！今日D2天氣晴 巡遊行得靚；潑水玩得爽呢～ 朝早嘅古色巡遊 八人轎上面仲有擒日water angel嘅冠軍 隊伍裡面，有唔同國籍嘅大大小小一齊行 當中有啲仲係响泰國特登飛嚟玩㗎！ 着晒傳統泰式民族衫 同埋泰國新興嘅designer品牌 完咗巡遊，入去有冷氣嘅舞台 有泰式民族舞啦 有小朋友跳舞啦 仲有香港花式跳繩隊嘅表演 當然，最最最重頭戲梗係大潑特潑嘅潑水水戰啦 （啲機冇防水就冇再响下面影相呀） 市集仍然繼續人頭湧湧… 今日推介極清甜嘅100%椰青水 啦啦啦，玩足三日喇～

2018 年 4 月 8 日
songkranhk18b

香港潑水節 泰國時裝show & water angel 選美比賽

睇show唔影嘢 一習慣影就睇唔晒個show 個結論就係影得一張比較出得街… 咪睇以為係佢哋件衫色彩繽紛 其實係觀眾投票俾佢哋嘅花環嚟㗎 多到好誇張呀，不過佢哋行得好pro又有氣勢 仲個個都夠笑容滿面 全部都以廣東話同泰文介紹自己 （無論咩國籍都係兩樣講晒好叻叻㗎） 市集方面今日多咗檔刺符 不過紋身呢家嘢 我怕痛呀都係睇人整就夠喇 繼續有飯有粉麵有零食啦 喂呀次次行過都冇晒榴槤條㗎，可惡！ 聽日都有stage show 仲有古式巡遊 巡遊有今日收到最多花環嘅妹妹Molly 佢會响大轎上面做紫色星期六女神 隊伍裡面有唱有跳同泰式鼓 然後兩點半，重頭戲嚟㗎 條長義街封左喇，到五點半可以一路潑潑潑呀 所以，學啲電影海報話齋… 四月八日，奉旨潑水！

2018 年 4 月 7 日
songkranhk18a

香港潑水節 泰國新年市集 @D2 place

今年嘅香港潑水節同泰國嘅一樣玩三日 今日呢，就先响市集兜兜吓睇吓有咩食玩買先！ 好似翟道翟形式嘅市集 唔同之處係有！冷！氣！ 同一直播住好好un嘅泰文歌 入到嚟先有盤泰式花藝 可以隨心浴佛 （我冇宗教信仰就唔特登玩喇） 而叫得泰國市集 齋讀字都知呢度嘅嘢都係泰國嘢啦 有泰國品牌嘅products啦 又有泰國嘅天然嘢skincare 呵呵！有泰國傳統衫租 可以扮吓地道更應節 （租衫嘅隔離仲有得化妝！） 喔！色彩繽紛嘅夏威夷恤 原來都係泰國喜慶服飾嘅一種 平平哋買返去，過兩日玩潑水都易着易除啊

2018 年 4 月 6 日

香港潑水節巴士巡遊 + 記者招待會 @D2 place

香港潑水節轉咗場去D2 香港潑水節轉咗場去D2 香港潑水節轉咗場去D2 （因為非常重要所以講三次！） 今日除咗係愚人節 仲係下個禮拜潑水節嘅宣傳日 晏晝嗰陣有巴士巡遊 最後一站當然係停响D2 place啦 潑水節即係認知嘅泰國新年 而今年再玩大啲 搬埋翟道翟過嚟香港 加埋舞台玩足三日 （當然唔少得泰式巡遊同浴佛呢啲傳統嘢） 七彩仙女model姐姐們… 一共有七個（七隻顏色） 代表一星期裡面嘅七日

2018 年 4 月 1 日
artgallerynight

Art Gallery Night by HKaga

今日… 冇嘢可以 阻！我！收！工！！！ #發藝術家脾氣

2018 年 3 月 26 日
jyhhkig

呃呃呃呃呃…

靚仔還靚仔吖 着成咁… 想點呀？

2017 年 7 月 13 日
zeronucleartee

[tee time] 核電歸零tee

揀tee上面D字語圖畫 當然係反映買者心態 好明顯，我係歸自己為反核類 呢個世界無需要靠呢樣東西去「進步」 能量大係真嘅 但係傷害性更大 作為人類，我覺得真係唔值得冒呢個險 意思簡單易明，就係咁。 ps, 件tee質地好好又夠厚（唔係MIC） 不過個領口cutting有D怪 唔… 著唔到，最後我直頭將條領cut咗佢先著！ -———————————————- 延伸閱讀：臺東瘋食遊（8D7N）

2016 年 3 月 9 日

懶惰的必要性！

因為休息所以去玩；因為去玩所以休息…

2015 年 9 月 1 日