[雞] NENE CHICKEN - 韓式甜辣炸雞 & 初雪炸雞
難得一個成日話食乜都冇所謂嘅人終於有嘢想食…
咁我當然會奉陪到底～
响啲雞同啤酒都未嚟前就放低
幾好吖～ 兩樣都好好食
咩都未有之前就已經輕鬆清ed
NENE CHICKEN - 韓式甜辣炸雞 | 初雪炸雞
明明嗌「有骨落地」嘅但嚟咗無骨版
是但啦當食得優雅啲囉
甜辣醬係比較穩陣嘅款色
味道當然係甜中帶微辣，雞件juicy炸得唔錯
而初雪就係極微細嘅芝士粉舖面
香甜乾身得嚟漏漏地
相對於芝士嘅鹹；佢就係甜味重啲
試吓係OK嘅，不過會係啲試一次就夠啦唔該嗰種
啤酒死都唔會再揀CASS
好彩都仲有1664，哈～