All Posts
我不嬲都準時收工嘅
所以咪可以有多啲時間做自己鍾意做嘅事
包括… 睇日劇！
都係由漫畫改編嘅電視劇
講一個之前工作過勞而暈倒之後就講明唔加班嘅女主角東山結衣（吉高由里子飾演）
佢身邊啲同事同伴侶屋企人嘅事
劇情嘛… 就係十集裡面一集一位配角嘅單元
呢集講完佢下一集就變返大配角咁
OK嘅好似比就咁睇個冇乜表情嘅吉高由里子好少少
之但係有向井理向井理向井理啊！！！（好重要嘅講三次mode）
呢條主線預咗會有好結局而真係有好結局太好喇實在拍手掌
咁其實套嘢又唔悶
幾好睇吖都係會推薦吓（向井理向井理向井理！）
哎吔吔，12集咁快就做完…
由漫畫改編嘅同志日常小品故事
勁靚仔嘅西島秀俊飾演筧史朗
同表情連小動作都超神似
唔講係直男真係以為本身came到入血
飾演美容師矢吹賢二嘅内野聖陽一齊住埋嘅點滴
套嘢叫『擒日食乜餸』梗係集集都有飯食
有嘢食有仔(佬啦)睇劇情有夠寫實有時搞笑仲有時幾sweet
冇睇過套漫畫但聽講都拍得好忠於原著
（爸爸嘅角色後尾兩集因病換咗人）
死啦～ 已經有啲失落㖭（扁嘴）
終於校園唔係只係得純愛青春奮鬥劇～
畢業禮前十日美術課老師炸Q咗離開班房嘅路
為求幫班人渣學生上最後一課
熱血嘅老師用最瘋狂嘅方法令學生長大、面對真相
同埋學識要為自己嘅言論與及所作所為負責
畢竟高中生轉眼就已經係成年人
唔可以再好似小朋友咁㗎喇
有老師有學生有刑警
個故事節奏明快
雖然結局都預咗係喊晒口人生大哲理嗰啲
但係無損成套劇嘅張力呀
加上去班房裡面有片寄涼太、古川毅、鈴木仁喎
（已經未計新八阿SIR喇）
如果當年同班嘅有咁高質真係日日返學都願啊～
哇哇哇！等咗17年終於等到佢哋一齊上台喇（感動）
好耐冇試過咁期待一套嘢播出～～～
白色氣球海呀！！！
雖然冇得親身去現場睇
（一星期內17萬人申請，場館容納二千四人，冇可能抽得中。抽中都唔識聽個確認電話。聽得明仲要買機票酒店等等…）
睇節目同啲人放嘅現場片都好吖～
青蔥歲月呀……
延伸閱讀：
[Kpop] 我最喜歡H.O.T.的五首歌
好耐無試過又捕住個「電視」
今次唔係睇劇，係跨年唔出街睇紅白！！！
（睇完出街倒數其實都OK，一陣睇吓點先啦～）
雖然今年終於無咗SMAP
（Mmm… 從來都唔覺得佢哋唱歌好聽）
但係仲有好多想睇（聽）嘅嘢
好難得，因為感覺上已經無興趣咗好多年
突然間又有返D嘢好吸引所以又追返咁…
～望一望有咩好睇～
放送日時：2016年12月31日 午後7時15分から11時45分
場所：日本東京NHK音樂廳（我當然係响香港上網睇啦！）
総合司会：武田真一
司会者：（赤組）有村架純
司会者：（白組）相葉雅紀
審查員（共10人）
秋本治／新垣結衣／伊調馨／大谷翔平／草刈正雄／春風亭昇太／高畑充希／辻沙繪／萩野公介／村田沙耶香
（最重要嘅）曲目：
你睇你睇，有細細個就鍾意嘅Puffy啦
X JAPAN喎 紅喎
福山雅治啦，娶咗老婆細路都生埋又點？都係靚仔唱歌又好聽。
ゆず D歌都好好聽好順耳啦
近期每星期都乖乖捕住呢套嘢
呢對男女主角，對我嚟講真係無敵組合：
勁鍾意嘅歌手演員星野源同非常之咁鍾意嘅新垣結衣
套嘢由海野綱彌嘅同名漫畫改編
劇情輕鬆，拍攝手法又夠搞笑
以「契約結婚」（事実婚）為主題
然後咪行吓行吓就行埋咗，yeah！
上個禮拜旅行中直播
無字幕明唔晒都仲要跟播
鍾意套劇鍾意到癲！！！
今晚最終話喇，有D唔捨得喇已經…
我仲未學識跳「恋ダンス」呀～
家裡沒有電見到見到視機的我（有是有，但已收在床下底）
平常是不會埋首看電視劇這東西
因為覺得非常浪費時間
頂多看10集的日劇，一年可能看過1-2套吧
韓劇對我來說，又長又哭哭啼啼生生死死的
所以這麼多年來唯一一套完整看過都只是《黃真伊》
不過，這次給小不點燒到了
看了這套《별에서 온 그대》
（love from star/ 來自星星的你）
完全是一發不可收拾
當然的因為是全智賢
她飾演一個跟她本身一樣的大明星
不過就沒頭沒腦自大又不愛讀書
然後跟飾演1609年來到地球的外星人金秀賢⋯⋯（下刪）
總之就是一齣愛情喜劇
在加插了謀殺案這樣
暫時故事的張力還不錯
雖然男主角實際年齡是25
而女主角已經32（81年生的）
可在劇裡又不覺得太不匹配耶
