All Posts
本身對溫情片完全無感…
但係俾深夜食堂嘅作者安倍夜郎講咗句：
「シイタケが嫌いな常盤司郎監督の『最初の晩餐』、いい味に仕上がってると思う。」
咁讚法真係當美食節目睇都好吖
唔睇由自可，一望個演員表就知唔嘢少
有平手友梨奈染谷将太、戸田恵梨香、窪塚洋介（！）、⻫藤由貴、永瀬正敏
而18歲扮演小五角色嘅森七菜睇落冇太大違和嗰嘢勁
個個角色都係非常好戲
套戲同深夜食堂咁每樣嘢食背後都係一個故事
只係呢套係直情時間軸咁一路到守夜嗰日
都幾好睇嘅，至少鍾意深夜食堂嗰種片嘅話都啱睇…
人間失格：失去作為人嘅資格
本身太宰治嘅《人間失格》個「我」係大庭葉藏
而呢套戲就畫出腸用返太宰治（小栗旬 飾）做主角
監製係蜷川実花，實係用好多唔同嘅花
亦都係以女性嘅拍攝法嚟拍到鍾意沉溺女色嘅男人有幾仆街
如果要墮落先寫到文，就徹底墮落
然後再寫出最好嘅文章
咁蔫豬頭都要有齆鼻菩薩
有個默默支持嘅正室津島美知子（宮沢りえ 飾）
加個愛人兼弟子嘅太田静子（蜷川嘅至愛：沢尻エリカ 飾）
再多一個愛到一齊去死啦yeah嘅山崎富栄（二階堂ふみ 飾）
同埋根本無頼嘅無頼派作家friend坂口安吾（藤原竜也 飾）嘅「支持」
冇計架喎，條文學仆街就係咁成就出嚟
其實冇咩嘅，唔理咩道德枷鎖嘅話
又真係唔需要當係一回事
所有嘢都算係求仁得仁同各取所需啫
比起齋仆街又冇成就好好多啦，仲想點呀？
失咩格吖，沢尻咪又係樣好人仆街
以土橋章宏嘅小説《引っ越し大名三千里》改編
而小說係基於江戸時代前期中幫姫路藩主松平直矩搬咗七次嘅大名嘅事蹟
星野源飾演大名片桐春之介
唔戴眼鏡嘅佢係响造型上有微微嘅喜感
咁當然响嗰陣係未發明眼鏡呢樣嘢
高畑充希飾演幫手嘅於蘭
唱歌把聲非常好，搵佢啱晒
最搞笑當然係唔用腦嘅friend鷹村源右衛門（高橋一生 飾）
隊自己個好兄弟去死真係堅好笑
無人無錢無經驗又要大搬就要用吓腦
最後梗係搬得到，之後仲要搬幾次咁啦
當輕鬆哋睇吓歷史又好
當單純地聽吓歌笑吓都好
總之佢唔算係一套爛片唔算浪費生命就OK
哎吔吔，連篠原涼子都要做殘老母嘅角色嘛…
好啦，本身係為咗啲お弁当而睇嘅（吃貨無誤）
不過睇睇吓又覺得個劇情都唔錯
（咁劇本同現實ttkk(Kaori)係有分別好正常）
對付叛逆期又要型格嘅細女嘅方法係可愛
可以諗到咁嘅單親阿媽一啲都唔簡單
响不經意地睇到有代入感再而感動
無計啦篠原涼子同芳根京子個「互動」做得好
睇啲便當造型就知擺咗幾多心機
加上套劇嘅起承轉合、連貫度同收尾都好順
係加個fan屎入去有啲奇怪啫
只係估佢唔到又幾好睇咁
本身諗住係咁意kill time㗎咋～
輕鬆惹笑情節又夠誇張
好難唔一直追住睇呢
係由電視到SP運勢編嘅汁都撈晒嗰種
仲要响反送中期間望返香港
身為one of a HongKongers感覺上有多重唔同嘅意義
會覺得日本人一直留嘅印象係珍寶海鮮舫死亡遊戲造型功夫同唐樓怪怪地咁
不過佢哋的確比我哋更保留舊回憶咁
（睇アミューズメントパーク ウェアハウス川崎店個電脳九龍城砦就知啦）
你以為你呃我嘅時候其實係跌咗落我哋陷阱呃緊你
唔到最後一刻唔知邊個係big boss（係啦都係主角啦）
每次睇佢哋穿橋嗰陣就最爽皮
見佢今次玩咁大真係幾好睇
繼續期待今年嘅プリンセス編（公主編）呢…
本身對賭博毫無興趣
不過呢套漫畫同真人版電視劇就一集不漏咁睇（無睇動畫）
真人版嘅還原度超高！
唔止講緊主角浜辺美波喎
係松田るか、森川葵、岡本夏美、柳美稀以至池田エライザ都同漫畫（上色後嘅動畫）好似
由樣到神韻以至氣場好似嗰種
電視版係跟原裝動漫好好睇
不過呢套電影版就NG喇
條線扯開到連外傳都不如
用賭博去對抗賭再明顯地變節係咩玩法
唔好話桃喰綺羅莉睇唔落去
我都睇唔落去… 唉～嘥晒啲演員 T-T
對七國歷史無興趣
對套漫畫都無興趣
不過真人版嘅主角係山﨑賢人喎！
擸架罉斬人嘅山﨑賢人喎！！！
當然仲有好可愛嘅橋本環奈同勁型嘅長澤まさみ啦
吖！又打得幾好睇喎
多人嘅畫面都做得好浩大
係咪會有續集啫吓？
雖然個開頭真係好搞笑
（睇動畫同電視劇冇睇之後喪loop嘅漫畫）
但係絕對絕對絕對唔好浪費時間去睇呢套戲！
唔係演員做得唔夠好
係個劇本！劇本！劇本！爛到爆！！！
千祈唔好睇！
再講多次：千祈唔好睇！！！
以冲方丁嘅同名小說改編
「個個都去死 唔通個個都想去死咩？」
最後咪又係死唔去（劇透可恥）
諗住約埋响一間醫院密室裡面安樂死嘅十二個未成年少年少女
點知實行前見到房裡面有第十三人
揀死同唔死仲要查埋案都幾麻煩
然後個個又講吓自己點解要死
啲演員都係近年輩出系
杉咲花、新田真剣佑、北村匠海、高杉真宙、古川琴音、吉川愛等
當然仲有好喜愛嘅橋本環奈（4號）啦
個故仔冇咩大起伏
結局都係好平淡預咗啦嗰種
過程都算幾好睇
至少都唔係套悶劇吖～
以推理小說作家東野圭吾嘅同名長篇小說改編
而演員陣容鼎盛更係吸引去睇嘅原因
故事講述間高級酒店裡面有單連續殺人預告事件
負責追蹤事件嘅刑警新田浩介（木村拓哉 飾）扮成服務生混入酒店
同前台小姐山岸尚美（長澤まさみ 飾）一齊解謎
除咗木村拓哉同長澤まさみ
仲有睇慣信用詐欺師JP同長澤拍檔嘅小日向文世
又有松隆子菜菜緒生瀨勝久等等
個個都好戲場景幾靚劇本又夠完整都算幾好睇
最多係睇到一半就已經估到兇手係邊個啫
只係估唔到個原因同對象
解完題就有種"ahha～"嘅感覺
至少快過睇小說嘅哈哈
改編自澤村伊智原著小說《ぼぎわんが、来る》
中島哲也嘅監督同劇本
佢拍松たか子《告白》嗰陣已經係信心嘅保證
演員仲係個個好戲之人
岡田淮一、妻夫木聡、黒木華、小松菜奈
當然仲有松隆子啦
其實本身對恐怖片冇咩興趣
不過呢個陣容嘛都係忍唔住去睇
爆血啲啫一啲都唔恐怖嚇驚驚
見到啲人死晒睇落都幾過癮
係連主角都冇得倖免（哎吔劇透㖭）嗰隻喎
其實套劇冇咩故事性可言
但係又唔覺得唔好睇咁…
因為Yahoo!知恵袋一篇家に帰ると妻が必ず死んだふりをしています。問題
演變落去就成為咗一套電影
好耐冇睇過榮倉奈々嘅演出
加上扮死啲道具又好搞笑
點知…
…好L悶囉套戲
只係啲道具好過癮
講咪就係講嗰啲老婆咩都無就跟住你生活
你唔理佢咪悶要吸引你注意，完。
無㗎喇，嘥晒我啲時間…
